ព័ត៌មានជាតិ
ក្រសួងបរិស្ថាន ៖ បទល្មើសព្រៃឈើ និងសត្វព្រៃទ្រង់ទ្រាយធំ លែងកើតមានទៀតហើយ
ក្រសួងបរិស្ថាន បានអះអាងថា បទល្មើសព្រៃឈើ និងសត្វព្រៃទ្រង់ទ្រាយធំ លែងកើតមានទៀតហើយ។ ប៉ុន្តែ នៅមាន បទល្មើសខ្នាតតូច ដែលមន្ត្រីជំនាញ ជាពិសេសមន្ត្រីឧទ្យានុរក្សនៃក្រសួងបរិស្ថាន បន្តទប់ស្កាត់ និងបង្រ្កាបជាប្រចាំថ្ងៃ។
ក្នុងរបាយការណ៍របស់ក្រសួងបរិស្ថាន ដែលបានផ្សព្វផ្សាយក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងបរិស្ថាន” នាព្រឹកថ្ងៃទី ៣០ ខែសីហានេះ បានឲ្យដឹងបន្តថា ក្នុងមួយឆ្នាំៗ បទល្មើសជាង ៨,០០០ករណី ត្រូវបានបង្រ្កាបដោយមន្ត្រីឧទ្យានុរក្ស ដែលជាមន្ត្រីនគរបាលយុត្តិធម៌ ហើយក្នុងនោះបទល្មើសចំនួនជាង ៨០០ករណី ត្រូវបានចងក្រងសំណុំរឿងបញ្ជូនទៅតុលាការ។ បទល្មើសទាំងនោះ ក៏ត្រូវបានធ្វើការអប់រំ ចុះកិច្ចសន្យាបញ្ឈប់ និងពិន័យអន្តរការណ៍ ហើយបទល្មើសខ្លះជាអញត្តជន។
ជាមួយគ្នានេះ រណាយន្ដប្រមាណ ៥,០០០គ្រឿង ត្រូវបានដកហូត កាំភ្លើងកែច្នៃជិត ១,០០០ដើម ត្រូវបានដកហូត អន្ទាក់ប្រមាណ ៥,០០០ ត្រូវបានដោះចេញពីតំបន់ការពារធម្មជាតិ វត្ថុតាងរួមមាន៖ ម៉ូតូ គោយន្ដកន្ត្រៃ រថយន្ត ត្រាក់ទ័រប្រមាណជាង ១,០០០គ្រឿង ត្រូវបានដកហូតជាមួយនឹងការរឹបអូសឈើជាច្រើនពាន់ម៉ែត្រគូប។
ក្រសួងបរិស្ថាន បានឲ្យដឹងទៀតថា ក្នុងរយៈពេល ៨ខែឆ្នាំ ២០២២នេះ មន្ត្រីឧទ្យានុរក្សបានចុះល្បាតចំនួន ១៤,៦៩២ លើក ដោយបានបង្រ្កាបបទល្មើសចំនួន ៤,២៥០ករណី ដែលភាគច្រើនជាបទល្មើសកាប់រុករានទន្ទ្រានកាន់កាប់ដីរដ្ឋដោយខុសច្បាប់ បទល្មើសព្រៃឈើ និងបទល្មើសសត្វព្រៃ ដោយបានដកហូតវត្ថុតាងជាឈើអារចម្រុះចំនួន ៧៥៨ ម៉ែត្រគូប ដកហូតវត្ថុតាងជាមធ្យោបាយ ឧបករណ៍សម្ភារៈជាច្រើនផងដែរ។ ក្រសួងបរិស្ថាន បានបញ្ជាក់ថា ក្រសួង និងអង្គការដៃគូពាក់ព័ន្ធ បាននិងកំពុងអនុវត្តវិធានការច្បាប់ផង និងវិធានការសេដ្ឋកិច្ចផង ដើម្បីបង្កើនប្រសិទ្ធភាព នៃការគ្រប់គ្រង និងអភិរក្សធនធានធម្មជាតិ៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង