ព័ត៌មានជាតិ
ឆ្នាំ ២០២២ មជ្ឈមណ្ឌលជាតិផ្ដល់ឈាម មានតម្រូវការឈាមប្រមាណ ១១ម៉ឺនប្លោក
នៅឆ្នាំ ២០២២នេះ មជ្ឈមណ្ឌលជាតិផ្ដល់ឈាម មានតម្រូវការឈាមប្រមាណ ១១ម៉ឺនប្លោក ខណៈក្នុងឆ្នាំ ២០២១ កន្លងមក មជ្ឈមណ្ឌលជាតិផ្ដល់ឈាមទទួលបានឈាម ត្រឹមតែ ៩ម៉ឺនប្លោកប៉ុណ្ណោះ ដោយមិនសម្រេចតាមផែនការនោះទេ។ នេះបើតាមការបញ្ជាក់ឲ្យដឹងរបស់លោក លី សុវិត្យ អនុប្រធាននៃមជ្ឈមណ្ឌលជាតិផ្តល់ឈាម។
លោក លី សុវិត្យ បានបន្តថា ធម្មតាតម្រូវការឈាមក្នុង ១ថ្ងៃ សម្រាប់តែមជ្ឈមណ្ឌលជាតិផ្ដល់ឈាម គឺមានប្រមាណជិត ៣០០ប្លោកហើយ សម្រាប់ទូទាំងប្រទេស គឺមានតម្រូវការឈាមច្រើនទៅតាមខេត្ដនីមួយៗ។ បើគិតក្នុង ១នាទីជាទូទៅ គឺមានតម្រូវការឈាមប្រមាណ ៥ប្លោក នៅទូទាំងប្រទេស ហើយបច្ចុប្បន្ននេះ ក្រៅពីរាជធានីភ្នំពេញ គឺខេត្ដមួយចំនួន ក៏មានតម្រូវការឈាមច្រើនផងដែរ។ ក្នុងនោះដូចជា៖ ខេត្ដសៀមរាប កំពង់ចាម បាត់ដំបង និងខេត្ដព្រះសីហនុ។
អនុប្រធាន នៃមជ្ឈមណ្ឌលជាតិផ្តល់ឈាម បានឲ្យដឹងទៀតថា ចាប់តាំងពីមានការផ្ទុះឡើង នៃព្រឹត្តិការណ៍សហគមន៍ ២០កុម្ភៈ មជ្ឈមណ្ឌលទទួលបានឈាមប្រហែល ៩០ ទៅ១០០ប្លោកប៉ុណ្ណោះ ក្នុងមួយ ថ្ងៃ។ ចំនួននៃការបរិច្ចាគឈាម បានធ្លាក់ចុះដោយសារតែការភ័យខ្លាច នៃជំងឺកូវីដ-១៩។ លោកបន្តថា ទោះយ៉ាងណាមជ្ឈមណ្ឌល នៅតែអាចផ្គត់ផ្គង់ដល់តម្រូវការជាក់ស្តែង ដើម្បីជួយសង្គ្រោះជីវិតមនុស្សអំឡុងពេលនេះ។
លោក លី សុវិត្យ បានបន្តថា ការរៀបចំកម្មវិធីបរិច្ចាគឈាមនៅថ្ងៃនេះ គឺមានគោលបំណង ដើម្បីបង្កើតទម្លាប់ និងវប្បធម៌នៃការបរិច្ចាគឈាមដោយស្ម័គ្រចិត្ដ និងជំរុញដល់យុវជន ជាពិសេសគ្រូពេទ្យនិងបុគ្គលិក នៅតាមមន្ទីរពេទ្យឲ្យចូលរួមសកម្មជាមួយ នឹងសេវាកម្មជាតិផ្ដល់ឈាម នៅទូទាំងប្រទេសដើម្បីធានាឲ្យមានការផ្គត់ផ្គង់ឈាម សម្រាប់អ្នកជំងឺដែលត្រូវការឈាម នៅតាមមន្ទីរពេទ្យទូទាំងប្រទេសដោយមិនរើសអើង ឬប្រកាន់ជាតិសាសន៍ ឬសាសនា។
លោក ញ៉ូង ម៉ានិត ជាអ្នកបរិច្ចាគឈាមមួយរូប បាននិយាយថា លោកធ្លាប់បានបរិច្ចាគឈាមជាញឹកញ៉ាប់ កាលពីមុនព្រឹត្តការណ៍សហគមន៍ ២០កុម្ភៈ។ ប៉ុន្តែចាប់តាំងពីមាន ការផ្ទុះនូវជំងឺកូវីដ-១៩នេះឡើង លោកមិនបានទៅបរិច្ចាគទៀតទេ ដោយសារមានការភ័យខ្លាចឆ្លងជំងឺកូវីដ-១៩ ហើយថ្ងៃនេះជាថ្មីម្តងទៀត ដែលលោកបានត្រលប់មកបរិច្ចាគឈាមជាថ្មីឡើងវិញ។
លោក ម៉ានិត បានបន្តទៀតថា ការបរិច្ចាគឈាម គឺជាសកម្មភាពមនុស្សធម៌មួយប្រភេទ ក្នុងការជួយសង្គ្រោះអាយុជីវិតមនុស្ស។ សម្រាប់ជនរងគ្រោះ ដែលត្រូវការឈាមការបរិច្ចាគឈាម គឺពិតជាសំខាន់ណាស់ ហើយវាអាចជួយសង្គ្រោះជីវិតពួកគេបាន។ បើសុខភាពរបស់យើងល្អយើង គួរតែទៅបរិច្ចាគឈាម ដើម្បីរួមគ្នាជួយសង្គ្រោះជីវិតទាំងអស់គ្នា។
សូមជម្រាបថា កាលពីថ្ងៃ ២៨ ខែកុម្ភៈ ឆ្នាំ ២០២២ម្សិលមិញ គឺជាការបរិច្ចាគឈាមលើកទី ៩ គិតចាប់តាំងពីឆ្នាំ ២០១៦-២០២១ ក្រសួងរ៉ែ និងថាមពល បានសហការជាមួយ មជ្ឈមណ្ឌលជាតិផ្តល់ឈាម រៀបចំកម្មវិធីបរិច្ចាគឈាមចំនួន ៨លើក ដោយទទួលបានឈាមសរុបចំនួន ២៩៥ ប្លោក។
ក្នុងនោះឆ្នាំ ២០១៦ ផ្ដល់ឈាមបានចំនួន ១៧០ប្លោក, ឆ្នាំ ២០១៧ ផ្តល់ឈាមបានចំនួន ២២ប្លោក, ឆ្នាំ២០១៨ ផ្ដល់ ឈាមបានចំនួន ៣៥ប្លោក, ឆ្នាំ ២០១៩ ផ្តល់ឈាមបានចំនួន ៦៤ប្លោក, ឆ្នាំ ២០២០ចំនួន២លើកផ្តល់ឈាមបានចំនួន ៩៣ប្លោក និងឆ្នាំ ២០២១ ចំនួន ២លើកផ្តល់ឈាមបានចំនួន ៦៤ប្លោក៕
អត្ថបទ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត