ព័ត៌មានជាតិ
កូនឈើប្រណិតជាង ២០០ដើម ត្រូវបានដាំដុះនៅរមណីយដ្ឋានភ្នំត្រងោល ក្នុងស្រុកបូទុមសាគរ
អាជ្ញាធរ មន្រ្តីការិយាល័យជំនាញ និងយុវជននៅស្រុកបូទុមសាគរ ខេត្តកោះកុង បាននាំគ្នាដាំដុះកូនឈើប្រណិតជាង ២០០ដើម នៅរមណីយដ្ឋានភ្នំត្រងោល ភូមិជីមាល ឃុំអណ្តូងទឹក ក្រោយស្នើសុំ និងទទួលបានពីអ្នកឧកញ៉ា ម៉ុង ឬទ្ធី។
កូនឈើប្រភេទ បេង ធ្នង់ និងនាងនួនប្រមាណជាង ២០០ដើម ត្រូវបានអាជ្ញាធរស្រុកបូទុមសារគរ ដឹកនាំមន្រ្តីអាជ្ញាធរមូលដ្ឋាន ក៏ដូចជាក្រុមយុវជនស្ម័គ្រចិត្តជាច្រើននាក់ ដាំដុះនៅសួនរមណីយដ្ឋានដែលទើបបង្កើតថ្មីលើភ្នំត្រងោល ក្នុងន័យលើកកម្ពស់សោភ័ណ្ឌបរិស្ថាន ទីកន្លែងគោរពបូជាបែបសាសនា និងទាក់ទាញភ្ញៀវទេសចរ ទៅលេងកម្សាន្ត។
លោក ហាក់ ឡេង អភិបាលស្រុកបូទុមសាគរ ថ្លែងឲ្យដឹងនៅរសៀលថ្ងៃទី ១៩ ខែសីហា ឆ្នាំ ២០២២ថា សួនរមណីយដ្ឋានយុវជនភ្នំត្រងោល បានបង្កើតឡើងថ្មីៗនេះប៉ុណ្ណោះ ដោយមានការគាំទ្រពេញទំហឹងដោយលោកស្រី មិថុនា ភូថង អភិបាលខេត្តកោះកុង បម្រើដល់ប្រយោជន៍សាធារណៈទូទៅមិនថាតែទីកន្លែងកម្សាន្តលំហែកាយនោះទេ វាថែមទាំងទីកន្លែងគោរពសក្ការៈបូជា ទៅតាមជំនឿរៀងៗខ្លួនផងដែរ។
បើតាមលោកអភិបាលស្រុកបូទូមសាគរ បច្ចុប្បន្នសួនរមណីយដ្ឋានភ្នំត្រងោលដ៏មានសក្កានុពលផ្នែកទេសចរណ៍នោះ កំពុងត្រូវបានស្ថាបនានូវហេដ្ឋារចនាសម្ព័ន្ធជាបន្តបន្ទាប់ រួមមាន៖ វត្តអារាម រូបបដិមាករ រូបភាពតំណាងនៃក្តីស្រឡាញ់ ដាំស្មៅ និងរៀបចំទីកន្លែងសម្រាប់បោះជំរុំជាដើម។ អាជ្ញាធរ និងមន្រ្តីជំនាញពាក់ព័ន្ធ នឹងបន្តដាំកូនឈើប្រភេទគគីរបន្ថែមទៀត ក្រោយដាំកូនឈើប្រណិតជាង ២០០ដើមរួចរាល់។
ដីរមណីយដ្ឋានភ្នំត្រងោល ជាដីបម្រុងទុករបស់រដ្ឋបាលស្រុកបូទុមសាគរ។ កន្លងទៅ អាជ្ញាធរភូមិ ឃុំ ស្រុក ខេត្ត ពុះពារការងារជាច្រើនដើម្បីឲ្យភ្នំមួយនេះ កកើតជាទីតាំងដែលតម្លៃ និងសក្កានុពលខាងផ្នែកទេសចរណ៍បែបធម្មជាតិ។ ប្រជាពលរដ្ឋ និងអ្នកទេសចរគ្រប់គ្នា អាចទៅលេងកម្សាន្តស្រូបយកខ្យល់អាកាសបរិសុទ្ធ ធ្វើបុណ្យទាន និងបោះជំរុំចែក រំលែកបទពិសោធន៍អំពីកិច្ចការងារ លាយឡំនឹងសម្រស់បរិស្ថានប៉ៃតងខ្ចី ស្ទើរតែគ្រប់រដូវកាល៕
អត្តបទ៖ សិរីវឌ្ឍនៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល