Connect with us

ព័ត៌មានជាតិ

ឧបការី​រដ្ឋមន្រ្តីការ​បរទេស​សហរដ្ឋអាមេរិក​ ផ្អាក​ដំណើរ​ទស្សនកិច្ច​នៅ​កម្ពុជា​ ដោយ​សារ​វិជ្ជមាន​កូវីដ-១៩

បានផុស

នៅ

លោក Daniel J. Kritenbrink ​ឧបការីរដ្ឋមន្រ្តីក្រសួង​ការបរទេស​សហរដ្ឋអាមេរិក​ សម្រាប់កិច្ច​ការតំ​បន់អាស៊ីបូព៌ា​ និងប៉ាស៊ីហ្វិក​ គ្រោង​ធ្វើដំណើរ​មកប្រទេសកម្ពុជា​ និងឡាវ​ ចាប់ពីថ្ងៃទី០១​ ដល់ថ្ងៃ​ទី​០៧ ខែឧសភា ឆ្នាំ២០២២ ប៉ុន្តែលោក Daniel​ បានផ្អាកការធ្វើដំណើរទស្សនកិច្ច​នេះជាបណ្តោះ​អា​សន្នសិន ដោយសារតែលោក​ ធ្វើតេស្តឃើញវិជ្ជមានកូវីដ-១៩​។ នេះបើតាមការបញ្ជាក់ពីស្ថាន ទូតសហរដ្ឋអាមេរិក នាព្រឹកថ្ងៃទី០២ ខែឧសភា ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ទោះជាយ៉ាងណា​ស្ថានទូតអាមេរិក មិនបាន​បញ្ជាក់ថា ទស្សនកិច្ចរបស់លោក Daniel J. Kritenbrink ឧបការីរដ្ឋមន្រ្តីក្រសួងការបរទេសសហរដ្ឋអាមេរិកនេះ នឹងធ្វើឡើងជាថ្មីនៅពេលណានោះទេ។ បើតាមស្ថានទូត ទស្សនកិច្ចរបស់លោក​ Daniel នឹងផ្តោតពីការប្តេជ្ញាចិត្តរបស់សហរដ្ឋអាមេរិក​ចំពោះប្រជាជនកម្ពុជា​ និងការបន្តគាំទ្រកម្ពុជា​ ក្នុងនាមជាប្រធានកិច្ចប្រជុំអាស៊ាន ឆ្នាំ២០២២។

ទស្សនកិច្ចនេះ ក៏បានបង្ហាញពីការប្តេជ្ញាចិត្តរបស់សហរដ្ឋអាមេរិក ចំពោះប្រទេសក្មេងជាងគេ និង​មានភាពរស់រវើកបំផុតនៅក្នុងតំបន់នេះ ដោយពង្រឹងបន្ថែមនូវមជ្ឈភាពអាស៊ាន ភាពជា​ដៃគូរវាង​សហរដ្ឋអាមេរិក និងតំបន់ទន្លេមេគង្គ ដើម្បីដោះស្រាយបញ្ហាប្រឈមឆ្លងដែន និងជំរុញឲ្យអនុ​តំបន់​ទន្លេមេគង្គមានវិបុលភាព ភាពបើកចំហ និងសន្តិសុខច្រើនថែមទៀតផងដែរ។

នៅប្រទេសកម្ពុជា លោកឧបការីរដ្ឋមន្រ្តី Kritenbrink នឹងជួបជាមួយលោក ប្រាក់ សុខុន ឧបនា​យក​រដ្ឋមន្រ្តី និងជារដ្ឋមន្រ្តីក្រសួងការបរទេស និងមន្ត្រីជាន់ខ្ពស់ដទៃទៀត ព្រមទាំងយុវជន និងថ្នាក់ដឹក​នាំសង្គមស៊ីវិល ដើម្បីពិភាក្សាពីទំនាក់ទំនងទ្វេភាគី និងការគាំទ្ររបស់អាមេរិក សម្រាប់កម្ពុជា ក្នុង​នាមជាម្ចាស់ផ្ទះកិច្ចប្រជុំអាស៊ាន។ 

នៅក្នុងប្រទេសកម្ពុជា និងឡាវ លោកឧបការីរដ្ឋមន្រ្តី នឹងពិភាក្សាពីកិច្ចប្រជុំកំពូលពិសេសអាស៊ាន-អាមេរិក ដែលលោកប្រធានាធិបតី Biden នឹងរៀបចំនៅទីក្រុង Washington នៅថ្ងៃទី១២ និងទី១៣ ខែឧសភា ខាងមុខផងដែរ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៦ នាទី មុន

សម្តេចតេជោ ហ៊ុន សែន លើកទឹកចិត្តឲ្យបង្កើនភាពប្រកួតប្រជែងលើទីផ្សារអន្តរជាតិ អំពីផលិតផលខ្មែរ ពិសេសមុខម្ហូបប្រពៃណីជាតិ

សន្តិសុខសង្គម៣៣ នាទី មុន

លើកដំបូង! ​ឆ្កែចចកព្រៃមួយ​ក្បាល​ចេញខាំ​ពលរដ្ឋ​បណ្ដាល​ឱ្យរងរបួស​ ៧ នាក់​នៅកំពង់ឆ្នាំង​

ព័ត៌មានជាតិ៣៦ នាទី មុន

លោក កើត រិទ្ធ ៖ ចៅក្រមគ្រប់រូប គប្បីសាកល្បងជួយសម្របសម្រួល និងផ្សះផ្សារវាងគូភាគី ដើម្បីអាចបញ្ចប់វិវាទ  

ព័ត៌មានអន្ដរជាតិ៣៧ នាទី មុន

ពិភពលោកកំពុងល្វីងមុខនឹងបញ្ហាធំៗចំនួន ៣

ព័ត៌មានជាតិ៥៨ នាទី មុន

អាជ្ញាធរ​ព្រះសីហនុ​ចុះស្ដារ​ប្រឡាយ​ អូរ​ជិត ៣០ ​គីឡូម៉ែត្រ​បង្ការ​ជំនន់​ទឹកភ្លៀង

Sokha Hotels

ព័ត៌មានពេញនិយម