ព័ត៌មានជាតិ

ស្ត្រីជាកសិករម្នាក់រស់នៅស្រុកទ្រាំង ខេត្តតាកែវ ត្រូវរង្វាន់ ១០០ លានរៀល ពីភេសជ្ជៈប៉ូវកម្លាំង ខារ៉ាបាវ

បានផុស

២ years មុន

នៅ

ថ្ងៃសុក្រ ២០ ឧសភា ២០២២

ដោយ

បន្ទាប់ពីបានចុះប្រគល់ទឹកប្រាក់រង្វាន់ធំដល់អតិថិជនម្នាក់រស់នៅក្បែរភ្នំនាងកង្រី ខេត្តកំពង់ឆ្នាំងកាលពីពេលកន្លងទៅនោះ នៅដើមសប្ដាហ៍នេះ ក្រុមហ៊ុន ខារ៉ាបាវ បានបន្តរកឃើញអ្នកដែលមានសំណាងបានឈ្នះទឹកប្រាក់រង្វាន់ ១០០ លានរៀលម្នាក់ទៀតហើយ មានឈ្មោះ ហួន អុន ភេទស្រី អាយុ ៤៤ ឆ្នាំ ជាកសិករ រស់នៅភូមិក្រាំងត្នោត ឃុំសន្លុង ស្រុកទ្រាំង ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងដំណើរចុះប្រគល់រង្វាន់ធំនូវទឹកប្រាក់សុទ្ធ ១០០ លានរៀលដល់លំនៅដ្ឋាន អ្នកស្រី ហួន អុន បានប្រាប់ឱ្យដឹងថា បច្ចុប្បន្ននេះចំពោះកម្រិតជីវភាពគ្រួសាររបស់អ្នកស្រី គឺមានភាពខ្សត់ខ្សោយ ព្រោះគ្មានមុខរបរអ្វីក្រៅពីធ្វើស្រែក្នុងមួយឆ្នាំបានប្រមូលផលតែម្ដង រួមជាមួយនឹងចំណូលដែលទទួលបានពីកូនប្រុសទៅស៊ីឈ្នួលបើករថយន្តឱ្យគេនៅរាជធានីភ្នំពេញតែបន្តិចបន្តួចប៉ុណ្ណោះ ហើយអ្វីដែលសំខាន់ គឺនៅមានជាប់បំណុលធនាគារឯកជនថែមទៀតផង។

អ្នកស្រីបានបន្តឱ្យដឹងថា សម្រាប់ការត្រូវរង្វាន់ធំរបស់ភេសជ្ជៈប៉ូវកម្លាំង ខារ៉ាបាវ នូវទឹកប្រាក់ ១០០ លានរៀលនៅពេលនេះ គឺជារឿងដែលមិននឹកស្មានដល់នោះទេ ខណៈដែលកាលពីសប្ដាហ៍មុនក្រោយពេលវិលត្រឡប់មកពីច្រូតស្មៅឱ្យគោដូចសព្វដង អ្នកស្រីបានទិញភេសជ្ជៈប៉ូវកម្លាំង ខារ៉ាបាវ ចំនួនមួយកំប៉ុង លុះពេលមកដល់ផ្ទះគាស់បម្រុងនឹងទទួលទានក៏ស្រាប់តែឃើញមានរង្វាន់តែម្ដង។ ភ្លាមនោះអ្នកស្រីមិនបានដឹងថា ជារង្វាន់អ្វីនោះទេ ព្រោះមិនចេះអក្សរក៏រក្សាទុករង់ចាំកូនមកពីសាលារៀនវិញជួយមើលទើបដឹងថា ត្រូវរង្វាន់ធំ ១០០ លានរៀល ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងក្រវិលកំប៉ុងតែម្ដង។

អ្នកស្រី ហួន អុន បានបញ្ជាក់ថា គ្រាន់តែដឹងថា ត្រូវរង្វាន់ ១០០ លានរៀលភ្លាម ពិតជាមានអារម្មណ៍រីករាយ រំភើបជាខ្លាំង ហើយក៏ស្រែកប្រាប់ប្ដី និងកូនស្រី ហើយទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងក្រវិលកំប៉ុង។ ក្រោយទទួលបានប្រាក់រង្វាន់ទាំងនេះ អ្នកស្រីនឹងយកមួយចំនួនសងបំណុលធនាគារ និងចែករំលែកមួយចំនួនទៅឱ្យកូនស្រីដែលកំពុងមានជីវភាពខ្វះខាត ហើយទុកមួយចំណែកទៀតសម្រាប់បង្កើតមុខរបរគ្រាន់ទំនុកបម្រុងជីវភាពគ្រួសារទៅថ្ងៃអនាគត។

ជាចុងក្រោយ អ្នកស្រី ហួន អុន ក៏បានថ្លែងអំណរគុណចំពោះក្រុមហ៊ុនភេសជ្ជៈប៉ូវកម្លាំង ខារ៉ាបាវ ដែលបានបង្កើតកម្មវិធីផ្តល់រង្វាន់នូវទឹកប្រាក់យ៉ាងច្រើនសន្ធឹកសន្ធាប់ និងជួយកែប្រែនូវជីវភាពគ្រួសារដែលធ្លាប់តែក្រលំបាកឱ្យមកជាល្អប្រសើរនៅពេលនេះ៕