ព័ត៌មានជាតិ
មេបញ្ជាការកងទ័ពថៃ សន្យាចំពោះមុខសម្តេច ទៀ បាញ់ ថា នឹងបន្តថែរក្សាព្រំដែនសន្តិភាព
នៅចំពោះមុខសម្តេចពិជ័យសេនា ទៀ បាញ់ដែលជារដ្ឋមន្រ្តីការពារជាតិកម្ពុជា លោកនាយឧត្តមសេនីយ៍ ណារ៉ុងផាន់ ជិតកែវថា បានសន្យាថា នឹងបន្តកិច្ចសហប្រតិបត្តិការដ៏ល្អជាមួយកម្ពុជា ក្នុងការថែរក្សាព្រំដែនសុខសន្តិភាព និងកិច្ចសហប្រតិបត្តិការ។ លោក ក៏គាំទ្រដល់ការធ្វើជាម្ចាស់ផ្ទះរបស់កម្ពុជា ក្នុងការរៀបចំកិច្ចប្រជុំកំពូលអាស៊ានឆ្នាំ២០២២នេះផងដែរ។
លោកនាយឧត្តមសេនីយ៍ ណារ៉ុងផាន់ ជិតកែវថា អគ្គមេបញ្ជាការកងទ័ពជើងគោកភូមិន្ទថៃ បានសន្យាដូច្នេះនៅក្នុងជំនួបសម្តែងការគួរសមជាមួយសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា នារសៀលថ្ងៃទី៣ ខែកុម្ភៈនេះ នៅទីស្តីការក្រសួងការពារជាតិ។ ក្នុងឱកាសនោះ សម្តេចពិជ័យសេនា ទៀ បាញ់ បានលើកឡើងថា កន្លងមក ប្រទេសទាំងពីរ មានបញ្ហាបន្តិចបន្តួច តែភាគីទាំង២ បានជំរុញ និងដោះស្រាយដោយសន្តិវិធី ដោយប្រកាន់ខ្ជាប់នូវប្រពៃណីទំនាក់ទំនងដ៏ល្អនឹងគ្នា ធ្វើឲ្យប្រជាជនរស់នៅតាមបន្ទាត់ព្រំដែននៃប្រទេសទាំងពីរប្រកបរកស៊ីបានយ៉ាងល្អ ពិសេសប្រជាពលរដ្ឋ ខេត្តជាប់សមុទ្រ។ សម្តេចពិជ័យសេនា បន្តថា ជាមោទនភាពផងដែរ កងទ័ពនៃប្រទេសទាំងពីរកម្ពុជា-ថៃ បាននាំមុខនៅក្នុងចាត់ចែងកិច្ចការទាំងឡាយរបស់ប្រទេស និងប្រជាជនទាំងពីរ ពិសេស ភារកិច្ចស្នូល គឺការទប់ស្កាត់ការរីករាលដាលជំងឺកូវីដ១៩។
សម្តេចពិជ័យសេនា ទៀ បាញ់ ក៏បានបញ្ជាក់ថា ឆ្នាំនេះ ក្រសួងការពារជាតិកម្ពុជា ជាប្រធានប្តូរវេនកិច្ចប្រជុំរដ្ឋមន្ត្រីការពារជាតិអាស៊ាន និងកិច្ចប្រជុំរដ្ឋមន្ត្រីការពារជាតិអាស៊ានបូក ហើយបានចាប់ផ្តើមប្រជុំពិភាក្សានៅថ្ងៃទី៧ ខែកុម្ភៈ ឆ្នាំ២០២២នេះតទៅ។ សម្តេចពិជ័យសេនា ក៏បានបញ្ជាក់ដែរថា ក្នុងនាមប្រធានប្តូរវេនអាស៊ាន កម្ពុជា នឹងខិតខំបំពេញតួនាទីឲ្យបានពេញលេញ និងបានស្នើសុំដល់អគ្គមេបញ្ជាការកងទ័ពជើងគោកភូមិន្ទថៃជួយគាំទ្រ ដើម្បីឲ្យកិច្ចប្រជុំនៅឆ្នាំនេះ ទទួលបានជោគជ័យតាមការគ្រោងទុក។
ចំណែក លោកនាយឧត្តមសេនីយ៍ ណារ៉ុងផាន់ ជិតកែវថា បានថ្លែងថា នេះជាដំណើរបំពេញទស្សនកិច្ចជាផ្លូវការរលើកដំបូង បន្ទាប់ពីលោកបានចូលកាន់តំណែងជាអគ្គមេបញ្ជាការកងទ័ពជើងគោកភូមិន្ទថៃ។ នាយឧត្តមសេនីយ៍ ក៏បានបញ្ជាក់ទៀតថា កងទ័ពជើងគោកភូមិន្ទថៃ និងកងទ័ជើងគោកនៃកងយោធពលខេមរភូមិន្ទកម្ពុជា មានកិច្ចសហប្រតិបត្តិការដ៏ល្អនឹងគ្នា ហើយតែងតែបានធ្វើការផ្លាស់ប្តូរបទពិសោធន៍គ្នាទៅវិញទៅមក៕
ដោយ ៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល