ព័ត៌មានជាតិ
កងកម្លាំងកម្ពុជាជាង ៨ពាន់នាក់ បានចូលរួមបេសកកម្មថែរក្សាសន្តិភាព នៅប្រទេសចំនួន ៨
កម្ពុជាប្រែក្លាយពីប្រទេសទទួលយកកងកម្លាំង ថែរក្សាសន្តិភាពរបស់អង្គការសហប្រជាជាតិ ទៅជាប្រទេសមួយ ដែលបានបញ្ជូនកងកម្លាំងរបស់ខ្លួន ទៅចូលរួមបេសកកម្មថែរក្សាសន្តិភាព នៅប្រទេសនានាលើពិភពលោក។
នេះបើតាមការឲ្យដឹងពីលោក ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកម្ពុជា ក្នុងឱកាសលោកទទួលជួបសវនាការជាមួយលោក សេនដឺសុន អតីតមេបញ្ជាការកងកម្លាំងអន្តរជាតិនៃអាជ្ញាធរបណ្ដោះអាសន្នអង្គការសហប្រជាជាតិប្រចាំកម្ពុជា (អ៊ុនតាក់) នៅថ្ងៃទី ២៦ ខែមេសា ឆ្នាំ ២០២២ នាទីស្ដីការក្រសួងការបរទេសកម្ពុជា។
លោក ប្រាក់ សុខុន បានឲ្យដឹងថា គិតរហូតមកឆ្នាំ ២០២២នេះ កងកម្លាំងកម្ពុជាជាង ៨ពាន់នាក់ បានចូលរួមបេសកកម្មថែរក្សាសន្តិភាព នៅប្រទេសចំនួន ៨ នៅទ្វីបអាហ្វ្រិក និងមជ្ឈឹមបូព៌ា។
លោក សេនដឺសុន បានសម្ដែងការអបអរសាទរ និងកោតសរសើរកម្ពុជា ដែលការបញ្ជូនកងកម្លាំងរាប់ពាន់នាក់ទៅចូលរួម ក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ នៅប្រទេសនានាជុំវិញពិភពលោក។
ក្នុងជំនួបនោះដែរ លោករដ្ឋមន្ត្រី ប្រាក់ សុខុន បានរំលឹកឡើងវិញនូវសមិទ្ធផលរបស់អ៊ុនតាក់ ដែលសម្រេចបាននៅកម្ពុជា គឺការរៀបចំការបោះឆ្នោតសកលនៅឆ្នាំ ១៩៩៣ បើទោះបីនៅពេលនេះ ភាគីខ្មែរក្រហមធ្វើពហិកាមិនចូលរួម ហើយបានបន្តបង្កសង្គ្រាមបែបឧទ្ធាមរបស់ពួកគេក៏ដោយ។
ប្រមុខការទូតកម្ពុជា គូសបញ្ជាក់បន្ថែមថា ក្រោយការដកចេញរបស់កងកម្លាំងអ៊ុនតាក់ពីកម្ពុជា ប្រមុខរាជរដ្ឋាភិបាល សម្ដេចតេជោ ហ៊ុន សែន ក៏បានដាក់ចេញនូវគោលនយោបាយឈ្នះឈ្នះ ដែលបាននាំនូវការបង្រួបបង្រួមជាតិ សន្តិភាពពេញលេញ និងមានស្ថិរភាពទាំងស្រុង នៅក្នុងប្រទេសកម្ពុជានៅឆ្នាំ ១៩៩៨៕
អត្ថបទ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង