ព័ត៌មានជាតិ

អតីតមូលដ្ឋានទ័ពខ្មែរក្រហម បង្កើតវិទ្យាល័យមួយទៀត សម្រួលសិស្សឆ្ងាយជិតបានចូលរៀន

បានផុស

៤ years មុន

នៅ

ថ្ងៃចន្ទ ២៧ មិថុនា ២០២២

ដោយ

អតីតតំបន់មូលដ្ឋានខ្មែរក្រហមនៅស្រុកឱរ៉ាល់ បានបង្កើតវិទ្យាល័យថ្មីមួយទៀតដើម្បីបង្ខិតសេវាអប់រំមកកៀកមូលដ្ឋានរបស់ប្រជាពលរដ្ឋ។

លោក ថន ថារិន ប្រធានមន្ទីរអប់រំ យុវជននិងកីឡាខេត្តកំពង់ស្ពឺប្រាប់កម្ពុជាថ្មីតាមទូរសព្ទថា នៅខេត្តកំពង់ស្ពឺមានវិទ្យាល័យ ២៥ កន្លែង។ ដោយឡែកស្រុកឱរ៉ាល់ មានវិទ្យាល័យតែមួយកន្លែង ខណៈភូមិសាស្រ្តស្រុកអតីតមូលដ្ឋានរបស់ទ័ពខ្មែរក្រហមនៅឆ្ងាយខ្វះខាតសាលារៀន។

លោកបន្តថា វិទ្យាល័យបន្ទាយប្រណាក ដែលបង្កើតថ្មីនឹងដើរតួនាទីយ៉ាងសំខាន់ ក្នុងការកាត់បន្ថយអត្រាបោះបង់ចោលការសិក្សារបស់សិស្សានុសិស្សនៅក្នុងតំបន់។

បើតាមលោកប្រធានមន្ទីរ វិទ្យាល័យបន្ទាយប្រណាក ទើបបើកដំណើរការឆ្នាំសិក្សាថ្មី ២០២១-២០២២ នេះទេ ហើយកន្លងទៅក៏មានការជួយគាំទ្រពីសប្បុរសជនក្នុងការសាងសង់អគារសិក្សាមួយចំនួន។

បើតាមឯកសាររបស់មន្ទីរអប់រំ យុវជននិងកីឡាខេត្តកំពង់ស្ពឺ វិទ្យាល័យទាំង ២៥ កន្លែងនៅខេត្តកំពង់ស្ពឺមានឈ្មោះដូចជា៖

ក្រុងច្បារមន

-វិទ្យាល័យកំពង់ស្ពឺ

-វិទ្យាល័យ សុខាផល្លី

ស្រុកឧត្តុង្គ

-វិទ្យាល័យ ហ៊ុន សែន បាត់ដឹង

-វិទ្យាល័យ ប៊ុន រ៉ានី ហ៊ុនសែន ចាន់ថ្នាល់

-វិទ្យាល័យ ឧត្តុង្គ

-វិទ្យាល័យ វាលពង់

ស្រុកថ្ពង

-វិទ្យាល័យ ហ៊ុន សែន អន្លង់ជ្រៃ

-វិទ្យាល័យ ហ៊ុន សែន សំរោង