ព័ត៌មានជាតិ
លោក ស៊ឹម សុជាតិ៖ ទុរេនលក់នៅលើទីផ្សារ នាំចូលដប់ របស់ខ្មែរតែពីរប៉ុណ្ណោះ
អ្នកលក់ទុរេនប្រកាសក្តែងៗថា ទុរេនរបស់ខ្លួនជាទុរេនខ្មែរពិតៗ នាំយកមកពីចម្ការខេត្តកំពត បាត់ដំបង ពោធិ៍សាត់ ឬកំពង់ចាមជាដើម។ ប៉ុន្តែតម្លៃដែលពួកគេអះអាងថាទុរេនខ្មែរនោះ ១គីឡូលក់ត្រឹមតែ ១ម៉ឺន ៥ពាន់រៀល ទៅ ១ម៉ឺន ៨ពាន់រៀលប៉ុណ្ណោះ។ អ្នកដាំទុរេន បានឱ្យដឹងថា ទុរេនខ្មែរ លក់នៅលើទីផ្សារមិនមានតម្លៃនេះទេ។ យ៉ាងហោចណាស់ ១គីឡូ ២ម៉ឺន ទៅ២ម៉ឺន ៥ពាន់រៀល។
លោក ស៊ឹម សុជាតិ ម្ចាស់ចម្ការបីខេត្ត គឺខេត្តកំពត ពោធិ៍សាត់ និងបាត់ដំបង បានលើកឡើងថា ទុរេនឆ្នាំនេះ បាក់តម្លៃដោយសារឈ្មួញលក់នៅតាមអនឡាញ ក្រឡុកតម្លៃ។ លោកថា ពួកគេនាំចូលទុរេនពីក្រៅប្រទេសប្រមាណ ១តោន ទៅ ២តោន ក្នុងតម្លៃធូរថ្លៃ ៨ពាន់រៀល លាយជាមួយទុរេនខ្មែរ ២០០ ទៅ ៣០០គីឡូ ហើយលក់នៅលើទីផ្សារតម្លៃក្រោម ២ម៉ឺនរៀល។ បើតាមលោក សុជាតិ បានវាយតម្លៃថា នៅលើទីផ្សារបច្ចុប្បន្ន ទុរេនខ្មែរ ២ ទុរេននាំចូល ១០ ទៅហើយ។
«ទុរេនខ្មែរ ទុកមិនបានយូរត្រឹមបីថ្ងៃខូចហើយ មិនដូចទុរេននាំចូលពីក្រៅប្រទេស អាចទុកបានរយៈពេលយូរ មិនស្វិតខូចនោះទេ»។ នេះជាការបន្ថែមរបស់លោក ស៊ឹម សុជាតិ។
អ្នកជំនាញបច្ចេកទេសដាំទុរេនរូបនេះ បានឱ្យដឹងទៀតថា ទុរេនខ្មែរ នឹងប្រមូលផលអស់នៅចុងខែ កក្កដានេះ។ លោកបន្ថែមថា ឆ្នាំនេះទិន្នផលទុរេនធ្លាក់ចុះ បើធៀបនឹងឆ្នាំមុន ដោយសារបញ្ហាអាកាសធាតុ។ ចំពោះបច្ចេក ឬរបៀបក្នុងការមើលទូរេនខ្មែរ ឬទុរេននាំចូលពីក្រៅប្រទេស នឹងមានលម្អិតនៅអត្ថបទក្រោយ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?