Connect with us

ព័ត៌មានជាតិ

អាជ្ញាធរស្រុកបាទី ដាក់គ្រឿងចក្រឈូសឆាយផ្លូវនៅភូមិច្បារមន បន្ទាប់ពីទទួលការរាយការណ៍ពីពលរដ្ឋ

បានផុស

នៅ

ក្រោយពីទទួលបានសេចក្តីរាយការអំពីបញ្ហាខូចផ្លូវនៅភូមិច្បារមន ស្រុកបាទី ខេត្តតាកែវ ពេលនេះអាជ្ញាធរខេត្តតាកែវ សហការអាជ្ញាធរស្រុកបាទី និងជំនាញពាក់ព័ន្ធកំពុងដាក់គ្រឿងចក្រឈូសឆាយដើម្បីជូនបងប្អូនប្រជាពលរដ្ឋទូទៅប្រើប្រាស់ជាធម្មតាវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបជូនថា រាជរដ្ឋាភិបាល នៃព្រះរាជាណាចក្រកម្ពុជា បច្ចុប្បន្នបាននិងកំពុងខិតខំប្រឹងប្រែងស្ថាបនា កសាង អភិវឌ្ឍន៍ហេដ្ឋារចនាសម្ព័ន្ធ ស្ពាន ផ្លូវ ថ្នល់ ខ្វាត់ខ្វែង ដែលជាសរសៃឈាមសេដ្ឋកិច្ច ក្នុងការដឹកជញ្ជូនដំណាំកសិផលនានា ក៏ដូចជាសម្រាប់ការធ្វើដំណើររបស់បងប្អូនប្រជាពលរដ្ឋទូទៅ។ ផ្ទុយទៅវិញហេដ្ឋារចនាសម្ព័ន្ធ ស្ពាន ផ្លូវ ថ្នល់ មួយចំនួនត្រូវបានបំផ្លាញជាបណ្តើរៗទៅវិញ ដែលភាគច្រើនបង្កឡើងដោយសារតែក្រុមរថយន្តដឹកជញ្ជូនធុនធំ។

កាលពី ២ ថ្ងៃមុន ប្រជាពលរដ្ឋរស់នៅភូមិច្បារមន ឃុំកុមារាជា ស្រុកបាទី ខេត្តតាកែវ រៀបរាប់ថា ផ្លូវកៅស៊ូ ១ ខ្សែនៅក្នុងភូមិរបស់ពួកគាត់ ដែលអាជ្ញាធរស្រុកបាទី ជាពិសេសសាលាខេត្តតាកែវ បានស្ថាបនាល្អស្អាតសម្រាប់បម្រើការធ្វើដំណើររបស់ប្រជាពលរដ្ឋជាសាធារណៈនោះ បច្ចុប្បន្នកំពុងរងការខូចខាតជាបណ្តើរៗ។

ពលរដ្ឋរៀបរាប់បន្តថា ផ្លូវកៅស៊ូ ១ ខ្សែនេះកំពុងមានទឹកដក់ ជង្ហុក និងជាពិសេសមានទួលកណ្តាលទ្រូវផ្លូវតែម្តង ដែលពីមុនមកមិនដែលមានសោះ ទើបតែរយៈពេលពីរទៅបីខែនេះទេ គឺមានទួលនៅកណ្តាលផ្លូវបែបនេះ។ នៅចំណុចទួលកណ្តាលទ្រូវផ្លូវនេះ ក៏ឧស្សាហ៍បង្កគ្រោះថ្នាក់ចរាចរណ៍ទៅដល់អ្នកធ្វើដំំណើរជាបន្តបន្ទាប់ផងដែរ។ ដោយមិនចង់ជួបនូវបញ្ហានេះ បងប្អូនប្រជាពលរដ្ឋរស់នៅភូមិច្បារមន ឃុំកុមារាជា ស្រុកបាទី សូមសំណូមពរអាជ្ញាធរស្រុកបាទី ជាពិសេសរដ្ឋបាលសាលាខេត្តតាកែវ មេត្តាជួយជួសជុល ស្ថាបនា កាយ ឬកៀរ ឲ្យបានល្អស្អាតឡើងវិញ ដើម្បីសោភ័ណ្ឌផង ​និងដើម្បីសុខសុវត្ថិភាពសម្រាប់​អ្នកធ្វើដំណើរ​ទូទៅផងដែរ។

ពាក់ព័ន្ធបញ្ហានេះ លោក ណុប នី ប្រធានមន្ទីរសាធារណការ និងដឹកជញ្ជូន ខេត្តតាកែវ ប្រាប់ឲ្យដឹងថា ផ្លូវនេះ គឺជាគម្រោងអភិវឌ្ឍន៍របស់ក្រសួងអភិវឌ្ឍន៏ជនបទ។ ចំណែកលោក លីវ សំណាង ប្រធានមន្ទីរ​អភិវឌ្ឍន៍ជនបទ ខេត្តតាកែវ បានប្រាប់ឲ្យដឹងដែរថា ផ្លូវនេះកសាង និងដេញថ្លៃដោយធនាគារអភិវឌ្ឍន៍ជនបទ ​បន្ទាប់ពីសង់ផ្លូវនេះ គេបានប្រគល់ឲ្យមន្ទីរអភិវឌ្ឍន៍ជនបទខេត្ត ជាអ្នកគ្រប់គ្រង ​និងថែទាំ។ ​ម្យ៉ាងទៀត ផ្លូវវនេះខូចខាតជាទម្ងន់ដោយសារតែមានរថយន្តដឹកស៊ីម៉ង់ត៍ ដឹកដែក ដែលគេចពីកន្លែងថ្លឹងរថយន្តនៅផ្លូវជាតិលេខ ៣ មកឆ្លងកាត់ផ្លូវនេះ ហើយក៏បណ្ដាលមកពីការរថយន្តដឹកគ្រូសធុនធ្ងន់ផងដែរ។

បើតាមលោក លីវ សំណាង មន្ទីរអភិវឌ្ឍន៍ជនបទខេត្តតាកែវ មានគម្រោងជួសជុលផ្លូវនេះក្នុងពេលឆាប់ៗខាងមុខនេះ។ ដោយឡែកលោក ភួន ឈីម អភិបាលស្រុកបាទី ប្រាប់ថា លោកអភិបាលខេត្តតាកែវ បានធ្វើការណែនាំអាជ្ញាធរស្រុកបាទី ឲ្យចុះមកឈូសឆាយកន្លែងខូចខាតឲ្យរាបស្មើមួយរយ:សិន ទម្រាំមន្ទីរអភិវឌ្ឍន៍ជនបទចុះមកជួសជុលទាំងស្រុង៕

អត្ថបទ ៖ រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៩ នាទីutes មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង២ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

ព័ត៌មានអន្ដរជាតិ៣ ម៉ោង មុន

ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់

ព័ត៌មានជាតិ៣ ម៉ោង មុន

ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន

ព័ត៌មានអន្ដរជាតិ៤ ម៉ោង មុន

​តំបន់​ទេសចរណ៍​ល្បី​​ «បឹង Inle» នៅ​មីយ៉ាន់​ម៉ា មាន​​អ្នកស្លាប់​កើន​ដល់៨៩​នាក់​ក្នុងគ្រោះរញ្ជួយដី​​

Sokha Hotels

ព័ត៌មានពេញនិយម