Connect with us

ព័ត៌មានជាតិ

កម្ពុជា​ផ្តល់​ជំនួយ​រថយន្ត​ដឹក​វ៉ាក់សាំង១០គ្រឿង​បន្ថែមទៀត ដល់​ប្រទេសឡាវ

បានផុស

នៅ

ភ្នំពេញ ៖ នាយករដ្ឋមន្ត្រី​ឡាវ​ បាន​ផ្ញើ​លិខិត​ថ្លែង​អំណរគុណ ដល់​សម្ដេចតេជោ ក៏ដូចជា​កម្ពុជា​ចំពោះការ​ផ្តល់​ជំនួយ​រថយន្ត​ដឹកវ៉ាក់សាំង ចំនួន១០គ្រឿងបន្ថែម​ទៀតដល់ប្រទេសឡាវ នេះ​បើតាម​លោកបណ្ឌិត ផលខាំវីផារ៉ាន់ នាយករដ្ឋមន្ត្រីនៃសាធារណរដ្ឋ​ប្រជាធិបតេយ្យ​ប្រជាមានិត​ឡាវ បាន​ឲ្យ​ដឹង​នៅ​ថ្ងៃទី១២ ខែមីនា ឆ្នាំ២០២២នេះ។

​ជំនួយ​រថយន្ត​ដឹក​វ៉ាក់សាំង​ចំនួន​១០​គ្រឿង​របស់​កម្ពុជា ជូន​ដល់​ប្រទេស​ឡាវ ត្រូវបាន​រៀបចំ​ពិធី​ប្រគល់ និង​ទទួល នៅ​ព្រឹក​ថ្ងៃទី​១២ ខែមីនា​នេះ នៅ​ច្រកទ្វារព្រំដែន​អន្តរជាតិ​ណង​ណុ​ក​ខៀន​-​ត្រពាំង​ក្រៀល ស្ថិត​នៅ​ក្នុង​ខេត្តស្ទឹងត្រែង ជាប់​ព្រំដែន​ខេត្ត​ច​ម្បា​ស័ក នៃ​ប្រទេស​ឡាវ បន្ទាប់ពី​មាន​ពិធី​ប្រគល់​-​ទទួល​នូវ​រថយន្ត​ដឹក​វ៉ាក់សាំង​ចំនួន ០៣​គ្រឿង​របស់​កម្ពុជា ជូន​ដល់​ប្រទេស​ឡាវ កាលពី​ចុងខែ​ធ្នូ ឆ្នាំ​២០២១ កន្លងទៅ ។

ក្នុង​ខ្លឹមសារ​បកប្រែ ដែល​ផ្សព្វផ្សាយ​ដោយ​ក្រសួងការបរទេស បាន​បញ្ជាក់​ឱ្យដឹងថា លោក​បណ្ឌិត ផន​ខាំ វី​ផា​វ៉ាន់ នាយករដ្ឋមន្ត្រី​នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ បាន​លើកឡើងថា «​ក្នុងនាម​បក្ស រដ្ឋាភិបាល និង​ប្រជាជន​ឡាវ ខ្ញុំ​សូម​យក​ឱកាស​នេះ សម្តែង​នូវ​ការដឹងគុណ និង​ថ្លែងអំណរគុណ​យ៉ាង​ស្មោះត្រង់ ជូន​ចំពោះ សម្តេច​អគ្គមហាសេនាបតី​តេ​ជោ ហ៊ុន សែន គណបក្ស​ប្រជាជន​កម្ពុជា រាជរដ្ឋាភិបាល និង​ប្រជាជន​កម្ពុជា ដែល​ផ្ដល់ជំនួយ​ចំពោះ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ជាពិសេស​ក្នុងពេលដែល​ប្រទេស​យើង​ទាំងពីរ​កំពុង​ប្រឈម​នឹង​ការឆ្លង​រាលដាល​យ៉ាងធ្ងន់ធ្ងរ​នៃ​ជំងឺ​កូ​វីដ​-១៩ ហើយ​កម្ពុជា​ខ្លួនឯង​នៅតែមាន​ទឹកចិត្ត ដោយបាន​ផ្ដល់ជំនួយ​ដូច​បាន​ជម្រាបជូន​ខាងលើ ដល់​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ដែលជា​ផ្នែក​មួយ​នៃ​ការចូលរួម​ជួយ​ឱ្យ​យើងខ្ញុំ​អាចឈាន​ទៅ​សម្រេច​គោលដៅ​នៃ​ការចាក់​វ៉ាក់សាំង​ជូន​ពលរដ្ឋ​ឡាវ តាម​ការគ្រោងទុក​»​។

លោក​បាន​ចាត់ទុកថា ជំនួយ​ដ៏​ថ្លៃថ្លា​ទាំងនេះ បានបង្ហាញ​ឱ្យឃើញ​នូវ​សេចក្ដី​ព្រួយ​បារម្ភ ការ​យកចិត្តទុកដាក់ និង​ទឹកចិត្ត​ជ្រះថ្លា​របស់​រាជរដ្ឋាភិបាល និង​ប្រជាជន​កម្ពុជា ដែលមាន​ចំពោះ​រដ្ឋាភិបាល និង​ប្រជាជន​ឡាវ ក៏ដូចជា​សបញ្ជា​ក់នូវ​ទំនាក់ទំនង​មិត្តភាព​ដ៏​ស្និទ្ធស្នាល សាមគ្គី​ភាពជា​ប្រពៃណី ដែល​មាន​ជា​យូរលង់​មកហើយ និង​កិច្ចសហការ​ក្នុងនាម​ប្រទេស​ភូមិ​ផង​របង​ជាមួយ ក្នុង​ស្មារតី​ភាពជា​ដៃគូ​យុទ្ធសាស្ត្រ​គ្រប់​ជ្រុងជ្រោយ និង​ស្ថិតស្ថេរ​រឹងមាំ​រវាង​ប្រទេស​យើង​ទាំងពីរ ឱ្យ​កាន់តែ​រីកចម្រើន និង​ប្រកបដោយ​ផ្លែផ្កា​ជា​និរន្តរ៍ ។​

លោក​បាន​ប្រសិទ្ធ​ពរជ័យ ជូន សម្តេច​តេ​ជោ សូម​ប្រកបដោយ​សុខ​ភាពល្អ​បរិបូរ សុភមង្គល និង​ទទួលបាន​ជោគជ័យ​គ្រប់​ភារកិច្ច​ដ៏​ឧ​ត្តុ​ង​ឧ​ត្ត​ម និង​ដ៏​ខ្ពង់ខ្ពស់​បំផុត​។​

​យោងតាម​ការណែនាំ របស់​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា នៅ​ព្រឹក ទី​១២ ខែមីនា ឆ្នាំ​២០២២ លោកស្រី​វេជ្ជបណ្ឌិត ឱ វណ្ណឌី​ន រដ្ឋលេខាធិការ និង​ជា​ប្រធាន​គណៈកម្មការ​ចំពោះ​កិច្ច​ចាក់​វ៉ាក់សាំង​កូ​វីដ​-១៩ ក្នុង​ក្របខណ្ឌ​ទូទាំងប្រទេស (​គ​.​វ​.​ក​-១៩) និង​ជា​តំណាង​សម្តេច​តេ​ជោ​នាយករដ្ឋមន្ត្រី នឹង​នាំយក​ជំនួយ​រថយន្ត​ដឹក​វ៉ាក់សាំង​ចំនួន ១០​គ្រឿង របស់​រាជរដ្ឋាភិបាល​និង​ប្រជាជន​កម្ពុជា ទៅ​ប្រគល់ជូន​រដ្ឋាភិបាល និង​ប្រជាជន​នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ នៅ​ច្រកព្រំដែន​អន្តរជាតិ​ត្រពាំង​ក្រៀល ស្ថិតនៅក្នុង​ខេត្តស្ទឹងត្រែង​ជាប់​ព្រំដែន​ខេត្ត​ចម្ប៉ា​ស័ក​នៃ​ប្រទេស​ឡាវ​។

ក្រសួងសុខាភិបាល​បាន​បន្ថែម​ថា ការសម្រេច​ផ្តល់​រថយន្ត​ដឹក​វ៉ាក់សាំង​របស់​រាជរដ្ឋាភិបាល និង​ប្រជាជន​កម្ពុជា ជូន​រដ្ឋាភិបាល និង​ប្រជាជន​នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ​នាពេលនេះ គឺជា​ការបង្ហាញ​នូវ​ការយកចិត្តទុកដាក់​ខ្ពស់បំផុត របស់​សម្តេច​តេ​ជោ​នាយករដ្ឋមន្ត្រី ចំពោះ​សុខភាព​និង​សុខុមាលភាព​របស់​ប្រជាជន​ឡាវ ក្នុងនាម​ជា​ប្រទេសជិតខាង​ភូមិ​ផង​របង​ជាមួយគ្នា ក៏ដូចជា​ការពង្រឹង​នូវ​កិច្ចសហប្រតិបត្តិការ​ទ្វេភាគី និង​ជា​កាយវិការ​មនុស្សធម៌​ប្រកបដោយ​បេះដូង​ដ៏​ល្អ​ប្រពៃ​ពិតប្រាកដ​របស់ សម្តេច​តេ​ជោ​នាយករដ្ឋមន្ត្រី ក្នុងន័យ «​កម្ពុជា​ជា​ប្រទេស​តូចតាច​តែមាន​បេះដូង​ធំ​ទូលាយ​» ហើយ​កម្ពុជា ក៏​តែងតែបាន និង​កំពុង​ធ្វើ ដោយ​ឈរលើ​ស្មារតី​មិត្តភាព សាមគ្គីភាព​និង​កិច្ចសហប្រតិបត្តិការ​ល្អ ប្រកបដោយ​ការគិតគូរ​ខ្ពស់ រួមគ្នា​ដោះស្រាយ​វិបត្តិ​នៃ​ការឆ្លង​រីក​រាលដាល​ជំងឺ​កូ​វីដ​-១៩ នៅក្នុង​ប្រទេស និង​នៅក្នុង​តំបន់​។​

​អំណោយ​មនុស្សធម៌​ដ៏​ថ្លៃថ្លា​របស់​កម្ពុជា​នាពេល​នេះ នឹង​រួមចំណែក​បន្ថែមទៀត​ជូន​ដល់​ប្រទេស​ឡាវ នៅក្នុង​ការឆ្លើយតប​ទៅនឹង​វិបត្តិ​ជំងឺ​កូ​វីដ​-១៩ ជាពិសេស​លើ​កិច្ច​ការចាក់​វ៉ាក់សាំង​កូ​វីដ​-១៩ ជូន​ដល់​ប្រជាជន​ឡាវ​ឱ្យ​កាន់​តែមាន​ភាពល្អប្រសើរ​ឡើងជា​លំដាប់​៕​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម