ព័ត៌មានជាតិ
ឧបនាយករដ្ឋមន្ត្រី ម៉ែន សំអន៖ សុខសន្តិភាពជាកត្តារួមចំណែកដ៏សំខាន់ចំណែកជំរុញឲ្យមានការអភិវឌ្ឍរហូតបច្ចប្បន្ន
លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានថ្លែងថា សុខសន្តិភាព ជាកត្តាដ៍សំខាន់ដែលបានចូលរួមចំណែកជំរុញឲ្យមានការអភិវឌ្ឍន៍ ប្រទេសជាតិរហូតបច្ចប្បន្ន។
លោកជំទាវលើកឡើងបែបនេះខណៈអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ស្ពានបេតុង ឆ្លងស្ទឹងសែន ស្ថិតក្នុងភូមិកំពង់ស្វាយ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ នាព្រឹកថ្ងៃសៅរ៍ ទី៩ ខែមេសា ឆ្នាំ២០២២។
លោកជំទាវ ក៏បានមានប្រសាសន៍ថា ជាការពិតណាស់ក្រោមការដឹកនាំប្រកបដោយភាពប៉ិនប្រសប់ និងគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលជាអគ្គមគ្គុទេសន៍ឯក និងជាប្រតិបត្តិករនយោបាយឈ្នះ-ឈ្នះ ដែលបាននាំយកសន្តិភាពមកជូនជាតិមាតុភូមិកម្ពុជា ឆ្ពោះទៅរកការអភិវឌ្ឍន៍គ្រប់វិស័យ ដោយបានផ្តោតទៅលើអាទិភាព ៤ គឺ ផ្លូវ មនុស្ស ទឹក ភ្លើង។
លោកជំទាវ ក៏បានមានប្រសាសន៍បន្តថាដោយឡែកថ្ងៃនេះ សមិទ្ធិផលស្ពានបេតុងថ្មីនេះ ក៏បានបង្ហាញជំនឿ និងការសាមគ្គី ដែលកើតចេញមកពីកត្តាសុខសន្តិភាព ដែលបានអនុញ្ញាតឲ្យបងប្អូនទាំងអស់គ្នាចូលរួមកសាងនូវសមិទ្ធិផដែលដាក់សម្ពោធនាថ្ងៃនេះ និងបានចូលរួមចំណែកជម្រុញឲ្យមានការអភិវឌ្ឍន៍។
ស្ពានបេតុងនេះ មានប្រវែង ១៥១,២ ម៉ែត្រ ទទឹង ៦,៥០ ម៉ែត្រ គឺក្រោមគំនិតផ្តួចផ្តើមរបស់ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ និងលោកឧកញ៉ា កុយ លាងគី គណៈកម្មការអាចារ្យវត្តកំពង់ស្វាយ រួមជាមួយ ប្រជាពលរដ្ឋ អាជីវករ មន្រ្តីរាជការ កងកម្លាំង និងសប្បុរសជន បានមូលមតិគ្នាចាប់ផ្តើមកសាងតាំងពីឆ្នាំ២០១៨ និងរួចរាល់ជាស្ថាពរ នៅឆ្នាំ២០២១ ដោយចំណាយថវិកាអស់ជិត ៦៣ម៉ឺនដុល្លារសហរដ្ឋអាមេរិក។
សូមបញ្ជាក់ផងដែរថា ការសាងសង់ស្ពាននេះគឺ ៖ ទី១. ប្រជាពលរដ្ឋធ្វើដំណើរឆ្លងកាត់ និងដឹកជញ្ជូនកសិផលនានាជួបការលំបាកជាខ្លាំង ទី២. សិស្សានុសិស្សក្នុងភូមិ និងភូមិផ្សេងៗធ្វើដំណើរទៅសាលារៀនជួបការលំបាកជាខ្លាំង ទី៣. ពេលមានបុណ្យទានម្ដងៗព្រះសង្ឃ និងពុទ្ធបរិសទ្ធិជិតឆ្ងាយធ្វើដំណើរឆ្លងកាត់មកវត្តទាំងក្ដីភ័យខ្លាច និងព្រួយបារម្ភយ៉ាងខ្លាំង។
ជាក់ស្ដែងនៅឆ្នាំ ១៩៨២ គឺមានករណីលិចកាណូត នៅពេលដែលប្រជាពលរដ្ឋដង្ហែរអង្គកឋិនទានមកកាន់វត្តកំពង់ស្វាយតាមកាណូត ដោយធ្វើឲ្យប្រជាពលរដ្ឋមកបុណ្យស្លាប់អស់ចំនួន ៥២នាក់ យ៉ាងអណោចអាធមបំផុត ក្នុងនោះក៏មានសមាជិករបស់ក្រុម គ្រួសារលោកជំទាវ ឃួន ឃុនឌី ចំនួន ៤នាក់ផងដែរ។
លោកជំទាវបានផ្តាំផ្ញើរដល់ប្រជាពលរដ្ឋទាំងអស់គ្នាត្រូវចូលរួមគោរពច្បាប់ចរាចរណ៍ រៀនរស់ និងធ្វើការតាមប្រក្រតីភាពថ្មី ដោយអនុវត្តតាមវិធានការណ៍ ៣ការពារ៣កុំ ។ ចំណែកឯកងកម្លាំង និងសមត្ថកិច្ចពាក់ព័ន្ធ ត្រូវចូលរួមការពារ សន្តិសុខ សណ្តាប់ធ្នាប់សាធារណៈនៅក្នុងមូលដ្ឋានរៀងៗខ្លួន ជាពិសេស នៅថ្ងៃចូលឆ្នាំប្រពៃណីជាតិខ្មែរ ដែលនឹងឈានចូលមកដល់នាពេលខាងមុខនេះប្រកបដោយសុខសប្បាយ និងសុវត្ថិភាពខ្ពស់៕
អត្ថបទ៖ វិមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង