ព័ត៌មានជាតិ

ភ្ញៀវទេសចរចិន ជាប់ចំណាត់ថ្នាក់លេខ១នៅខេត្តសៀមរាប សម្រាប់រយៈពេល៥ខែដើមឆ្នាំនេះ

បានផុស

៣ years មុន

នៅ

ថ្ងៃសុក្រ ២៤ មិថុនា ២០២២

ដោយ

សៀមរាប ៖ លោក ង៉ូវ សេងកាក់ ប្រធានមន្ទីរទេសចរណ៍សៀមរាប បានឲ្យដឹងថា សម្រាប់រយៈពេល៥ ខែ ដើមឆ្នាំ២០២២នេះ ភ្ញៀវទេសចរជនជាតិចិន មានចំនួនច្រើនជាងគេ ដែលបានទៅកម្សាន្តនៅខេត្តសៀមរាប បន្ទាប់មក គឺភ្ញៀវទេសចរជនជាតិបារាំង បន្ទាប់មកអង់គ្លេស ហើយអាមេរិកអាមេរិក ជាប់ចំណាត់ថ្នាក់លេខ៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ពីមន្ទីរទេសចរណ៍សៀមរាបបានបញ្ជាក់ថា ទី១- ភ្ញៀវទេសចរជនជាតិចិន មានចំនួន៧.៧៨៩នាក់ ស្មើ ១៧,០១ ភាគរយ កើន១៧២,៣៤ ភាគរយ ធៀបនឺងឆ្នាំ២០២១ ដែលមាន២.៨៦០ នាក់ ។ ទី២- ភ្ញៀវទេសចរជនជាតិបារាំង មានចំនួន៦.៤០០នាក់ ស្មើ១៣,៩៨ ភាគរយ កើន ១៩៣៨,២២ ភាគរយ ធៀបនឹងឆ្នាំ២០២១ ដែលមានចំនួន៣១៤ នាក់។ ទី៣- ភ្ញៀវទេសចរជនជាតិអង់គ្លេស មានចំនួន៤.៣១១នាក់ ស្មើ៩,៤២ ភាគរយ កើន ៤៨៥៥,១៧ ភាគរយ ធៀបនឹងឆ្នាំ២០២១ ដែលមានចំនួន៨៧ នាក់ ។

៤- ភ្ញៀវទេសចរជនជាតិអាមេរិក មានចំនួន៤.០១៦ នាក់ ស្មើ៨,៧៧ ភាគរយ កើន១៧៣៣,៧៩ ភាគរយ ធៀបនឹងឆ្នាំ២០២១ ដែលមានចំនួន២១៩ នាក់។ ទី៥- ភ្ញៀវទេសចរជនជាតិអាឡឺម៉ង់ មានចំនួន២.៦៦១ នាក់ ស្មើ៥,៨១ភាគរយ កើន ៤៨២៧,៧៨ ភាគរយ ធៀបនិងឆ្នាំ២០២១ ដែលមាន៥៤ នាក់ ។ ទី៦- ភ្ញៀវទេសចរជនជាតិវៀតណាម២.៣៧៤នាក់ ស្មើ ៥,១៩ ភាគរយ កើន២៣៩៨,៩៥ ភាគរយ ធៀបនិងឆ្នាំ២០២១ ដែលមានចំនួន៩៥ នាក់។ ទី៧- ភ្ញៀវទេសចរ សឹង្ហបុរី មានចំនួន១.៦៤៣ នាក់ ស្មើ ៣,៥៩ ភាគរយ កើន៥២០០,០០ ភាគរយ ធៀបនឹងឆ្នាំ២០២១ មានចំនួន៣១ នាក់ ។ ទី៨- ភ្ញៀវទេសចរ អូស្ត្រាលី មានចំនួន១.៥៤៦ នាក់ ស្មើ៣,៣៨ ភាគរយ កើន៣០៥៥,១០% ធៀបនិងឆ្នាំ២០២១ មានចំនួន៤៩ នាក់។ ទី៩- ភ្ញៀវទេសចរជនជាតិឥណ្ឌា មានចំនួន១.២៨២ នាក់ ស្មើ២,៨០ ភាគរយ កើន ៧៤៩,០១ ភាគរយ ធៀបនឹងឆ្នាំ២០២១ មានចំនួន១៥១ នាក់។ ទី១០- ភ្ញៀវទេសចរជនជាតិ កូរ៉េ មានចំនួន១.១០១ នាក់ ស្មើ២,៤១ ភាគរយ កើន ៥៥៩, ២៨ ភាគរយ ធៀបនឹងឆ្នាំ២០២១ មានចំនួន១៦៧ នាក់។

គួររំលឹកថា ការកើនឡើងនៃភ្ញៀវ នៃទេសចរណ៍គ្រប់ជាតិសាសន៍មកកាន់ព្រះរាជាណាចក្រកម្ពុជានេះ បានកើតឡើងបន្ទាប់ពីរាជរដ្ឋាភិបាលកម្ពុជា បានដាក់ចេញនូវយុទ្ធសាស្ត្រចាក់វ៉ាក់សាំងជូនប្រជាពលរដ្ឋបានឆាប់រហ័ស ដែលធ្វើឲ្យការរីករាលដាលនៃជំងឺកូវីដ១៩ បានធ្លាក់ចុះយ៉ាងលឿន ហើយរាជរដ្ឋាភិបាលក៏បានឈានទៅបើកប្រទេសឡើងវិញលើគ្រប់វិស័យ ក្នុងនោះក៏មានវិស័យទេសចរណ៍ផងដែរ ដែលក្នុងនោះ ភ្ញៀវទេសចរដែលបានចាក់វ៉ាក់សាំងពេញលេញ អាចធ្វើដំណើរចូលមកប្រទេសកម្ពុជា ដោយមិនបាច់ធ្វើតេស្ត ឬធ្វើចត្តាឡីស័កឡើយ៕

ដោយ ៖ កោះកែវ