ព័ត៌មានជាតិ
ក្រសួង៖ ទូរស័ព្ទគ្មានសេវាដោយសារកំណើននៃការប្រើប្រាស់ទូរសព្ទចល័តយ៉ាងគំហុក
ក្រសួងប្រៃសណីយ៍ និងទូរគមនាគមន៍ បង្ហាញមូលហេតុមួយចំនួនដែលបណ្តាលឲ្យគុណភាពសេវា ទូរស័ព្ទចល័តមានភាពរអាក់រអួល ឬគ្មានសេវា។ ក្រសួងបញ្ជាក់ថា បញ្ហារអាក់រអួលលើសេវាទូរស័ព្ទនៅកម្ពុជានេះ គឺបច្ចេកវិទ្យាមិនទាន់ស្របតាមស្តង់ដារ និងការសាងសង់ស្ថានីយអង់តែនបន្ថែមនៅមានកម្រិត។
បើតាមក្រសួងប្រៃសណីយ៍ ទោះបីជាមានកិច្ចខិតខំប្រឹងប្រែងរបស់ក្រសួងសម្រាប់ការកែទម្រង់ស៊ីជម្រៅតាមរយៈការដាក់ចេញយន្តការ និងវិធានការនានាលើវិស័យទូរគមនាគមន៍ យ៉ាងណាក៏ដោយ ប៉ុន្តែកិច្ចការមួយចំនួននៅមិនទាន់កែលំអឲ្យបានល្អប្រសើរនៅឡើយទេ ពិសេស បញ្ហាគុណភាពសេវាទូរស័ព្ទចល័ត និងសេវាអ៊ីនធឺណិត។
ជាមួយនឹងបញ្ហានេះ ក្រសួងប្រៃសណីយ៍ និងភាគីពាក់ព័ន្ធ ក៏បានកំណត់មូលហេតុមួយចំនួនដែលបណ្តាលឲ្យគុណភាពសេវាទូរស័ព្ទចល័តរអាក់រអួល ឬដំណើរការមិនបានល្អ ឬគ្មានសេវា គឺដោយសារប្រតិបត្តិករទូរស័ព្ទចល័តមួយចំនួនមិនទាន់ធ្វើទំនើបកម្មលើឧបករណ៍ឲ្យទាន់បច្ចេកវិទ្យាស្របតាមស្តង់ដារ បញ្ហាកំណើនសំណង់អគារខ្ពស់ៗក៏ជាការរារាំងដល់សេវាទូរស័ព្ទ គួបផ្សំនឹងក្នុងពេលដែលប្រតិបត្តិករបាននិងកំពុងបន្តវិនិយោគបន្ថែម ដើម្បីធានាគុណភាពសេវា ក៏មានកំណើនយ៉ាងគំហុកនៃការប្រើប្រាស់សេវាទូរសព្ទចល័តដែរ។
ទន្ទឹមនឹងនេះ ស្ថានីយ៍អង់តែនរបស់ប្រព័ន្ធទូរស័ព្ទចល័តទាំងអស់ ក៏ជាបញ្ហាប្រឈមខ្លាំងដែរ ដោយសមត្ថភាពសាងសង់ស្ថានីយអង់តែនបន្ថែមនៅមានកម្រិតនៅឡើយ។ ក្នុងនោះ ស្ថានីយអង់តែនមួយចំនួនអាចផ្តល់សេវាគ្រប់គ្រាន់ ប៉ុន្តែដើម្បីសន្សំការចំណាយ ប្រតិបត្តិករមួយចំនួនអាចបន្ថយចំណុះសមត្ថភាពនៃឧបករណ៍បញ្ជូន និងទទួលសេវា។ ស្របគ្នានេះដែរ ស្ថានីយអង់តែនជាច្រើនបំពាក់ឧបករណ៍កែច្នៃខុសស្តង់ដាបច្ចេកទេស។
សម្រាប់នៅតាមបណ្តោយផ្លូវជាតិ ឬនៅតាមបណ្តាខេត្ត ស្ថានីយអង់តែនភាគច្រើនត្រូវបានសាងសង់នៅតែតំបន់ទីប្រជុំជន ដោយពុំបានសាងសង់នៅចន្លោះតំបន់ទីប្រជុំជន និងតំបន់ខ្លះប្រជាពលរដ្ឋបានដំឡើងឧបករណ៍បង្កើនកម្លាំងសេវា ឬឧបករណ៍ពង្រីកសេវា ដោយខ្លួនឯង ដែលបណ្តាលឲ្យមានការឆ្លងរំខានសេវានៅតំបន់ជុំវិញរស់នៅ។
បន្ថែមពីនេះ ក្រសួងបញ្ជាក់ដែរថា ឧបសគ្គរារាំងដល់សេវាទូរស័ព្ទចល័តមានភាពរអាក់រអួល គឺការនាំចូលទូរសព្ទមួយទឹកដែលគ្មានគុណភាព និងខុសពីស្តង់ដាបច្ចេកទេស ឬទូរសព្ទក្លែងក្លាយ សេវាទូរស័ព្ទចល័តនៅកម្ពុជាមានតម្លៃទាប ធៀបនឹងតម្លៃសេវាទូរស័ព្ទនៅបណ្តាប្រទេសក្នុងតំបន់ ពិសេសការដាក់ចេញកញ្ចប់ដូរលុយផ្ដល់ចំណុះសមត្ថភាពអ៊ីនធឺណិតច្រើនលើសលុប ធ្វើឲ្យអ្នកប្រើប្រាស់ប្រើដោយសេរីលើសពីតម្រូវការជាក់ស្តែង ជាអាទិ៍ ការមើលវីដេអូតាមយូធូប (YouTube) និងបណ្ដាញសង្គមផ្សេងៗ ការលេងហ្គេមអនឡាញ ការទាញយកទិន្នន័យ និងកំណើននៃការប្រើប្រាស់សេវាអ៊ីនធឺណិតនានា ដែលនាំឲ្យមានភាពកកស្ទះលើសពីចំណុះសមត្ថភាពផ្គត់ផ្គង់ជាដើម៕
អត្ថបទ ៖ ធឿន វ៉ាន់សុង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?