ព័ត៌មានជាតិ
សម្ដេចតេជោ ៖ មានកត្តាចំនួន ៦ ដែលធ្វើឲ្យពលរដ្ឋបានដើរលេងសប្បាយ ក្នុងឱកាសបុណ្យចូលឆ្នាំថ្មី
មានប្រសាសន៍ ក្នុងពិធីសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី ៤ នាព្រឹកទី ២០ ខែមេសានេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា មានកត្តាចំនួន ៦ ដែលធ្វើឲ្យប្រជាពលរដ្ឋ បានដើរលេងសប្បាយរីករាយ នៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលទើបតែបញ្ចប់ទៅថ្មីៗនេះ។
បើតាមសម្ដេចតេជោ ហ៊ុន សែន៖ ទី១, កត្តាសុខសន្តិភាព ដោយសម្តេចបានអះអាងថា ប្រសិនបើគ្មានសន្តិភាពទេ កុំនិយាយពីសិទ្ធិមនុស្ស និយាយពីប្រជាធិបតេយ្យ…។ បើនិយាយពីនៅថ្ងៃ ១៧ ខែមេសា កាលពី ៤៧ ឆ្នាំមុន ប្រជាជន សំរុកចេញពីទីក្រុង ហើយ ៤៨ឆ្នាំក្រោយ ប្រជាជនសំរុកចូលទីក្រុងភ្នំពេញវិញ ដោយសារតែគាត់វិលត្រឡប់ពីការដើរកំសាន្តសប្បាយ នៅតាមបណ្ដាខេត្តនានា។ ដូច្នេះទើបសម្ដេចអំពាវនាវឲ្យខិតខំថែរក្សាសន្តិភាពនេះ ឲ្យបានបើទោះបីជាស្ថិតនៅក្នុងតម្លៃណាក៏ដោយ។
ទី២, ការតភ្ជាប់ហេដ្ឋារចនាសម្ព័ន្ធ ដែលមានផ្លូវ មានស្ពាន ដើម្បីងាយស្រួលធ្វើដំណើរពីតំបន់មួយទៅតំបន់មួយ។ ទី៣, មធ្យោបាយធ្វើដំណើរកាន់តែច្រើន ដែលប្រជាពលរដ្ឋខ្លះ មានឡាន មានម៉ូតូផ្ទាល់ខ្លួន ហើយក្រៅពីនោះ ក៏មានរថយន្តឈ្នួល រថយន្តតាក់ស៊ី អាចធ្វើដំណើរពីកន្លែងមួយទៅកន្លែងមួយដោយងាយស្រួល។
ទី៤, ប្រាក់ចំណូលរបស់ប្រជាពលរដ្ឋ បើទោះបីជាជំងឺកូវីដ-១៩ បានវាយប្រហារ ធ្វើឲ្យប្រជាពលរដ្ឋអាក់ខាន ក្នុងការប្រកបមុខរបររកស៊ីខ្លះៗក៏ដោយ។ បើតាមសម្ដេចតេជោ ហ៊ុន សែន ឆ្នាំនេះ ប្រាក់ត្រូវបានផ្ទេរពីវណ្ណៈកណ្ដាល ទៅប្រជាពលរដ្ឋក្រីក្រយ៉ាងច្រើន តាមរយៈការដើរកំសាន្ត ហើយពួកគាត់ទិញសម្ភារៈប្រើប្រាស់ ទិញចំណីអាហារបរិភោគជាដើម។
ទី៥, ការកើតឡើងនូវតំបន់ទេសចរណ៍ថ្មីៗ ដែលហៅថា ទេសចរណ៍ផ្សារភ្ជាប់ទឹកដី។ ទី៦, ភាពសំាសហគមន៍ ដែលចេញមកពីការខិតខំប្រឹងប្រែង របស់រាជរដ្ឋាភិបាល និងការចូលរួមរបស់ប្រជាជនទៅលើបញ្ហាការចាក់វ៉ាក់សាំង៕
អត្ថបទ៖ កោះកែវ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore