ព័ត៌មានជាតិ
កសិករខេត្តបាត់ដំបង ធ្វើស្រូវវស្សាទើបតែបានជាង ៦៧ ភាគរយ គិតមកដល់ពេលនេះ
បើគិតមកដល់ត្រឹមថ្ងៃទី ០៣ខែសីហា ឆ្នាំ២០២២នេះ ប្រជាកសិករ ប្រកបរបរធ្វើស្រែនារដូវវស្សាឆ្នាំនេះ ទើបតែបានប្រមាណ ៦៧,៦៨ ភាគរយប៉ុណ្ណោះ បើធៀបផែនការលើផ្ទៃដីសរុប ៣៣២,៧០០ ហិកតា។ តើមានកត្តាអ្វីខ្លះ បានបង្កឲ្យល្បឿនយឺតក្នុងការធ្វើស្រូវវស្សាក្នុងឆ្នាំនេះ ខណះពេលវេលានៅត្រឹមពាក់កណ្តាលខែ ១០ តែប៉ុណ្ណោះ តើអាចរំពឹងទុកថាបាន តាមផែនការដែរឬយ៉ាងណា?
បើយោងតាមរបាយការណ៍ពីមន្ត្រីការិយាល័យស្ថិតិនៃមន្ទីរកសិកម្មខេត្តបានបង្ហាញឲ្យដឹងនៅថ្ងៃទី ០៣ ខែសីហានេះថា គិតមកដល់ថ្ងៃទី ០៣ខែសីហា ឆ្នាំ២០២២នេះ ក្នុងខេត្តបាត់ដំបងប្រជាកសិករបានធ្វើស្រូវវស្សា លើផ្ទៃដីសរុបចំនួន ៣៣ ២,៧០០ហិកតា នៃផ្ទៃដីផែនការ ទូទាំងស្រុកក្នុងភូមិសាស្ត្រខេត្តបាត់ដំបង ខណះមកដល់ពេលនេះ អនុវត្តបានត្រឹម២២៥, ១៦៣ ហិកតាស្មើ ៦៧,៦៨ភាគរយប៉ុណ្ណោះនៃផ្ទៃដីផែនការសរុប ៣៣២,៧០០ហិកតា។

ស្របតាមរបាយការណ៍ចុះថ្ងៃទី ០៣ ខែ សីហានេះ លោក ហេង សិទ្ធ ទទួលបន្ទុកផ្នែកស្ថិតិនៃមន្ទីរកសិកម្មខេត្ត បានឲ្យដឹងនៅថ្ងៃទី០៣ខែសីហានេះដែរថា ឆ្នាំនេះប្រជាកសិករធ្វើស្រូវវស្សាមានការយឺតយ៉ាវ ដោយសាតែប្រឈមកត្តា២គឺ តំបន់មួយចំនួនមានការរីងស្ងួតទឹកមិនគ្រប់គ្រាន់ និងតំបន់មួយចំនួនទៀតទឹកភ្លៀងធ្លាក់ច្រើនបង្កឲ្យជន់លិចស្រែមិនអាចធ្វើការព្រួសស្រូវបាន ទើបល្បឿននៃការដាំដុះស្រូវមានការយឺតយ៉ាវ។
លោកបញ្ជាក់បន្តថា ការយឺតយ៉ាវនេះក៏ពុំទាន់ហួសពេលនៅឡើយ ព្រោះការដាំដុះនៅរយះពេលត្រឹមពាក់កណ្តាលខែ ៩ ឬ ខែ ១០ ខាងមុខទៀត។ យ៉ាងណាមិញ លោកក៏មិនទាន់រំពឹងទុកថា ការដាំដុះស្រូវវស្សារបស់ប្រជាកសិករ អាចមានសន្ទុះស្មើ ឬក៏ក្រោមនៃផ្ទៃដីផែនការនោះយ៉ាងណានៅឡើយទេ អាស្រ័យទៅលើកត្តាអាកាសធាតុបានហុចផលល្អឡើងវិញ៕
អត្ថបទ៖ សៅ សារិទ្ធ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ