ព័ត៌មានជាតិ

សម្ដេចតេជោ ហ៊ុន សែន អញ្ជើញពិនិត្យមើលផ្លូវ៣៨ខ្សែ និងហេដ្ឋារចនាសម្ព័ន្ធនៅខេត្តសៀមរាប មុនសម្ពោធដាក់ឲ្យប្រើប្រាស់

បានផុស

៤ years មុន

នៅ

ថ្ងៃសៅរ៍ ២ មេសា ២០២២

ដោយ

នៅរសៀលថ្ងៃទី២២ ខែមេសា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញពិនិត្យមើលផ្លូវចំនួន៣៨ខ្សែ នៅខេត្តសៀមរាប មុននឹងការសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី០៤ ខែមេសា ឆ្នាំ២០២២ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសចុះពិនិត្យនេះ សម្ដេចបានអញ្ជើញតាមរថយន្ត ដោយចេញពីសណ្ឋាគារ ហើយពិនិត្យមើលតាមដងវិថីនានាទាំង៣៨ខ្សែ ក៏ដូចជាហេដ្ឋារចនាសម្ព័ន្ធនានា ក៏ដូចជាដងស្ទឹងនៅខេត្តសៀមរាបផងដែរ។

គួររម្លឹកផងដែរថា គម្រោងកែលម្អហេដ្ឋារចនាសម្ព័ន្ធផ្លូវក្នុងក្រុងសៀមរាប ខេត្តសៀមរាបចំនួន៣៨ខ្សែនេះ មានប្រវែងសរុប១០៦,៤២ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ១៤៩ ២១៦ ៥៩៥ ដុល្លារអាមេរិក ដោយក្នុងនោះចំនួន៩ លានដុល្លារអាមេរិកចំណាយលើការងារចាំបាច់ក្នុងការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់។

ផ្លូវទាំង៣៨ខ្សែនេះ ចំណាយពេលសាងសង់ចំនួន១៣ខែ និងបានបើកការដ្ឋានសាងសង់កាលពីថ្ងៃទី៣០ ខែវិច្ឆិកា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕

ដោយ ៖ កោះកែវ