ព័ត៌មានជាតិ
ប្រមុខរាជរដ្ឋាភិបាល ជំរុញក្រសួងសាធារណការ រកដៃគូ ធ្វើទំនើបកម្មផ្លូវរថភ្លើងនៅកម្ពុជា
ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន ជំរុញឱ្យរដ្ឋមន្ត្រីក្រសួងសាធារណៈការ និងដឹកជញ្ជូន លោកទេសរដ្ឋមន្ត្រី ស៊ុន ចាន់ថុល ស្វែងរកដៃគូរ ដើម្បីធ្វើទំនើបកម្ម ផ្លូវរថភ្លើងនៅកម្ពុជា ដោយសារផ្លូវរថភ្លើងបានហួសសម័យទៅហើយ។

ការលើកឡើងរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានេះ នៅក្នុងពិធីបើកសម្ពោធដាក់ឱ្យប្រើប្រាស់ជាផ្លូវការនូវហេដ្ឋារចនាសម្ព័ន្ធ និងផ្លូវចំនួន៣៨ ខ្សែ នៅទីក្រុងសៀមរាប នាព្រឹកថ្ងៃទី០៤ ខែមេសា ឆ្នាំ២០២២ នេះ។
សម្ដេចតេជោ ហ៊ុន សែន មានប្រសាសន៍ថា មកដល់ពេលនេះ កម្ពុជាបានពិចារណាផងដែរ អំពីការគិតគូររបស់យើង ទៅលើប្រព័ន្ធហេដ្ឋារចនាសម្ព័ន្ធផ្លូវដែករបស់យើង ដោយសារតែប្រព័ន្ធផ្លូវដែក ដែលមានស្រាប់របស់យើងជាប្រព័ន្ធហួសសម័យ ដែលធ្វើដំណើរមួយម៉ោងបានត្រឹមតែ ២០ ឬ ៣០ គីឡូម៉ែត្រ ហើយជំនួសវិញ ដោយផ្លូវល្បឿនលឿន ជាមួយនឹងការរៀបចំបន្ថែមទៀតនូវខ្សែរថភ្លើងសម្រាប់ការដឹកជញ្ជូននៅក្នុងប្រទេស និងការតភ្ជាប់ជាមួយប្រទេសជិតខាង។

សម្ដេចមានប្រសាន៍ថា សព្វថ្ងៃយើងមានខ្សែរថភ្លើង ចំនួន ២ គឺ ពីប៉ោយប៉ែត មករាជធានីភ្នំពេញ ហើយពីរាជធានីភ្នំពេញទៅកាន់ខេត្តព្រះសីហនុ ហើយកំពុងរកដៃគូដើម្បីអភិវឌ្ឍផ្លូវរថភ្លើង ដោយរត់លើផ្លូវចាស់ដដែល។ ជាមួយគ្នានោះសម្តេចតេជោបានបញ្ជាក់ថា បញ្ហានេះបានដាក់ឱ្យលោក ស៊ុន ចាន់ថុល រដ្ឋមន្ត្រីក្រសួងសាធារណៈការ ធ្វើការពិចារណារួចហើយ និងលើកគម្រោងដើម្បីរកដៃគូធ្វើការអភិវឌ្ឍ។ បើទុកនៅបែបនេះតទៅទៀត ទៅមិនរួចទេ តាមមិនទាន់សភាពការណ៍៕
អត្ថបទ៖ កោះកែវ

-
ព័ត៌មានអន្ដរជាតិ៥ ថ្ងៃ ago
ប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ១ ថ្ងៃ ago
មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៦ ថ្ងៃ ago
ត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៤ ថ្ងៃ ago
ស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៥ ថ្ងៃ ago
អាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ ago
រុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៣ ថ្ងៃ ago
ខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៥ ថ្ងៃ ago
រឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា