Connect with us

ព័ត៌មានជាតិ

តារាចម្រៀង វណ្ណ ណា​រ៉ា ក្រោយ​ឆ្លងកាត់​អាជីព​ច្រើន​ឆ្នាំ​បច្ចុប្បន្ន​កំពុង​លេចធ្លោ​ក្នុង​កម្មវិធី​លំដាប់​ពិភព លោក​មួយ​

បានផុស

នៅ

​ភ្នំពេញ ៖ អ្នកគាំទ្រ​និង​មហាជន​ពិសេស​អ្នកតា​មដាន​ការ​ប្រឡង​ចម្រៀង​លំដាប់​ពិភពលោក​ក្នុង​កម្មវិធី Beat Best​ របស់​ហង្ស​មាស​កំពុង​ដក់អារម្មណ៍​និង​មើលឃើញ​ពី​សមត្ថភាព​របស់​បេក្ខជន​-​បេ​ក្ខ​នារី​ជា ច្រើន​រូប​ដែល​បាន​ជាប់​និង​ឆ្លងកាត់​វគ្គ​ប្រកួត​ជា​បន្ត បន្ទាប់មក​ទល់នឹង​ពេលនេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុង​ចំណោម​អ្នក​ប្រកួត​ ដែល​ពោរពេញ​ដោយ​សម​ត្ថ​ភាព​ច្រៀង​មិនធម្មតា​គឺ​តារាចម្រៀង​វ័យ​២៧ឆ្នាំ លោក វណ្ណ ណា​រ៉ា ដែល​គេ​ស្គាល់​ថា​គឺជា​តារា​អា​ជីព​មួយ​រូប​ដែរ​កំពុង​លេចធ្លោ​មិនធម្មតា​ឡើយ​នៅលើ​ឆាក​ប្រកួត​។ លោក​កាន់តែ​ធ្វើអោយ​គណៈកម្មការ​ចាប់​អារម្មណ៍​និង​ធ្វើអោយ​ហ្វេ​នៗ​កោត​សរសើរ​ជាមួយ នឹង​សមត្ថភាព​ច្រៀង​បាន​ល្អ​គ្រប់​វគ្គ​ហើយ​ធ្វើអោយ​លោក​បាន​ជាប់​រហូតមក​ទល់នឹង​ពេលនេះ​នោះ​ផង​ដែរ​។

តារាចម្រៀង លោក វណ្ណ ណា​រ៉ា បាន​បង្ហោះ​នៅ​លើ​បណ្ដាញ​សង្គម​ថា​ គឺជា​មោទនភាព​បំផុត​ដែល​លោក​បាន​ជាប់​ពី​មួយ​វគ្គ​ទៅមួយ​វគ្គ​ដែល​ឱកាស​របស់​បេក្ខជន​រូប​នេះ​ច្បាស់​ណាស់​នឹង​ធ្វើអោយ​លោក​លេច​ធ្លោ​កាន់​តែ​ខ្លាំង​ក្នុង​វគ្គ Live Show ដែល​ជា​វគ្គ​ដ៏​សំខាន់​ប្រសិនបើ​លោក​មានឱកាស​បានជា​ប់​បន្តទៀត​។

ពិសេស​មិត្ត​រួម​ក្រុម​មិន​តិច​ឡើយ​ កោតសរសើរ​ពី​ភាព​ក្លាហាន​និង​ការ​បត់បែន​សម្លេង​យ៉ាង​ល្អ​របស់ លោក​ស្រប​ពេល​ដែល​លោក​ក៏​តែងតែ​បង្ហាញ​សកម្មភាព​ច្រៀង​ក្នុង​ក្រុម​តារា​ល្បីៗ​ផង​នោះ​ទើប​កាន់តែ​រុញ​ឲ្យ​លោក​ទទួល​បាន​ការ​ចាប់​អារ​ម្មណ៍​ខ្លាំង​ពី​ការប្រកួត​ដ៏​ធំ​នេះ​។

ថ្វី​ដ្បិតតែ​ឱកាស​កាន់​ពាន​អាច​មិនជា​រឿង​ងាយ​ស្រួល​ តែ​តាមរយៈ​ភាព​លេចធ្លោ​របស់លោក​ក្នុង​កម្មវិធី Beat Best គឺ​ពិតជា​ធ្វើអោយ​លោក​ក្លាយជា​បេ​ក្ខ ជន​ល្បី​ម្នាក់ មិន​ពិបាក​ឡើយ​នៅក្នុង​ពេលនេះ។ ​តារា​ចម្រៀង​លោក​វណ្ណ ណា​រ៉ា​ ក៏​ត្រូវ​គេ​ឃើញ​ប្រឹង​ប្រែ ង​ហ្វឹកហាត់​ដុសខាត់​សម្លេង​ដោយ​យកចិត្តទុកដាក់​ផង​ដែរ​ជាមួយនឹង​កម្មវិធី​ដើម្បី​សម្រេច​ក្ដី​សុ​បិ​ន្ត​។

លោក​ត្រូវ​បានឃើញ​បង្ហាញខ្លួន​ជាមួយ​តារា​ល្បីៗ​មិនសូវ​លោះ​ពេល​ទេ ជាពិសេស​ក្នុង​កម្មវិធី​សប្បុរសធម៌​របស់​លោក ប៊ុត ចន្ថា ហៅ​បង​ម៉ៅ​នៅ​កំពង់ស្ពឺ​ដែល​ជា​អ្នកជំនួញ​និង​ជា​សប្បុរសជន​ល្បីឈ្មោះ​ម្នាក់​ដែល​បង្ហាញ​យ៉ាង​ច្បាស់​ថា​ លោក​កាន់តែ​ឡើង​កូដ​កាន់​តែ​មាន​អ្នកតូច​អ្នកធំ​ស្រលាញ់​ពេញចិត្ត និង មាន​ទីផ្សារ​ក្នុង​រង្វង់​តារា​ល្បី​ បើ​ទោះ​ជា​លោក​មិនទាន់​បានបញ្ចប់​ការ​ប្រលង​ក្នុង​កម្មវិធី​Beat Best នៅឡើយ​។

យ៉ាងណាមិញ​នេះ​ក៏​ចាត់ទុកថា​ គឺជា​ចំហាយ​ដែល​បាន​ពី​ការ​ប្រឡង​ដែល​កំពុង​រុញ​ឲ្យ​លោក​ល្បី ឈ្មោះ​តាមរយៈ​ភាព​លេចធ្លោ​នៅក្នុង​ការ​ប្រឡង​នេះ​ផង​ដែរ​៕

ដោយ ៖ ចាន់​រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម