ព័ត៌មានជាតិ
វគ្គបណ្ដុះបណ្ដាលមូលដ្ឋានគ្រឹះ ការសរសេរព័ត៌មាន រៀបចំដោយក្លិបអ្នកកាសែតកម្ពុជា ចាប់ផ្ដើមសប្ដាហ៍ទី ១
នៅព្រឹកថ្ងៃសៅរ៍ ទី១៨ ខែមិថុនា ឆ្នាំ២០២២នេះ ជាព្រឹកថ្ងៃទី១ សប្តាហ៍ទី១ នៃវគ្គបណ្តុះបណ្តាលមូលដ្ឋានគ្រឹះការសរសេរព័ត៌មានរៀបចំដោយក្លិបអ្នកកាសែតកម្ពុជា (ក.អ.ក) ដែលមានសក្ខាកាមជាអ្នកសារព័ត៌មាន និងជានិស្សិត សរុបជាង៥០នាក់ បានចូលរៀនក្នុងវគ្គនេះ។
វាគ្មិនដំបូងនៅសប្តាហ៍ទី១នេះ លោក ប៉ែន បូណា និពន្ធនាយកទូរទស្សន៍ PNN បានធ្វើបទបង្ហាញពីការយល់ដឹងអំពីចិត្តសាស្ត្រមនុស្សនិងព័ត៌មាន និងរូបមន្តក្នុងការសរសេរព័ត៌មានខ្លី វាគ្មិនទី២ លោក ទាវ សារមុនី និពន្ធនាយកកាសែតរស្មីកម្ពុជា បានធ្វើបទបង្ហាញពីការយល់ដឹងអំពីប្រភពព័ត៌មាន និងការផ្ទៀងផ្ទាត់ប្រភពព័ត៌មាន។
វគ្គបណ្តុះបណ្តាល នេះនឹងធ្វើឡើងរៀងរាល់ព្រឹកថ្ងៃសៅរ៍ និងមានរយៈពេល ៧ សប្ដាហ៍ ដោយចាប់ផ្តើមពីថ្ងៃទី ១៨ ខែមិថុនា ឆ្នាំ២០២២នេះ តទៅ ដោយមានគ្រូបណ្ដុះបណ្ដាល សុទ្ធសឹងជាអ្នកដែលមានកេរ្តិ៍ឈ្មោះ និងបទពិសោធន៍ចាស់វស្សាក្នុងវិស័យសារព័ត៌មាន។
ក.អ.ក សង្កេតឃើញថា វិស័យសារព័ត៌មាននៅកម្ពុជាមានកាកើនឡើងគួរឲ្យកត់សម្គាល់ ដែលធ្វើឲ្យចំនួនអ្នកប្រកបអាជីពជាអ្នកសារព័ត៌មានក៏កាន់តែមានចំនួនច្រើនឡើងៗ។ ទន្ទឹមនឹងនេះ ក៏មានយុវ័យមួយចំនួនបានបង្ហាញបំណងចង់ក្លាយជាអ្នកសារព័ត៌មានអាជីព។ ក្លិបអ្នកកាសែតកម្ពុជាក៏ទទួលបានសំណូមពរពីសហការីយើងជាច្រើនឲ្យក្លិបបន្តបើកវគ្គបណ្តុះបណ្តាលអ្នកសារព័ត៌មានបន្ថែមទៀត។
ដើម្បីឆ្លើយតបនឹងសំណូមពរ ក៏ដូចជាសេចក្តីត្រូវការនៃវិស័យសារព័ត៌មាន ក.អ.ក ក៏បានសម្រេចរៀបចំវគ្គបណ្តុះបណ្តាលអំពីមូលដ្ឋានគ្រឹះនៃការសរសេរព័ត៌មាននេះ ដើម្បីផ្តល់ឱកាសឲ្យអ្នកសារព័ត៌មាន ដែលចង់បង្កើនសមត្ថភាពលើការសរសេរព័ត៌មានឲ្យកាន់តែច្បាស់លាស់ រួមទាំងអ្នកដែលធ្វើការក្នុងវិស័យនេះយូរហើយតែមិនទាន់បានឆ្លងកាត់វគ្គសិក្សាផ្នែកសរសេរ និងរាយការណ៍ព័ត៌មាន៕
ចុចអាន៖ឱកាសទទួលចំណេះដឹងផ្នែកសរសេរព័ត៌មាន ពិសេសអ្នកចង់ក្លាយជាអ្នកកាសែតអាជីព
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង