Connect with us

ព័ត៌មានជាតិ

លោក ឈាង វុន ៖ រាជរដ្ឋាភិបាលកម្ពុជា បានផ្ដួចផ្ដើមរៀបចំ និងអនុវត្តកំណែទម្រង់ជាតិជាច្រើនរួចមកហើយ

បានផុស

នៅ

លោក ឈាង វុន ប្រធានគណៈកម្មការទី ២ នៃរដ្ឋសភា បានលើកឡើងថា រាជរដ្ឋាភិបាលកម្ពុជា បានផ្ដួចផ្ដើមរៀបចំ និងអនុវត្តកំណែទម្រង់ជាតិជាច្រើនរួចមកហើយ នៅក្នុងវិស័យសាធារណៈ ជាពិសេសកម្មវិធីកំណែទម្រង់គ្រប់គ្រងហិរញ្ញវត្ថុសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ​ បានធ្វើឡើងគ្រាដែលអង្គការសង្គមស៊ីវិលជាតិ និងអន្តរជាតិប្រមាណ ២០ស្ថាប័ន នៅថ្ងៃទី ២៣ ខែមិថុនា ឆ្នាំ ២០២២នេះ បានរួមគ្នារៀបចំវេទិកាសាធារណៈថ្នាក់ជាតិ ស្ដីពី ការចូលរួមរបស់ពលរដ្ឋ ក្នុងដំណើការនៃការកសាងផែនការថវិកា និងការតាមដានចំណូលចំណាយថវិកាសាធារណៈ ក្នុងបរិបទក្រោយកូវីដ-១៩។ វេទិកានេះ ត្រូវបានរៀបចំឡើងដោយមានការចូលរួម ពីសំណាក់មន្ត្រីជំនាញនៃគណៈកម្មាការទី ២ នៃរដ្ឋសភា ដែលដឹកនាំដោយលោក ឈាង វុន។

លោកបណ្ឌិត តឹក វណ្ណារ៉ា នាយកប្រតិបត្តិវេទិកា នៃអង្គការមិនមែនរដ្ឋាភិបាលស្ដីពីកម្ពុជា បានឲ្យដឹងថា វេទិកាសាធារណៈនេះ រៀបចំឡើងក្នុងគោលបំណងចំនួន ៣ធំៗគឺ ទីមួយបង្កើនការយល់ដឹង និងលើកកម្ពស់ការចូលរួម របស់សាធារណជនទៅលើតម្លាភាព និងគណនេយ្យភាពថវិកា រួមទាំងដំណើរការនៃការរៀបចំផែនការថវិកា និងការអនុវត្តផែនការថវិកានៅថ្នាក់ជាតិ និងថ្នាក់ក្រោមជាតិ។

ទីពីរ គឺដើម្បីផ្តល់ឱកាសដល់អ្នកបង់ពន្ធរួមទាំងយុវជន សង្គមស៊ីវិល/អង្គការមិនមែនរដ្ឋាភិបាល ជួបជជែកពិភាក្សាជាមួយក្រសួងពាក់ព័ន្ធ និងអ្នកធ្វើគោលនយោបាយនានា សំដៅឆ្ពោះទៅបង្កើនការចូលរួមជាសាធារណៈ នៅក្នុងវដ្តនៃដំណើរការរៀបចំផែនការថវិកាថ្នាក់ជាតិ និងថ្នាក់ក្រោមជាតិ។

គោលបំណងទីបី គឺផ្តល់ឱកាសដល់អ្នកបង់ពន្ធពិសេសយុវជន និងសង្គមស៊ីវិល ផ្តល់នូវធាតុចូលជូនក្រសួងពាក់ព័ន្ធ និងអ្នកធ្វើគោលនយោបាយនានា សំដៅធ្វើឲ្យប្រសើរឡើងនូវតម្លាភាព និងគណ​នេយ្យភាពថវិកាជាតិ ការបញ្រ្ជាប យេនឌ័រ គោលការណ៍បរិយាប័ន្ន និងជម្រើសផ្សេងទៀតដើម្បីលើកកម្ពស់ប្រសិទ្ធភាពផែនការថវិកាថ្នាក់ជាតិ និងថ្នាក់ក្រោមជាតិ។

លោក ឈាង វុន ប្រធានគណៈកម្មាការទី ២ នៃរដ្ឋសភា បានលើកឡើងនៅក្នុងវេទិការសាធារណៈថ្នាក់ជាតិនេះដែរថា រាជរដ្ឋាភិបាលកម្ពុជា បានផ្ដួចផ្ដើមរៀបចំ និងអនុវត្តកំណែទម្រង់ជាតិជាច្រើនរួចមកហើយ នៅក្នុងវិស័យសាធារណៈ ជាពិសេសកម្មវិធីកំណែទម្រង់គ្រប់គ្រងហិរញ្ញវត្ថុសាធារណៈ កម្មវិធីជាតិ នៃកំណែទម្រង់រដ្ឋបាលសាធារណៈ និងកម្មវិធីកំណែទម្រង់សម្រាប់ការអភិវឌ្ឍ ប្រកបដោយចីរភាពនៅកម្រិតថ្នាក់ជាតិ និងថ្នាក់ក្រោមជាតិ។

លោកបន្ថែមថា ការរៀបចំ និងការអនុវត្តគម្រោងថវិកា និងផែនការយុទ្ធសាស្រ្តក្រសួង និងស្ថាប័ន​នីមួយៗ ចាំបាច់ត្រូវរៀបចំប្រកបដោយប្រសិទ្ធភាព និងគណនេយ្យភាព ខណៈឆ្នាំ ២០១៩ និងឆ្នាំ ២០២០ គឺជាពេលវេលាដ៏លំបាកក្នុងការអនុវត្តកម្មវិធី និងការកែទម្រង់ហិរញ្ញវត្ថុសាធារណៈ ដោយ​សារបញ្ហាកូវីដ-១៩។

លោកបញ្ជាក់ថា គោលដៅចម្បងនៃកម្មវីធីការកែទម្រង់ និងការគ្រប់គ្រងហិរញ្ញវត្ថុសាធារណៈ គឺជាការប្រែក្លាយ ប្រព័ន្ធគ្រប់គ្រងហិរញ្ញវត្ថុសាធារណៈនៅកម្ពុជា ឲ្យទៅជាប្រព័ន្ធគ្រប់គ្រងហិរញ្ញវត្ថុសាធារណៈស្របទៅនឹងការអនុវត្តជាអន្តរជាតិ ខណៈដែលការកម្មវិធីកំណែទម្រង់នេះ ត្រូវបានរៀបចំឡើងជាការកែទម្រង់សម្រាប់រយៈពេលវែង។

លោកស្រី សុខ ច័ន្ទឆវី តំណាងនាយិការរបស់អង្គការអ័ក្សហ្វាមប្រចាំកម្ពុជា ក៏បានឲ្យដឹងដែរថា ការអភិវឌ្ឍប្រកបដោយចីរភាព និងប្រកបដោយបរិយាប័ន្ន គឺត្រូវការការចូលរួមពីអ្នកពាក់ព័ន្ធ ដែលក្នុងនោះ មានរាជរដ្ឋាភិបាល អង្គការសង្គមស៊ីវិល ប្រជាពលរដ្ឋ វិស័យឯកជន រួមជាមួយនឹងអង្គការជាតិ និងអន្តរជាតិ ដើម្បីធ្វើការដោះស្រាយបញ្ហា ដែលជាតម្រូវការចាំបាច់របស់ពលរដ្ឋទូទៅ។

លោកស្រីបន្ថែមថា អង្គការអ័ក្សហ្វាម នឹងបន្តកិច្ចសហការជាមួយដៃគូ ជាពិសេសត្រៀមខ្លួនជាស្រេចជាមួយរាជរដ្ឋាភិ បាល ក្នុងការរួមចំណែក និងអនុវត្តនូវកម្មវិធីកំណែទម្រង់នានា ដើម្បីសម្រេចបាននូវចក្ខុវិស័យ និងការកាត់បន្ថយវិសមភាពសង្គម វិសមភាពសេដ្ឋកិច្ច និងវិសមភាពយេនឌ័រ សម្រាប់កម្ពុជាផងដែរ៕

អត្ថបទ៖ លន់ សេនី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

ព័ត៌មានជាតិ៧ នាទី មុន

លោក លី ធុជ ចូលប្រជុំនៅស្វីស ដើម្បីសម្រេចគោលដៅអាទិភាព ពេលកម្ពុជារៀបចំកិច្ចប្រជុំស្ដីពីពិភពលោកគ្មានមីន

ព័ត៌មានជាតិ១ ម៉ោង មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ១ ម៉ោង មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

កីឡា២ ម៉ោង មុន

មុនប៉ះបឹងកេតថ្ងៃអាទិត្យនេះ ភ្នំពេញក្រោនមិនទាន់ចាញ់ក្នុងជើងទី២

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម