ព័ត៌មានជាតិ
បញ្ហាសិទ្ធិមនុស្សនៅមីយ៉ាន់ម៉ាអាចនឹងលើកឡើងក្នុងកិច្ចប្រជុំអាយឆា
កម្ពុជាធ្វើជាម្ចាស់ផ្ទះរៀបចំកិច្ចប្រជុំពិសេសលើកទី១ ឆ្នាំ២០២២ របស់គណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស (អាយឆា-ICHR) នៅសណ្ឋាគារកាំបូឌីយ៉ាណា រាជធានីភ្នំពេញរយៈពេល៤ ថ្ងៃ ដោយចាប់ពីថ្ងៃទី៣០ ខែកក្កដា ដល់ថ្ងៃទី២ ខែសីហា ឆ្នាំ២០២២។
កិច្ចប្រជុំនេះដឹកនាំដោយលោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី ប្រធានគណៈកម្មាធិការសិទ្ធិមនុស្សកម្ពុជាតំណាងកម្ពុជាប្រចាំ ICHR និងជាប្រធានអាយឆាឆ្នាំ២០២២ ដោយមានការចូលរួមពីតំណាងប្រទេសសមាជិកអាស៊ាន ទាំងអស់ប្រចាំ អាយឆា និងលេខាធិការដ្ឋានអាស៊ានផងដែរ។
លោកជំទាវ អ៊ុច និពន្ធ អគ្គនាយក នៃអគ្គនាយកដ្ឋានរដ្ឋបាល និងបណ្តឹង នៃគណៈកម្មាធិការសិទ្ធិមនុស្សកម្ពុជា និងជាជំនួយការលេខាធិការដ្ឋានអាយឆា តំណាងកម្ពុជា បានឱ្យដឹងថា អាយឆា-ICHR គឺជាគណៈកម្មការអន្តររដ្ឋាភិបាលអាស៊ានទទួលបន្ទុកសិទ្ធិមនុស្ស ដែលជាយន្តការមួយរបស់អាស៊ាន ក្នុងការលើកកម្ពស់ការពារសិទ្ធិមនុស្សនៅក្នុងតំបន់អាស៊ាន ហើយប្រទេសដែលជាជិកអាយឆា គឺមាន១០ ប្រទេស រួមទាំងកម្ពុជា ដែលកិច្ចប្រជុំនេះ មានការចូលរួមពីតំណាងប្រទេសទាំងអស់ រួមទាំងលេខាធិការដ្ឋានអាស៊ានផងដែរ។
បើតាមលោកស្រី អ៊ុច និពន្ធ កិច្ចប្រជុំនេះ នឹងពិនិត្យមើលទៅលើ៖
ទី១. របាយការណ៍ប្រចាំឆ្នាំ របស់អាយឆា។
ទី២. ទៅលើសកម្មភាពអាទិភាពរបស់់អាយឆា ឆ្នាំ២០២៣។
ទី៣. លើរបាយការណ៍វឌ្ឍនៈភាព នៃឯកសារទស្សទាន របស់អាយឆា២០១៩ ដល់២០២២។
ទី៤. លើសិទ្ធិកុមារ សិទ្ធិជនមានពិការភាព សិទ្ធិជនជាតិដើមភាគតិច បម្រែបម្រួលអា កាសធាតុ អំពីហឹង្សាលើកុមារ ទឹកស្អាត។
លោកស្រីអះអាងថា នៅថ្ងៃចុងក្រោយ នៃកិច្ចប្រជុំ គឺថ្ងៃទី០២ ខែសីហា ឆ្នាំ២០២២ លោក កែវ រ៉េមី ក្នុងនាមប្រធានអាយឆា នឹងជួបជាមួយអគ្គលេខាធិការអាស៊ាននៅពេលព្រឹក ហើយនៅពេលរសៀល នឹងដឹកនាំប្រតិភូអាឆា នៃប្រទេសទាំង១០ រួមទាំងលេខាធិការអាស៊ានផង ដើម្បីចូលជួបប្រជុំជាមួយរដ្ឋមន្ត្រីក្រសួងការបរទេស។
ឆ្លើយតបអ្នកសារព័ត៌មាន ទាក់ទងទៅនឹងបញ្ហាសិទ្ធិមនុស្សនៅមីយ៉ាន់ម៉ា ដែលទើបតែត្រូវបានប្រហារជីវិតមនុស្ស៤ នាក់កាលពីពេលថ្មីៗនេះ លោកស្រីអះអាងថា បញ្ហានេះមិនមាននៅក្នុងរបៀបវារៈ នៃកិច្ចប្រជុំទេ។
លោកស្រីប្រាប់ថា ដូចអ្វីដែលយើងបានដឹងហើយ ថ្មីៗនេះមានការប្រហាជីវិត សកម្មជនប្រឆាំងនៅប្រទេសមីយ៉ាន់ម៉ា ហើយក្រសួងការបរទេស ក៏បានចេញសេចក្តីថ្លែងការណ៍មួយ ហើយជំហររបស់អាយឆាកម្ពុជា គឺគាំទ្រទៅលើសេចក្តីថ្លែងការណ៍របស់ក្រសួងការបរទេសកម្ពុជា ប៉ុន្តែដោយឡែកនៅក្នុងកិច្ចប្រជុំនេះ ករណីនេះមិនក្នង របៀបវារៈទេ ប៉ុន្តែប្រសិនបើមានការលើកឡើងពីសមាជិកណាមួយ គឺអាចនឹងមានការពិភាក្សាខ្លះដែរ៕
អត្ថបទ៖ កោះកែវ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ