Connect with us

ព័ត៌មានជាតិ

កុមារអាយុ​ ៥ ឆ្នាំ ដល់ក្រោម​ ១២ ឆ្នាំ​ ចាប់ផ្ដើម​ចាក់វ៉ាក់សាំង​ដូសទី៣​

បានផុស

នៅ

គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស នៅព្រឹកថ្ងៃទី ២១ ខែកុម្ភៈ ឆ្នាំ ២០២២នេះ បានចាប់ផ្ដើមចាក់វ៉ាក់សាំងដូសទី៣ ឬដូសជំរុញ ដល់កុមារអាយុ ៥ ឆ្នាំ ដល់ក្រោម ១២ ឆ្នាំនៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដួសជំរុញ ប្រើប្រាស់វ៉ាក់សាំងស៊ីណូវ៉ាក់ ដែលកុមារធ្លាប់ទទួលដូសទី១ និងដូសទី២ រួចហើយ។

លោកស្រី ឱ វណ្ណឌីន មានប្រសាសន៍ថា ការចាក់វ៉ាក់សាំងដូសទី៣ឬដូសជំរុញជូនដល់ក្រុមកុមារខាងលើត្រូវត្រូវភ្ជាប់មកជាមួយនូវ ឯកសារមួយចំនួនដូចជាប័ណ្ណ (កាត) ចាក់វ៉ាក់សាំងកូវីដ-១៩ ឯកសារដែលប្រើប្រាស់ក្នុងការចុះឈ្មោះចាក់វ៉ាក់សាំងកូវីដ ១៩ ដួសទី១និងប័ណ្ណសំគាល់ខ្លួនមន្ត្រីរាជការ ឬប័ណ្ណសំគាល់មន្ត្រីជាប់កិច្ចសន្យា របស់ឪពុកម្ដាយចំពោះកូនចៅមន្រ្តីរាជការថ្នាក់ជាតិ។

លោកស្រី វេជ្ជបណ្ឌិត  បានណែនាំដល់អនុគណៈកម្មការចំពោះកិច្ចពាក់វ៉ាក់សាំងកូវីដ-១៩ ក្នុងក្របខណ្ឌរាជធានី-ខេត្ត និងមន្ទីរសុខាភិបាលរាជធានី-ខេត្ត ត្រូវ ធ្វើសេចក្តីជូនព័ត៌មានស្តីពីការបើកយុទ្ធនាការចាក់វ៉ាក់សាំងកូវីដ-១៩ដួសទី៣ ឬដូសជំរុញ ជូនកុមារដែលមានអាយុចាប់ពី៦ឆ្នាំ ដល់ អាយុក្រោម១២ឆ្នាំ និងកុមារដែលមានអាយុ ៥ឆ្នាំ ដោយមានភ្ជាប់ជាមួយនូវកម្មវិធី ពេលវេលា និងទីតាំងត្រូវចាក់វ៉ាក់សាំងកូវីដ,១៩និងត្រូវចាត់ចែងរៀបចំការចាក់វ៉ាក់សាំងកូវីដ-១៩ ជូនដល់កុមារដែលមកចាក់វ៉ាក់សាំងទាំងអស់ឱ្យមានភាពរលូន។

លោកស្រី វេជ្ជបណ្ឌិត សូមអំពាវនាវដល់ លោកអ៊ុំ ពូ មីង ពុក ម៉ែ បងប្អូនទាំងអស់ សូមមេត្តានាំកូនចៅ ចៅទូត ក្មួយៗ ដែលមានអាយុចាប់ពី៦ឆ្នាំ ដល់អាយុក្រោម១២ឆ្នាំ និងអាយុ៥ឆ្នាំ ដែលបានចាក់វ៉ាក់សាំងកូវីដ-១៩ ដូសទី១ និង ដួសទី២ រួច ហើយមានគម្លាតចាប់ពី៤ខែឡើង បន្ទាប់ពីការចាក់វ៉ាក់សាំងដូសទី២ ទៅចាក់វ៉ាក់សាំងវីដ-១៩ដួសទី៣ ឬដូសជំរុញ នៅតាមទីតាំង និងកាលបរិច្ឆេទដែលបានកំណត់ឱ្យបានគ្រប់គ្នា។

គិតត្រឹមថ្ងៃទី ២០ ខែកុម្ភៈ មានកុមារអាយុចាប់ពី ៦ ឆ្នាំដល់ក្រោម ១២ ឆ្នាំ ចាក់បានដូសទី២ចំនួន ១៩៣ ២០៤១ នាក់និងកុមារអាយុ ៥ ឆ្នាំ ចាក់បានចំនួន ២៦៦ ២៦៣នាក់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម