ព័ត៌មានជាតិ
ពលរដ្ឋម្នាក់ មិនអាចខ្ចីគ្រឹះស្ថានមីក្រូហិរញ្ញវត្ថុលើសពីបីស្ថាប័ន
គ្រឹះស្ថានមីក្រូហិរញ្ញវត្ថុ មិនចេះតែឲ្យពលរដ្ឋខ្ចីប្រាក់ ដោយមិនបានប្រមូលព័ត៌មានគ្រប់ជ្រុងជ្រោយនោះទេ។ ពលរដ្ឋអាចនឹងមានឈ្មោះមិនល្អ នៅក្នុងប្រព័ន្ធ CBC ប្រសិនបើសាងកំហុសផ្សេងៗ ដូចជា ការបង់ប្រាក់មិនបានទៀងទាត់ គេចវេសក្នុងការបង់ប្រាក់ជាដើម(សម្រាប់អ្នកទទួលកម្ចីមីក្រូហិរញ្ញវត្ថុ)។
លោក សុខ វឿន ប្រធានប្រតិបត្តិគ្រឹះស្ថានហិរញ្ញវត្ថុ LOLC បានឲ្យដឹងថា ជាទូទៅអតិថិជន នៅមីក្រូហ្វាយណាន់ មានតែមួយអាខោនប៉ុណ្ណោះ ខុសពីធនាគារអាចមានលើសពីមួយ។ លោកបញ្ជាក់ថា ពលរដ្ឋម្នាក់ អាចខ្ចីគ្រឹះស្ថានមីក្រូហិរញ្ញវត្ថុ បានតែបីគ្រឹះស្ថាន មិនអាចលើសពីនេះឡើយ។ ប៉ុន្តែលោកថា អ្នកខ្លះទៀត មិនអាចខ្ចីបានសូម្បីតែម្តង ប្រសិនបើវិភាគឃើញថា បុគ្គលរូបនោះ មានប្រវត្តិមិនល្អនៅក្នុងប្រព័ន្ធ CBC (ក្រេឌីតប្យួរ៉ូ (ខេមបូឌា) ខូអិលធីឌី)។ «ស្ថាប័ននីមួយៗតែងតែវិភាគទិន្នន័យទាំងអស់ គេវិភាគថា តើឥណទានដែលមានបញ្ហា ភាគច្រើនកើតទៅលើអ្វី? អ្នកខ្ចីឥណទានលើកទី១ ដែលមានប្រវត្តិមិនសងគេសោះមានច្រើន…អ្នកទាំងនេះហើយ ដែលគ្រឹះស្ថានមីក្រូហិរញ្ញវត្ថុ មិនអនុញ្ញាតឲ្យខ្ចីបន្ថែមទៀត»។
យោងតាមរបាយការណ៍របស់ធនាគារជាតិ ឆ្នាំ ២០២១ បានបង្ហាញថា គ្រឹះស្ថានមីក្រូហិរញ្ញវត្ថុ មានបណ្តាញប្រតិបត្តិការគ្របដណ្តប់ទូទាំងប្រទេស ដែលមានការិយាល័យចំនួន ១.១៩៩ ទីតាំង និងបានធ្វើទំនើបកម្មលើសេវាកម្មរបស់ខ្លួន ដូចជា ឥណទាន ប្រាក់បញ្ញើ ការផ្ទេរប្រាក់ ធនាគារចល័ត ការដក និងដាក់ប្រាក់តាមម៉ាស៊ីន ATM ជាដើម ដែលឲ្យអតិថិជនមានលទ្ធភាពប្រើប្រាស់សេវាហិរញ្ញវត្ថុផ្លូវការបានកាន់តែច្រើន។
ប្រភពដដែល បានឲ្យដឹងទៀតថា អត្រាការប្រាក់បញ្ជើជាមធ្យមរបស់គ្រឹះស្ថានមីក្រូហិរញ្ញវត្ថុ ជារៀល និងជាដុល្លារ បានថយចុះមក ៧,១៩% រៀងគ្នា ធៀបឆ្នាំ ២០២០(៧,៥៩% និង ៧,៤៤%)។ ទន្ទឹមនឹងនេះ អត្រាការប្រាក់ឥណទានជាមធ្យមជារៀល និងជាដុល្លារ ក៏មានការថយចុះផងដែរពី ១៧,១៣% និង ១៥,២៦% នៅឆ្នាំ ២០២០ មក ១៦,៧២% និង ១៤,៧២% រៀងគ្នា។
ចំណែកទ្រព្យសកម្មរបស់មីក្រូហិរញ្ញវត្ថុ បានកើនឡើង ១៧%(ដល់ ៤០,១ ទ្រីលានរៀល ស្មើនឹង ៩,៨ប៊ីលានដុល្លារ) ដែលក្នុងនោះ ឥណទានអតិថិជនបានកើនឡើង ២៥,៦%(ដល់៣៤,៦ទ្រីលានរៀល ស្មើនឹង ៨,៥ ប៊ីលានដុល្លារជាមួយនឹងគណនីចំនួន ២លានគណនី៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង