ព័ត៌មានជាតិ

សម្ដេចតេជោ ហ៊ុន សែន នឹងអញ្ជើញមកដល់ប្រទេសកម្ពុជា នាល្ងាចនេះ

បានផុស

១ ខែ មុន

នៅ

ថ្ងៃអាទិត្យ ១៥ ឧសភា ២០២២

ដោយ

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាននិងកំពុងអញ្ជើញដឹកនាំគណៈប្រតិភូជាន់ខ្ពស់កម្ពុជា ចាកចេញពីរដ្ឋធានីវ៉ាស៊ីនតោន សហរដ្ឋអាមេរិកហើយ បន្ទាប់ពីចប់កិច្ចប្រជុំកំពូលពិសេសអាស៊ាន-សហរដ្ឋអាមេរិក ហើយបើតាមគម្រោង សម្ដេច នឹងមកដល់នៅវេលាម៉ោង ៤ រសៀល ថ្ងៃទី ១៥ ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនចាកចេញពីទីក្រុងវ៉ាស៊ីនតោន សម្ដេចតេជោ ហ៊ុន សែន បានថ្លែងសារទៅកាន់ប្រជាពលរដ្ឋដែលរស់នៅសហរដ្ឋអាមេរិក និងកាណាដា ដែលអញ្ជើញមកជួបសំណេះសំណាលជាមួយ សម្ដេច ផងដែរ ដោយ សម្ដេច បានសរសើរពួកគាត់ដែលមិនតបតចំពោះក្រុមប្រឆាំងជ្រុលនិយមដែលតែងតែបង្កហេតុ ហើយបើទោះបីជាមានឧប្បត្តិហេតុកើតឡើងក៏ដោយ ពួកគាត់បានរក្សាភាពស្ងៀមស្ងាត់ រក្សាភាពអត់ធ្មត់ តាមការអំពាវនាវរបស់សម្ដេច។

ជាមួយគ្នានោះ សម្ដេចនាយករដ្ឋមន្ត្រី បានអំពាវនាវឲ្យប្រជាពលរដ្ឋអត់ធ្មត់តទៅទៀត ជាមួយនឹងសកម្មភាពញុះញង់ ដែលជាឥរិយាបថជ្រុលនិយមរបស់ក្រុមប្រឆាំង ដែលបង្ហាញនូវអំពើហិង្សាជ្រុលនិយមទាំងនោះ៕

អត្ថបទ ៖ កោះកែវ