ព័ត៌មានជាតិ
លោក អ៊ាង សុផល្លែត ផ្តាំផ្ញើបេក្ខជនដែលទើបជាប់ឆ្នោត ត្រូវខិតខំបម្រើប្រជាពលរដ្ឋឲ្យអស់ពីសមត្ថភាព
លោក អ៊ាង សុផល្លែត សមាជិកគណ: កម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកអូររាំងឪ ខេត្តត្បូងឃ្មុំ បានគូសបញ្ជាក់ថា ប្រជាពលរដ្ឋបានជឿទុកចិត្តមកលើការដឹកនាំដ៏ត្រឹមត្រូ វរបស់គណបក្សប្រជាជនកម្ពុជា។ ដូច្នេះសូមបេក្ខជន ដែលទើបជាប់ឆ្នោតសម្រាប់អាណត្តិថ្មីនេះ ត្រូវខិតខំបម្រើពួកគាត់ឲ្យអស់ពីសមត្ថភាព។
លោក អ៊ាង សុផល្លែត លើកឡើងដូច្នេះ ក្នុងឱកាសអញ្ជើញជាអធិបតី ក្នុងកិច្ចប្រជុំបូកសរុបលទ្ធផលការងារបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ របស់គណបក្សប្រជាជនកម្ពុជាស្រុកអូររាំងឪ កាលពីថ្ងៃទី ២៦ ខែមិថុនា ឆ្នាំ ២០២២នេះ។
លោក អ៊ាង សុផល្លែត បន្ថែមថា កាលពីថ្ងៃទី ២៦ ខែមិថុនា ឆ្នាំ ២០២២ គណ:កម្មាធិការជាតិរៀបចំការបោះឆ្នោត បានប្រកាសនូវលទ្ធផលសម្រាប់ការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ ដោយគណបក្សប្រជាជនកម្ពុជា ទទួលបានជ័យជំនៈលើសលប់ ហើយសម្រាប់មូលដ្ឋានស្រុកអូររាំងឪ ខេត្តត្បូងឃ្មុំ ក៏ទទួលបានលទ្ធផលល្អប្រសើរជាងអាណត្តិមុនៗ គួរឱ្យកត់សម្គាល់។
លោកថា ទាំងនេះបានបង្ហាញឲ្យឃើញថា ប្រជាពលរដ្ឋនៅតែបន្តជឿជាក់ ចំពោះថ្នាក់ដឹកនាំគណបក្សប្រជាជនកម្ពុជា និងគោលនយោបាយដឹកនាំច្បាស់លាស់ ក្នុងការនាំប្រទេសកម្ពុជា មានភាពរីកចម្រើន និងការអភិវឌ្ឍ។ លោកក៏បានណែនាំដល់បេក្ខជន ដែលទើបជាប់ឆ្នោតជាមេឃុំ និងក្រុមប្រឹក្សា ត្រូវចេះស្រលាញ់រាប់អានរួបរួមសាមគ្គីគ្នា ដោយកុំប្រកាន់និន្នាការនយោបាយគណបក្ស ព្រោះយើងសុទ្ធតែជាខ្មែរតែមួយ ធ្វើយ៉ាងណារួមគ្នាបម្រើប្រជាពលរដ្ឋ ក្នុងមូលដ្ឋានឲ្យអស់ពីចិត្តពីផ្លើម ឲ្យសាកសមដែលប្រជាពលរដ្ឋផ្តល់សេចក្តីទុកចិត្តឲ្យយើង។
ម្យ៉ាងទៀត ត្រូវយកចិត្តទុកដាក់ចំពោះការផ្តល់សេវាសាធារណៈផ្សេងៗ ការអភិវឌ្ឍមូលដ្ឋានឲ្យកាន់តែរីកចម្រើន ពិសេសពង្រឹងបន្ថែមក្នុងការបង្ក្រាបបទល្មើសគ្រប់ប្រភេទ ពិសេសបញ្ហាគ្រឿងញៀនដែលនាំមកនូវផលប៉ះពាល់ដល់ក្រុមគ្រួសារ និងសង្គមជាតិ ត្រូវតែបង្ក្រាបឲ្យខានតែបាន។
ជាមួយគ្នានោះ លោក អ៊ាង សុផល្លែត ក៏បានថ្លែងនូវការកោតសរសើ រចំពោះថ្នាក់ដឹកនាំចុះមូលដ្ឋានគ្រប់លំដាប់ថ្នាក់ បានខិតខំប្រឹងប្រែងកន្លងមកដែលជាការចូលរួមចំណែក ឲ្យដំណើរការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ របស់គណបក្សប្រជាជនកម្ពុជាស្រុកអូររាំងឪ បានបញ្ចប់ដោយជោគជ័យ និងទទួលបានលទ្ធផលគួរជាទីមោទនៈ ហើយទាំងនេះគឺជាការឈានឆ្ពោះទៅទទួលបានជ័យជំនៈបន្ថែមទៀត ក្នុងការបោះឆ្នោតជ្រើសតាំងតំណាងរាស្រ្តឆ្នាំ ២០២៣ខាងមុខ៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore