Connect with us

ព័ត៌មានជាតិ

ក្រុមហ៊ុនកូរ៉េខាងត្បូងមួយ មានបំណងនាំចូលផ្លែស្វាយរបស់កម្ពុជា ចូលទីផ្សារកូរ៉េ

បានផុស

នៅ

ក្រុមហ៊ុនកូរ៉េខាងត្បូង មានបំណងនាំចូលផ្លែស្វាយពីកម្ពុជាចូលទីផ្សារកូរ៉េ ខណៈផ្លែស្វាយរបស់កម្ពុជាមានតម្លៃសមរម្យ ប៉ុន្តែបរិមាណផ្គត់ផ្គង់នៅមានកម្រិត។ ក្រុមហ៊ុនកូរ៉េ បានបញ្ជាក់ថា បើកម្ពុជាអាចផ្គត់ផ្គង់បរិមាណផ្លែស្វាយ តាមតម្រូវការរបស់ក្រុមហ៊ុន ស្របតាមបទដ្ឋាន និងស្តង់ដាររបស់កូរ៉េនោះ គឺក្រុមហ៊ុន នឹងចាប់ផ្តើមនាំចូលផ្លែស្វាយមកកូរ៉េតែម្ដង។  

ក្រុមហ៊ុនកូរ៉េ បង្ហាញបំណងបែបនេះនៅថ្ងៃទី ១២ ខែមេសា ឆ្នាំ ២០២២ ក្នុងឱកាសលោកស្រី ជ្រឹង បុទុម រង្សី ឯកអគ្គរាជទូតកម្ពុជាប្រចាំកូរ៉េខាងត្បូង បានទទួលជួបពិភាក្សាការងារជាមួយលោកស្រី លីន យុ (Lin Yu) នាយិកាក្រុមហ៊ុន GADOSH ដែលជាក្រុមហ៊ុននាំចូលផលិតផលកសិកម្ម ដើម្បីផ្គត់ផ្គង់ទីផ្សារកូរ៉េ។

ក្នុងជំនួបនេះ ភាគីកូរ៉េបានសួរអំពីប្រភេទ និងលក្ខណៈពិសេសរបស់ផ្លែស្វាយរបស់កម្ពុជា ព្រមទាំងបានលើកឡើងអំពីតម្រូវការរបស់ក្រុមហ៊ុន ក្នុងការនាំចូលមើមការ៉ុតចូលទីផ្សារកូរ៉េ ផងដែរ។

ជាការឆ្លើយតបលោកស្រី ជ្រឹង បុទុមរង្សី ឯកអគ្គរាជទូតកម្ពុជា បានបញ្ជាក់ជូនថា ផ្លែស្វាយរបស់កម្ពុជា មានច្រើនប្រភេទ និងអាចបរិភោគបានទាំងទុំ និងខ្ចី ហើយប្រភេទផ្លែស្វាយ ដែលកម្ពុជានាំចេញ គឺប្រភេទស្វាយកែវរមៀត ព្រោះមានរសជាតិជូរអែម និងមានក្លិនក្រអូប។  

លោកស្រីឯកអគ្គរាជទូត ក៏ស្នើឲ្យក្រុមហ៊ុនទៅទស្សនកិច្ចនៅប្រទេសកម្ពុជា ក្នុងអំឡុងខែមេសា ឧសភា ឬខែមិថុនា ២០២២ ព្រោះជារដូវកាលប្រមូលផលស្វាយ និងដើម្បីស្វែងយល់ពីគម្រោងនាំចូលផ្លែស្វាយរបស់ក្រុមហ៊ុន ដែលលោកស្រីនឹងជួយសម្រួលដំណើរទស្សនកិច្ចនេះ ដោយរៀបចំឲ្យមានជំនួបជាមួយបុគ្គលសំខាន់ៗពីស្ថាប័នពាក់ព័ន្ធផងដែរ៕

អត្ថបទ៖ ធឿន វ៉ាន់សុង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម