Connect with us

ព័ត៌មានជាតិ

ដើមឈើ ៧០០ដើមដាំនៅសហគមន៍ការពារ ធម្មជាតិចំបក់ ស្រុកភ្នំស្រួច

បានផុស

នៅ

«ការដាំដើមឈើ គឺជាការផ្សារភ្ជាប់ជីវិត និងធម្មជាតិ និង ជាការដឹងគុណដល់ភពផែនដី ដែលបានផ្តល់នូវជីវិត ធនធានធម្មជាតិ ជីវចម្រុះ និងប្រពន្ធ័អេកូឡូស៊ីដ៏ល្អសម្រាប់យើងទាំងអស់គ្នារស់នៅ»។ នេះជាការលើកឡើងរបស់លោក នេត្រ ភក្រ្តា រដ្ឋលេខាធិការ និងជាអ្នកនាំពាក្យក្រសួងបរិស្ថាន នៅថ្ងៃទី២១ ខែសីហា ឆ្នាំ២០២២ នៅក្នុងឱកាសអញ្ជើញ ជាអធិបតីក្នុងពិធីដាំកូនឈើចំនួន ៧០០ដើមនៅក្នុងសហគមន៍តំបន់ការពារធម្មជាតិចំបក់ ស្ថិតនៅភូមិថ្មី ឃុំចំបក់ ស្រុកភ្នំស្រួច។ លោក នេត្រ ភក្រ្តា បានលើកឡើងថា ពិធីដាំកូនឈើនេះនឹងចូលរួមបណ្តុះស្មារតីពលរដ្ឋកម្ពុជា គោរពស្រឡាញ់បរិស្ថានធនធានធម្មជាតិព្រៃឈើកាន់តែខ្លាំងឡើងថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមដំបូលនៃសុខសន្តិភាព កម្ពុជាមានឱកាសគ្រប់គ្រាន់ដើម្បីពង្រឹងការងារគ្រប់គ្រងនិងអភិរក្សធនធានធម្មជាតិកម្ពុជា ហើយដោយសារតែការអភិរក្សធនធានធម្មជាតិមានភាពល្អប្រសើរ កម្ពុជា មានលទ្ធភាពលក់ឥណទានកាបូន នៅលើទីផ្សារឥណទានកាបូនស្ម័គ្រចិត្ត។ «កម្ពុជាឈានដល់របត់ថ្មីនៃការរកចំណូលបានពីការអភិរក្សធនធានធម្មជាតិ ដោយរក្សាទិសស្លោក«រក្សាព្រៃឈរ ដើម្បីរកចំណូល»តាមរយៈការលក់ឥណទានកាបូន ទទួលបានចំណូល ដើម្បីកសាងហេដ្ឋារចនាសម្ពន្ធ័ ផ្តល់មធ្យោបាយ និងលើកកម្ពស់សេដ្ឋកិច្ចមូលដ្ឋាន និងតាមរយៈការជំរុញលើក អភិវឌ្ឍទេសចរណ៍ធម្មជាតិនៅតាមតំបន់ការពារធម្មជាតិនានាដែលមានសក្តានុពលទេសចរណ៍។ នេះជាការបញ្ជាក់របស់លោក នេត្រ ភក្ត្រា។

លោក បានកត់សម្គាល់ថា បច្ចុប្បន្ននេះ ពលរដ្ឋខ្មែរបានចាប់អារម្មណ៍ខ្លាំងលើទេសចរណ៍ធម្មជាតិដែលជាទេចរណ៍ផ្សារ ភ្ជាប់ទឹកដី បង្កើតការងារ និងចំណូលជាច្រើនជូនដល់ពលរដ្ឋមូលដ្ឋាន។

លោក នេត្រ ភក្ត្រា បានគូសបញ្ជាក់ថា ដើមឈើចំនួន៧០០ដើម ដែលដាំនេះ រួមមានកូនឈើប្រណីតប្រភេទបេង នាងនួន ធ្នុង គគីរ និងដើមផ្កាក្ងោក ជាដើម។

សហគមន៍តំបន់ការពារធម្មជាតិចំបក់ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ មានផ្ទៃដីសរុប ៣៤៥១ហិកតា ហើយសហគមន៍នេះមានប្រជាពលរដ្ឋជាង ៦០០គ្រួសារជាសមាជិក។ សហគមន៍តំបន់ការពារធម្មជាតិចំបក់គឺជាសហគមន៍​ទេសចរណ៍ធម្មជាតិមួយដែលលេចធ្កោជាងគេ ហើយប្រជាជនបច្ចុប្បន្នបានផ្តល់សេវាទេសចរណ៍ធម្មជាតិដូចជាការផ្តល់សេវាផ្ទះស្នាក់នៅ ការចម្អិនម្ហូបអាហារ សេវាដើរកម្សាន្ត មគ្គុទ្ទេសក៏ទេសចរណ៍ជាដើម។ ភ្ញៀវទេសចរជាតិនិងអន្តរជាតិ បានទៅទស្សនាតំបន់នេះ នឹងបានផ្តល់ចំណូលជាច្រើនដល់សហគមន៍។ ទាក់ទងនឹងចំណុចនេះ ឯកឧត្តម នេត្រ ភក្ត្រា បានសង្កត់ធ្ងន់ថា ការបង្កើតសេដ្ឋកិច្ចមូលដ្ឋានគឺជាគ្រឹះដ៏សំខាន់នៃវិធានការការពារនិងអភិរក្សធនធានធម្មជាតិ។ ដើម្បីប្រសិទ្ធភាពខ្ពស់ក្នុងការអភិរក្សធនធានធម្មជាតិ វិធានការច្បាប់ និងវិធានការសេដ្ឋកិច្ចចាំបាច់ត្រូវដើរទន្ទឹមគ្នា ហើយសហគមន៍តំបន់ការពារធម្មជាតិចំបក់ គឺជាគំរូជោគជ័យស្រាប់ដែលបង្ហាញពីការបង្កើតសេដ្ឋកិច្ចមូល​ដ្ឋានដើម្បីពង្រឹងការអភិរក្ស។ លោកថា ធម្មជាតិអាចរីកលូតលាស់ដោយមិនត្រូវការមនុស្ស ប៉ុន្តែមនុស្សមិនអាចរស់នៅដោយគ្មានធម្មជាតិបានទេ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

រាជធានី​ភ្នំពេញ​និង​រដ្ឋធានី​វៀង​ចន្ទ ជំរុញ​ទំនាក់ទំនង​ការទូត​រវាង​ទីក្រុង​ទាំងពីរ​ឲ្យ​កាន់តែ​ល្អប្រសើរ​មួយកម្រិត​ថែមទៀត

កីឡា៥ ម៉ោង មុន

ចូល​រួម​សាទរ​ ភ្នំពេញ​​ក្រោន​ ឈ្នះ​​ជើង​ឯក​លីគ​កំពូល​​កម្ពុជា​​២០២២

ព័ត៌មានជាតិ៦ ម៉ោង មុន

បណ្តា​រាជធានី​និង​រដ្ឋធានី​អាស៊ាន​ទទួល​បាន​បទពិសោធន៍​អភិវឌ្ឍ​ទីក្រុង​ជាច្រើន ដើម្បី​ប្រែ​ក្លាយទៅជា​ទីក្រុង​ឆ្លាត​វៃ​និង​មាន​ភាព​ធន់

ព័ត៌មានជាតិ៦ ម៉ោង មុន

លោកស្រី​បណ្ឌិត អ៊ី​រ៉ា​វាទី ជិន​ដ្រា​ដេ​វី កោត​ស​សើរ​អភិបាល​រាជធានី​ភ្នំពេញ​ចំពោះ​ការរៀបចំ​វេទិកា AMF និង​កិច្ចប្រជុំ MGMAC ឆ្នាំ​២០២២ ប្រកបដោយ​ភាពជោគជ័យ

ជីវិតកម្សាន្ដ៦ ម៉ោង មុន

អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ

Sokha Hotels

ព័ត៌មានពេញនិយម