ព័ត៌មានជាតិ
លោក ញឹក ប៊ុនឆៃថា ការសាកល្បង៤ខេត្តរបស់សម្តេចតេជោ បើទោះជារីករាលដាលក៏មិនធ្ងន់ធ្ងរដែរ
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីម្សិលមិញ បានសម្រេចដាក់ខេត្តចំនួន៤ រួមមាន៖ ខេត្តរតនគិរី, មណ្ឌលគិរី, ស្ទឹងត្រែង, និងព្រះវិហារ ទុកប្រជាពលរដ្ឋជាអ្នកសម្រេចដោយខ្លួនឯងថា ពាក់ម៉ាស ឬមិនពាក់ម៉ាស ដែលការសម្រេចនេះ ជាការសាកល្បងមួយបន្ថែមទៀត បន្ទាប់ពីសម្រេចបើកឲ្យមានការចូលរួមពិធីបុណ្យចូលឆ្នាំប្រពៃណីជាតិ។
ទាក់ទងការសម្រេចរបស់ប្រមុខរាជរដ្ឋាភិបាលនេះ លោក ញឹក ប៊ុនឆៃ ប្រធានគណបក្សខ្មែររួបរួមជាតិបានមានប្រសាសន៍ប្រាប់កម្ពុជាថ្មី នាថ្ងៃទី១១ ខែមេសា នេះថា ការសម្រេចរបស់សម្ដេចតេជោនេះ បើសិនជាមានការរីករាលដាលនៃជំងឺ Covid-19 ក្តី ក៏មិនលក្ខណៈធ្ងន់ធ្ងរដែរ ដោយសារតែម្នាក់ៗបានចាក់វ៉ាក់សាំងយ៉ាងតិច៣ដងដែរ ហើយក៏មានចាក់ដូសទី៤ ច្រើនផងដែរ។ ដូច្នេះការបើក៤ខេត្តនេះ ជាការសាកល្បងមើល។ មួយទៀតការបើកឲ្យប្រជាពលរដ្ឋចូលរួមពិធីបុណ្យចូលឆ្នាំថ្មីប្រពៃណីជាតិ ដែលយើងបានខកខានចំនួន២ ឆ្នាំរួចមកហើយនោះ ក៏ជាការសាកល្បងដែរ ដោយចង់ដឹងថា តើការបើកនេះ មានបញ្ហាអ្វីធ្ងន់ធ្ងរដែរឬទេ?
បើតាមលោក ញឹក ប៊ុនឆៃ “ប្រសិនបើលទ្ធផលនៅក្រោយពេលបុណ្យចូលឆ្នាំវាល្អ ការបើកប្រទេសលើវិញ ក៏ដូចជាការបើកឱ្យភ្ញៀវទេសចរបរទេសចូលមកកំសាន្តនៅប្រទេសកម្ពុជានោះ គឺជាការត្រឹមត្រូវ ពីព្រោះដើម្បីសេដ្ឋកិច្ចរបស់ប្រទេសយើង។ កាលណាយើងបិទទៅ វាប៉ះពាល់សេដ្ឋកិច្ច វិស័យទេសចរណ៍ ប៉ះពាល់ការវិនិយោគ ដូច្នេះក្តីសង្ឃឹមរបស់ខ្ញុំ វានឹងមិនមានផលប៉ះពាល់ដែលអាចធ្ងន់ធ្ងរនោះទេ”។
តាមរយៈសារជាសំឡេង កាលពីល្ងាចថ្ងៃទី១០ ខែមេសា ម្សិលមិញ សម្ដេចតេជោនាយករដ្ឋមន្ត្រី បានលើកឡើងថា បន្ទាប់ពីបានពិភាក្សាពិគ្រោះយោបល់ជាមួយថ្នាក់ដឹកនាំ និងមន្ត្រីពាក់ព័ន្ធបានសម្រេចដាក់ខេត្តចំនួន៤ រួមមាន៖ រតនគិរី, មណ្ឌលគិរី, ស្ទឹងត្រែង, និងព្រះវិហារ ជាខេត្តដែលទុកលទ្ធភាពឲ្យបុគ្គលជាអ្នកសម្រេចថា ពាក់ម៉ាស ឬមិនពាក់ម៉ាស។ សម្តេចបញ្ជាក់ថា ខេត្តទាំង៤នេះ មិនតម្រូវថា ត្រូវតែពាក់ម៉ាសនោះទេ ប៉ុន្តែទុកលទ្ធភាពជូនប្រជាជនសម្រេចចិត្តដោយខ្លួនឯង។
បើតាមសម្ដេចតេជោនាយករដ្ឋមន្ត្រី ការធ្វើយ៉ាងដូច្នេះ គឺដើម្បីឲ្យប្រជាពលរដ្ឋនៅក្នុងខេត្តទាំង ៤នេះ យកការទទួលខុសត្រូវដោយខ្លួនឯង ដោយមិនបង្ខំឲ្យពាក់ម៉ាស ឬក៏ពាក់ម៉ាសនោះទេ ដោយទុកឲ្យបុគ្គលម្នាក់ៗជាអ្នកជ្រើសរើសដោយខ្លួនឯង។ សម្ដេចតេជោ ហ៊ុន សែន សង្ឃឹមថា ប្រជាពលរដ្ឋនៅក្នុងខេត្តទាំង៤នេះ នឹងធ្វើការពិចារណាដោយខ្លួនឯង។ ចំពោះប្រជាពលរដ្ឋមកពីខេត្តដទៃ ហើយចូលទៅខេត្តទាំង៤ខាងលើនេះ ក៏មិនតម្រូវ ត្រូវតែពាក់ម៉ាស ឬមិនពាក់ម៉ាសនោះដែរ ប៉ុន្តែនៅចេញដែលចេញផុតពីខេត្តទាំង៤នោះ ចាំបាច់ត្រូវតែពាក់ម៉ាស។
សម្ដេចតេជោនាយករដ្ឋមន្ត្រីបានបញ្ជាក់ទៀតថា ការអនុវត្តនូវវិធានការខាងលើនេះ គឺត្រូវចាប់ផ្ដើមពីថ្ងៃចេញសាររបស់សម្ដេច៕
ដោយ ៖ កោះកែវ
-
ព័ត៌មានអន្ដរជាតិ៧ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១៦ ម៉ោង agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាបជួយកសិករដាំដុះដំណាំកសិកម្ម
-
ព័ត៌មានអន្ដរជាតិ៧ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ