ព័ត៌មានជាតិ
សមាគមធុរកិច្ចអេឡិចត្រូនិក រកឃើញបច្ចេកវិទ្យាថ្មីជួយជំរុញការងារពិសេសក្នុងវិស័យធុរកិច្ច
សមាគមធុរកិច្ចអេឡិចត្រូនិច ហៅកាត់ថា CEA (Cambodia e-Commerce Electronic) លើកទឹកចិត្តចំពោះសហគ្រាសធុនតូច និងមធ្យមក្នុងការចាប់យកបច្ចេកវិទ្យាដែលជារបកគំហើញថ្មីមកដាក់ឲ្យប្រើប្រាស់ក្នុងធុរកិច្ចរបស់ខ្លួន។
លោក ម៉ម វារិន អនុប្រធានសមាគមធុរកិច្ចអេឡិចត្រូនិចកម្ពុជា បានលើកឡើងថា សមាគមធុរកិច្ចអេឡិចត្រូនិច បានសម្រេចចិត្តចាប់ដៃគូជាមួយក្រុមហ៊ុន CheckinMe ដើម្បីជំរុញការប្រើប្រាស់ប្រព័ន្ធបច្ចេកវិទ្យាបង្កើតភាពទំនើបកម្ម និងបង្កើនប្រសិទ្ធភាពនៃសង្វាក់ផលិតកម្មរបស់ក្រុមហ៊ុនធុរកិច្ចនៅកម្ពុជា។ លោកថា សមាគមន៍ បានសម្រេច ចុះកិច្ចព្រមព្រៀងជាមួយក្រុមហ៊ុន CheckinMe កាលពីថ្ងៃទី ២៧ ខែមីនា ក្នុងការផ្គត់ផ្គង់បច្ចេកវិទ្យាសម្រួលការធ្វើធុរកិច្ចប្រកបដោយប្រសិទ្ធភាព។ កិច្ចព្រមព្រៀងនេះ ភាគីទាំងពីរ ប្តេជ្ញាធ្វើឲ្យប្រសើរឡើងរួមគ្នា និងលើកកម្ពស់ការប្រើប្រាស់បច្ចេកវិទ្យានៅក្នុងធុរកិច្ច ពិសេសប្រភេទសហគ្រាសធុនតូច និងមធ្យមនៅក្នុងស្រុក ដើម្បីបង្កើនប្រសិទ្ធភាព និងលទ្ធភាពប្រកួតប្រជែងក្នុងធុរកិច្ចទាំងក្នុងស្រុក និងកម្រិតអន្តរជាតិ។
ក្រុមហ៊ុន CheckinMe គឺបានបង្កើតបច្ចេកវិទ្យាស្រង់វត្តមានបុគ្គលិកតាមរយៈការស្កេនមេដៃ ដែលគាំទ្រដោយបច្ចេកវិទ្យា QR Code។ បច្ចេកវិទ្យានេះ បង្កើតឡើងដោយយុវជនកម្ពុជាម្នាក់ដែលបានបញ្ចប់ការសិក្សានៅប្រទេសជប៉ុន។
លោក ឡី កំថូង ស្ថាបនិកក្រុមហ៊ុន CheckinMe បានឲ្យដឹងថា ក្រុមហ៊ុននេះ បានបង្កើតឡើងនៅឆ្នាំ ២០២០ ខណៈដែលក្រុមការងារបានចុះស្រាវជ្រាវពីតម្រូវការ ក៏ដូចជាផលវិបាករបស់នានា ចាប់តាំងពីឆ្នាំ ២០១៤ និងបានកៀរគរយុវជនខ្មែរដែលមានចំណេះដឹងផ្នែកបច្ចេកវិទ្យាអំឡុងឆ្នាំ ២០១៨-២០១៩ ដើម្បីរូមកម្លាំងគ្នាបង្កើតឡើង។
បើតាមលោក ឡី កំថូង បច្ចេកវិទ្យានេះ អាចជួយសម្រួលដល់និយោជកក្នុងការគ្រប់គ្រងបុគ្គលិកបានងាយស្រួល និងមានប្រសិទ្ធភាពបំផុត ក្នុងនោះមិនត្រឹមតែបុគ្គលិកក្នុងក្រុមហ៊ុនប៉ុណ្ណោះទេ បច្ចេកវិទ្យានេះ ក៏អាចគ្រប់គ្រងបានបុគ្គលិកដែលធ្វើប្រតិបត្តិការនៅក្រៅការិយាល័យថែមទៀតផង តាមរយៈទូរសព្ទដៃ ជាមួយនឹងប្រព័ន្ធបញ្ជូនទិន្នន័យរហ័ស និងប្រសិទ្ធភាពខ្ពស់។ យុវជនវ័យក្មេង ឡី កំថូង បញ្ជាក់ថា គោលដៅរបស់លោកមិនត្រឹមតែដាក់ឲ្យដំណើរការបច្ចេកវិទ្យានេះ ក្នុងស្រុកប៉ុណ្ណោះទេ លោកនឹងយក CheckinMe ដាក់ចូលទៅក្នុងកម្រិតតំបន់ថែមទៀតផង។
លោក តាន់ មុន្នីវណ្ណ ប្រធានសមាគមធុរកិច្ចអេឡិចត្រូនិច បានលើកឡើងថា ប្រទេសក្នុងតំបន់ មានដូចជា ឥណ្ឌូណេស៊ី ហ្វីលីនពីន សាំងហ្គាពួរជាដើម បានដើរមុនម្ពុជាលើបច្ចេកវិទ្យានេះ។ លោកថា សម្រាប់កម្ពុជា រាជរដ្ឋាភិបាល ក៏កំពុងជំរុញលើការងារនេះ ដើម្បីក្លាយជាប្រទេស ដែលមានប្រព័ន្ធធុរកិច្ចកាន់តែទំនើបឡើង។ លោក តាន់ មុន្នីវណ្ណ គាំទ្រ និងលើកទឹកចិត្តថ្នាក់ដឹកនាំធុរកិច្ច ក្នុងការប្រើប្រាស់រាល់បច្ចេកវិទ្យាថ្មីក្នុងធុរកិច្ចរបស់ខ្លួន៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»