ព័ត៌មានជាតិ
ពិធីសែនក្រុងពាលី បួងសួងសុំសុខសប្បាយ ក្នុងព្រឹត្តិការណ៍សៀមរាប-សង្ក្រាន្ត
សៀមរាប៖ នៅថ្ងៃទី២ ខែមេសា ឆ្នាំ២០២២នេះ រដ្ឋបាលខេត្តសៀមរាប សហការជាមួយសហភាពសហព័ន្ឋយុវជនកម្ពុជាខេត្ត បានរៀបចំពិធីសែនក្រុងពាលី នៅព្រះវិហារព្រះអង្គចេក ព្រះអង្គចម ដើម្បីបួងសួងសុំសេចក្តីសុខសប្បាយក្នុងឱកាសរៀបចំព្រឹត្តិការណ៍សៀមរាប-សង្ក្រាន្ត អបអរសាទរបុណ្យចូលឆ្នាំប្រពៃណីជាតិខ្មែរ ដែលនឹងឈានមកដល់នាពេលខាងមុខនេះ ក្រោមអធិបតីភាព លោក ទៀ សីហា អភិបាលនៃគណៈអភិបាលខេត្ត និងមន្ត្រីអ្នកមុខអ្នកការសំខាន់ៗជាច្រើនរូបទៀត។
សៀមរាប-សង្ក្រាន្ត ត្រូវបានរៀបចំឡើងជាលើកដំបូងនៅឆ្នាំ ២០១៩ បន្តពីមហាព្រឹត្តិការណ៍អង្គរ-សង្ក្រាន្ត ដែលបានរៀបចំអស់រយៈពេល ៦ ឆ្នាំជាប់ៗគ្នាកន្លងមក ដោយសហភាពសហព័ន្ឋយុវជនកម្ពុជា ក្រោមដឹកនាំរបស់លោក ហ៊ុន ម៉ានី ដើមី្បរឹតចំណងមិត្តភាព សាមគ្គីភាពរវាងប្រជាជាតិខ្មែរ និងប្រជាជាតិលើសកលលោក តាមរយៈនៃការចូលរួមពីសំណាក់ភ្ញៀវទេសចរអន្តរជាតិ បន្តពង្រីកកិត្យានុភាពជាតិខ្មែរលើឆាកអន្តរជាតិ។ ចំណែក សៀមរាប-សង្ក្រាន្ត នេះ ត្រូវបានអាក់ខានវិញអស់រយៈពេលពីរឆ្នាំ ដោយសារការឆ្លងរីករាលដាលជាសកលនៃជំងឺកូវីដ-១៩។
ការរៀបចំនូវព្រឹត្តិការណ៍សៀមរាប-សង្ក្រាន្តឡើងវិញនេះ អនុលោមទៅលើស្ថានភាពល្អប្រសើរដោយសាររាជរដ្ឋាភិបាលបានផ្តល់ការចាក់វ៉ាក់សាំងការពារប្រឆាំងនឹងកូវីដ-១៩ ជូនពលរដ្ឋបានស្ទើរតែ ១០០ ភាគរយ ទាំងដូសមូលដ្ឋាន និងដូសជំរុញ ស្របពេលដែលស្ថានភាព នៃការរីករាលដាលនៃជំងឺកូវីដ-១៩ មានសភាពស្ងប់ស្កាត់ រាជរដ្ឋាភិបាលកម្ពុជា បានបើកប្រទេសឡើងវិញ នាចុងឆ្នាំ ២០២១ កន្លងទៅ ដើម្បីធ្វើឱ្យកំណើនសេដ្ឋកិច្ចជាតិ វិលទៅរកប្រក្រតីភាពឡើងវិញ។
កម្មវិធីសៀមរាប-សង្ក្រាន្តនេះ នឹងប្រព្រឹត្តទៅ ចាប់ពីថ្ងៃទី១២-១៦ ខែមេសា ឆ្នាំ២០២២ខាងមុខនេះ មានរៀបចំចំនួន២គោលដៅ គោលដៅទី១ នៅដងស្ទឹងក្នុងក្រុងសៀមរាប ដោយមានកម្មវិធីជិះទូកកម្សាន្ត ពិព័រណ៍ម្ហូបអាហារ ផ្សារបណ្តែតទឹក តន្រ្តីស្គរដៃ ការសម្តែងសិល្បៈ នៅលើផែទឹក និងការប្រគុំតន្រ្តីខ្នាតយក្សពីរកន្លែង និងទី២ ដែលអ្នករៀបចំប្រសិទ្ធនាមថា ភូមិសង្ក្រាន្ត នឹងត្រូវធ្វើនៅប្រាសាទចៅសាយទេវតា និងប្រាសាទធម្មនន្ន ជិតក្រុងអង្គរធំ ដែលមានពិធីបួងសួងសុំ សេចក្តីសុខ ពិធីទទួលទេវតាឆ្នាំថ្មី ពិធីពួនភ្នំខ្សាច់ និងរួមមានការរៀបចំ ជាភូមិខ្ញុំ មានលេងល្បែងប្រជាប្រីយ៍ និងការលេងល្ខោនបាសាក់ ដែលតម្រូវឱ្យអ្នកចូលរួមកម្សាន្ត ស្លៀកសម្លៀកបំពាក់ប្រពៃណីខ្មែរ ដូចជាហូល ផាមួង អាវប៉ាក់ ខោចែវ ជាដើម ដើម្បីនាំគ្នាលើកតម្លៃវប្បធម៌ប្រពៃណីជាតិខ្មែរ ព្រោះការស្លៀកពាក់បុរាណនេះ កូនខ្មែរនឹងនឹកឃើញដល់ប្រវត្ដិសាស្ដ្រវប្បធម៌ខ្មែរនាសម័យអង្គរ៕
អត្ថបទ៖ គឿន វេត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល