ព័ត៌មានជាតិ

កម្ពុជា និងតំណាងប្រទេសជាច្រើនបង្កើនកិច្ចប្រតិបត្តិការអន្តរជាតិ អនុវត្តច្បាប់ អំឡុងជំងឺរាតត្បាតកូវីដ

បានផុស

៦ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

លោកឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្ដាលសន្តិសុខ តំណាងដ៏ខ្ពង់ខ្ពស់ នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានជួបពិភាក្សាការងារជាមួយលោក Du Hangwei អនុរដ្ឋមន្ត្រីក្រសួងសន្តិសុខសាធារណៈចិន ជាគណៈអធិបតី នៃកិច្ចពិភាក្សាជាមួយតំណាងប្រទេស ចំនួន២២ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបតាមរយៈវីដេអូពីចម្ងាយ (Online)នាថ្ងៃទី០៩ ខែធ្នូ ឆ្នាំ២០២០ លោកឧត្ដមសេនីយ៍ឯក ឌី វិជ្ជា និងលោក Du Hangwei អនុរដ្ឋមន្ត្រីក្រសួងសន្តិសុខសាធារណៈចិន បានពិភាក្សាលើប្រធានបទ «បរិយាកាសសន្តិសុខ និងការឆ្លើយតបបែបថ្មី ចំពោះកិច្ចសហប្រតិបត្តិការអន្តរជាតិដើម្បីអនុវត្តច្បាប់ អំឡុងនៃជំងឺរាតត្បាតកូវីដ-១៩»។

យោងតាមរបាយការណ៍របស់នាយកដ្ឋានកណ្ដាលសន្តិសុខ នៃអគ្គស្នងការដ្ឋាននគរបាលជាតិ បានឲ្យដឹងថា វេទិកានេះ មានការចូលរួមពីថ្នាក់ដឹកនាំសន្តិសុខ មកពី ២២ប្រទេស និង តំណាងនគរបាលអន្តរជាតិ ព្រមទាំងមានការចូលរួមផ្ទាល់ដោយ ថ្នាក់ដឹកនាំសន្តិសុខចិន, អង្គការអន្តរជាតិសៀងហៃ, អង្គការមេគង្គឡានឆាង និងក្រុមហ៊ុនឯកជនពាក់ព័ន្ធមួយចំនួន។

វេទិកានេះដែរ បានរៀបចំឡើងក្នុងគោលបំណង ដើម្បីចែករំលែកនូវបទពិសោធន៍ការអនុវត្តច្បាប់រួមគ្នា ទប់ស្កាត់បញ្ហាប្រឈមពិភពលោក ថែរក្សាស្ថិរភាពសង្គម និងបន្តអភិវឌ្ឍន៍សេដ្ឋកិច្ច៕