ព័ត៌មានជាតិ
ត្រឹមរយៈពេលជាង ១ ឆ្នាំ “ណាវីតា” ទទួលបានទំនុកចិត្តខ្ពស់ ពីមជ្ឈដ្ឋានជាតិ និងអន្តរជាតិ
ក្រុមហ៊ុន ណាវីតា ត្រូវបានបង្កើតឡើងនៅខែវិច្ឆិកា ឆ្នាំ២០២០ ដែលជាសហគ្រាសផលិតតំណាប់ផ្លែឈើស្ងួត និងភេសជ្ជៈជាច្រើនប្រភេទ ហើយត្រូវបានចុះបញ្ជីពាណិជ្ជកម្មនៅឆ្នាំ២០២១ ទៅជា ណាវីតា ហ៊ែលស៊ីហ្វូដ & បេវើរីច ឯ.ក (Navita Healthy Food & Beverages CO.,LTD.)។ ណាវីតា ផលិតផ្លែឈើស្ងួតបែបធម្មជាតិជាច្រើនដូចជា តំណាប់ស្រកានាគធម្មជាតិពណ៌ស និងពណ៌ក្រហម តំណាប់ម្នាស់ធម្មជាតិ តំណាប់ស្វាយធម្មជាតិ តំណាប់មៀនប៉ៃលិនធម្មជាតិ។ លើសពីនេះទៀត មៀនប៉ៃលិនធម្មជាតិកែវ ណាវីតា ជាផលិតផលថ្មី ត្រូវបានផលិតឡើងពីមានប៉ៃលិនស្រស់ មានគុណភាពខ្ពស់ ជាតិស្ករកម្រិតទាប។

លោក អ៊ុយ ចេងហេង ស្ថាបនិកក្រុមហ៊ុន ណាវីតា ហ៊ែលស៊ីហ្វូដ&បេវើរីច ឯ.ក (Navita Healthy Food & Beverages Co., LTD) បានឱ្យ “កម្ពុជាថ្មី” ដឹងថា ត្រឹមតែរយៈពេល ១ ឆ្នាំ ណាវីតា បានបោះជំហានចូលក្នុងវិស័យកសិឧស្សាហកម្ម ហើយទទួលបានការគាំទ្រ និងទទួលស្គាល់ពីស្ថាប័នរដ្ឋ និងឯកជនយ៉ាងលឿនគួរឱ្យកត់សម្គាល់។ ណាវីតា បានទទួល ពានរង្វាន់ ឧស្សាហកម្មបៃតង ពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ចុងឆ្នាំ២០២១ និងមានកិច្ចសហការជាមួយអង្គការជាតិ និងអន្តរជាតិជាច្រើន។


ស្ថាបនិក ក្រុមហ៊ុន ណាវីតា ដែលបានបញ្ចប់ការសិក្សាថ្នាក់អនុបណ្ឌិតផ្នែក វិស្វកម្មឧស្សាហកម្ម មកពីសាកលវិទ្យាល័យ ម៉ាហិដុន (Mahidol University) ប្រទេសថៃ រូបនេះបានឱ្យដឹងបន្តថា ក្រុមហ៊ុន ណាវីតា បានប្រើបច្ចេកទេស ប៉ាស្ទ័ររ៉ាយ (Pasteurize) ដើម្បីកុំឱ្យមានបាក់តេរីណាដុះ ឬរាលដាលក្នុងផលិតផល ដោយមានការត្រួតពិនិត្យគុណភាពពី ILCC វិទ្យាស្ថានស្ដង់ដារជាតិ ក៏ដូចជាទទួលស្គាល់ ពីក្រសួងឧស្សាហកម្ម។ ផលិតផល ណាវីតា ត្រូវបានផលិតប្រកបដោយអនាម័យខ្ពស់។ ផ្ដល់ជូននូវផលិតផលដែលមានគណភាពល្អធម្មជាតិ ១០០% ពុំបានបន្ថែមស្ករ ពុំបានបន្ថែមពណ៌សិប្បនិមិត្ត និងមិនមានសមាសធាតុរក្សាទុកឡើយ ហើយផលិតផលនៅតែមានរសជាតិឆ្ញាញ់ និងអាចរក្សាបាននូវរសជាតិ និងពណ៌ធម្មជាតិ។

បច្ចុប្បន្នក្រុមហ៊ុនមានចុះសហការជាដៃគូគ្នាជាមួយផ្សារ អាលីម៉ង់ នៅទួលទំពូង ផ្សារកសិកសុខភាព នៅផ្សារថ្មី ម៉ាតស្នាដៃម៉ែ នៅព្រែកលាភ និងផ្សារតាមបណ្ដាខេត្តមួយចំនួនទៀត ដោយក្រុមហ៊ុនក៏មានគម្រោងសិក្សាដាក់ផលិផលរបស់ខ្លួនទៅក្នុងផ្សារទំនើបធំៗដូចជាផ្សារ អ៊ីអន ឡាក់គី ម៉ាក្រូ និងផ្សារជីប ម៉ុង ជាដើម និងបន្តចែកចាយទូទាំងប្រទេសកម្ពុជាក្នុងពេលឆាប់ៗនេះ។ ក្រោយពីទទួលបាននៅការគាំទ្រផ្នែកបច្ចេកទេសពី ស៊ីអាហ្គ្រោ-ខេម “ណាវីតា” បានពង្រីកទីផ្សារក្នុងស្រុក និងថែមទាំងអាចមានលទ្ធភាពបង្កើនការនាំចេញទៅកាន់ប្រទេសថៃផងដែរ។ ជាមួយនឹងការពង្រីកការលក់ទៅកាន់ទីផ្សារថ្មីៗ “ណាវីតា” បានបង្កើនប្រាក់ចំណូលពីការលក់បាន ៧២% នៅក្នុងពីរត្រីមាសចុងក្រោយនេះ ហើយថែមទាំងបានជួយដល់កសិករ ១៥០ នាក់ ព្រមទាំងបានបង្កើតការងារបានចំនួន ១៥ ទៀតផង។

ស្ថាបនិកវ័យ ២៩ ឆ្នាំរូបនេះបន្តឱ្យដឹងទៀតថា ចក្ខុវិស័យរបស់ ណាវីតា គឺក្លាយជាជម្រើសដំបូងនៃអាហារសុខភាពនៅក្នុងផ្នត់គំនិតរបស់អ្នកបរិភោគ និងកិច្ចសហប្រតិបត្តិការប្រកបដោយកិត្តិយសក្នុងតំបន់។ បេសកម្មរបស់ ណាវីតា ប្ដេជ្ញា ផលិតផ្លែឈើស្ងួតមានគុណភាពដែលមិនប្រើប្រាស់សារធាតុគីមីទាំងឡាយណាដែលប៉ះពាល់សុខភាពអ្នកបរិភោគ។ ណាវីតា លើកស្ទួយវិស័យកសិកម្មក្នុងស្រុក ផ្ដល់ទីផ្សារកសិផលដល់កសិករខ្មែរ និងជួយផ្ដល់ទីផ្សារការងារ ព្រមទាំងកាត់បន្ថយប្រជាពលរដ្ឋចំណាកស្រុក ទៅរកការងារខុសច្បាប់នៅក្រៅប្រទេស។

គួរបញ្ជាក់ថា “ណាវីតា” ជាជម្រើសដ៏ល្អបំផុតសម្រាប់សុខភាព ដោយមានផលិតផលគុណភាពខ្ពស់ និងធម្មជាតិ ១០០%។ ក្រុមហ៊ុន ណាវីតា មានចម្ការផ្លែឈើផ្ទាល់ខ្លួន និងបានសហការជាមួយចម្ការក្នុងស្រុកជាច្រើននៅក្នុងខេត្តបាត់ដំបង។ ព័ត៌មានបន្ថែម សូមទាក់ទងតាមរយៈទូរសព្ទលេខ ០៩៦ ៧៩៨ ៤២៤៨ ឬ Email: [email protected] ។
អត្ថបទ៖ ច័ន្ទ វីរៈ


-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១២ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១២ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់