ព័ត៌មានជាតិ
មន្ទីរសុខាភិបាលខេត្តស្វាយរៀង ប្រារព្ធពិធីអបអរសាទរទិវានារីអន្ដរជាតិ ០៨មីនា ខួបលើកទី១១១
(ស្វាយរៀង)៖ លោកបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង នៅព្រឹកថ្ងៃទី៧ ខែមីនា ឆ្នាំ២០២២ បានដឹកនាំមន្ត្រីរាជការនៃមន្ទីរសុខាភិបាលខេត្តស្វាយរៀង ប្រារព្ធពិធីអបអរសាទរទិវានារីអន្ដរជាតិ ០៨មីនា ខួបលើកទី១១១។ ពិធីនេះ ក៏មានការចូលរួមពីភរិយាថ្នាក់ដឹកនាំ នៃមន្ទីរសុខាភិបាលខេត្ត និងមន្ត្រីសុខាភិបាល ដែលជាស្ត្រីជាច្រើនរូបផងដែរ។
លោកបណ្ឌិត កែរ រដ្ឋា បានថ្លែងពាំនាំនូវការផ្តាំផ្ញើសាកសួរសុខទុក្ខពីសំណាក់ លោកស្រីកិត្តិសង្គហបណ្ឌិត ម៉ែន សំអន ប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ ដែលលោកស្រីតែងតែនឹករលឹក និងការគិតគូរអំពីសុខទុក្ខប្រជាពលរដ្ឋនៅគ្រប់ទីកន្លែង ជាពិសេស បុគ្គលិក មន្ត្រីរាជការសុខាភិបាលជានារី ដែលកំពុងបំពេញបេសកកម្មប្រយុទ្ធប្រឆាំងនឹងជំងឺកូវីដ-១៩។
លោកបណ្ឌិតបានបន្ថែមថា ឆ្នាំនេះក៏ដូចពីឆ្នាំមុនៗដែរ ក្នុងឱកាសអបអរសាទរទិវានារីអន្ដរជាតិខួបលើកទី១១១នេះ ពិពភលោកបានជ្រើសរើសយកប្រធានបទមួយគឺ សមភាពយេនឌ័រ ថ្ងៃនេះ ដើម្បីចីរភាពនាពេលអនាគត នៅទូទាំងពិភពលោក ក៏ដូចជានៅព្រះរាជាណាចក្រកម្ពុជា បានរៀបចំពិធីនេះឡើងក្នុងគោលបំណង រំលឹកពីការតស៊ូរបស់ស្រ្ដី ក្នុងការធ្វើឲ្យសម្រេចបាននូវ សមធម៌ សន្ដិភាព និង ការអភិវឌ្ឍ នៅក្នុងសង្គម ដើម្បីឲ្យស្រ្ដីទួទលបាននូវការគោរព សិទ្ធិ សេរីភាព និងការទទួលស្គាល់នូវតម្លៃនៃការចូលរួមដោយស្មើភាពក្នុងការអភិវឌ្ឍ គ្រួសារ និងប្រទេសជាតិ។
លោកបានបន្តថា បច្ចុប្បន្ននេះ ស្ត្រីបានចូលរួមចំណែកយ៉ាងសំខាន់ក្នុងបុព្វហេតុបង្រួបបង្រួមជាតិ ការពារសន្តិសុខជាតិ មិនអាចខ្វះបាន និងបានប្រែក្លាយពីស្ត្រី ដែលមានមុខរបរប្រពៃណី មកជាស្ត្រីដែលមានជំនាញវិជ្ជាជីវៈពិតប្រាកដ តាមរយៈការបណ្តុះបណ្តាលជំនាញ និងបានចូលរួមក្នុងការបំពេញបេសកកម្មដោះមីននៅបរទេស ដោយជ្រកក្រោមស្លាករបស់អង្គការសហប្រជាជាតិ ក្នុងនាមជាកងទ័ពស្ម័គ្រចិត្ត។
សូមបញ្ជាក់ថាមុខតំណែង តួនាទីសំខាន់ៗ ក្នុងការទទួលខុសត្រូវជាអ្នកដឹកនាំនៅក្នុងមន្ទីរសុខាភិបាលខេត្តស្វាយរៀង ជានារី ដែលឆ្នាំនេះ មានការកើនឡើង៖ ទី១៖ ប្រធានការិយាល័យ ០១រូប ទី២៖ អនុប្រធានការិយាល័យស្រុកប្រតិបត្តិ ៣រូប ទី៣៖ ប្រធានមណ្ឌលសុខភាព ១៦រូប ទី៤៖ អនុប្រធានមណ្ឌលសុខភាព ២៤រូប។
មន្ត្រីរាជការបុគ្គលិកមកពីមន្ទីរសុខាភិបាល មន្ទីរពេទ្យបង្អែកទាំង៦ និងមណ្ឌលសុខភាពទាំង ៤៧សរុប ៩៨នាក់។ នារីដែលបានចូលរួម ក្នុងម្នាក់ៗ ទទួលបានសំពត់សឹង ១ និងថវិកា ៣ ម៉ឺនរៀល ក្នុងពិធីនេះ ចំណាយថវិកាសរុបមានចំនួន ៦ ៩៣០ ០០០រៀល៕ ដោយ:ភក្ដី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»