ព័ត៌មានជាតិ

មហាជនរិះគន់ផ្ទះមួយដាក់រូបវីរបុរសខ្មែរលើរបងផ្ទះ

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

Sorn Phanith

មហាជនក៏ដូចជាអ្នកធ្វើដំណើរ បានរិះគន់ទៅម្ចាស់ផ្ទះមួយ ដែលឆ្លាក់រូបវីរបុរសខ្មែរនៅរបងផ្ទះទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាជនបាននិយាយថា រូបដែលគេឆ្លាក់យកមកដាក់នៅរបងផ្ទះនេះ គឺស្ថិតនៅតាមបណ្តោយផ្លូវជាតិលេខ១ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ អ្នកនិយមហាត់ប្រាណម្នាក់ បាននិយាយថា មិនគួរណាម្ចាស់ផ្ទះខាងលើឆ្លាក់រូបសំណាកវីរបុរសខ្មែរ ដែលជាទីគោរពមកដាក់នៅរបងផ្ទះ ព្រៀបដូចជាសន្តិសុខយាមផ្ទះទៅវិញ។ បុរសនោះបន្តនិយាយថា ខ្ញុំមិនមែនទើសទេ តែខ្ញុំមិនយល់ ហេតុអ្វីបានជាគេសាងសង់របងផ្ទះបែរជាដាក់រូបព្រះសិរសាព្រះបាទជ័យវរ្ម័នទី៧មួយចំហៀង ហើយមួយចំហៀងទៀត គឺព្រះសិរសាសម្តេចព្រះសង្ឃរាជ ជួន ណាត ទៅវិញ។

អ្នកដែលឃើញរូបភាពនេះបាននិយាយថា បើសិនជាម្ចាស់ផ្ទះចង់គោរពប្រតិបត្តិគួរដាក់តាំងក្នុងផ្ទះពិតជាប្រពៃណាស់។ មិនគួរយករូបវីរបុរសខ្មែរមកដាក់នៅរបងផ្ទះ ហាក់ដូចជាដាក់សម្រាប់យាមផ្ទះនោះទេ។ ទាក់ទិននិងរូបភាពបែបមិនសមភ្នែកទៅលើមហាជនបែបនេះ កម្ពុជាថ្មីបានរាយការណ៍ជូនទៅអាជ្ញាធរដែនដីកាលពីថ្ងៃទី២២ខែតុលានេះ ប៉ុន្តែពុំមានការឆ្លើយតបមកវិញទេ។ ចំពោះរូបភាពបែបនេះ មហាជនស្នើសុំទៅអ្នកទទួលខុសត្រូវគួរពិភាក្សាទៅម្ចាស់ផ្ទះគួរបញ្ឈប់ដាក់រូបសំណាកវីរបុរសខ្មែរ នៅតាមរបងផ្ទះបែបនេះទៅ ព្រោះមិនសាកសមទាល់តែសោះ ហើយមហាជនរង់ចាំមើលថា តើអាចស្ថាប័នរដ្ឋលោកយល់យ៉ាងដូចម្តេចដែរ ចំពោះសកម្មភាពបែបនេះ៕