ព័ត៌មានជាតិ
រដ្ឋបាលខេត្ត គ្រោងរៀបចំចេតិយប្រាសាទវត្តទួលជាតំបន់រមណីយដ្ឋានទេសចរណ៍វប្បធម៌
រដ្ឋបាលខេត្តស្វាយរៀង បានចុះត្រួតពិនិត្យ និងគ្រោងរៀបចំទីតាំងចេតិយប្រាសាទវត្តទួល ស្ថិតក្នុងភូមិព្រះទន្លេ សង្កាត់សង្ឃ័រ ក្រុងស្វាយរៀង ដែលបានសាងសង់នៅឆ្នាំ ១៩៦៨ ធ្វើជាតំបន់រមណីដ្ឋានទេសចរណ៍វប្បធម៌។
នៅថ្ងៃទី៣០ ខែសីហា ឆ្នាំ២០២២ លោក ហែម ពិសិដ្ឋ អភិបាលរងខេត្តស្វាយរៀង តំណាង អភិបាលខេត្ត បានចុះពិនិត្យទីតាំងចេតិយផ្ទាល់ និងបានទទួលព័ត៌មានជាច្រើនជុំវិញប្រវត្តិចេតិយនេះ ពីប្រជាពលរដ្ឋដែលរស់នៅក្នុងតំបន់។
លោក អ៊ុង សារិន អាយុប្រមាណជាង៦០ឆ្នាំ សព្វថ្ងៃរស់នៅភូមិព្រះទន្លេ បានឲ្យដឹងថា អ្នកកសាងចេតិយនេះត្រូវជា អ៊ំ របស់គាត់ឈ្មោះ អ៊ុង សាវុធ មានឋានៈជាឧត្តមសេនីយ៍ត្រីក្នុងសម័យ លន់ ណុល រស់នៅរាជធានីភ្នំពេញ បានកសាងនៅឆ្នាំ១៩៦៨ ហើយបានយកជាងដែលជាអ្នកសាងសង់ធ្វើវិមានឯករាជ្យ យកមកធ្វើចេតិយនេះ។ ចំណែករូបចម្លាក់រចនាបថ គឺស្រដៀង នឹងវិមានឯករាជ្យទាំងអស់ រហូតដល់សង្គ្រាមឆ្នាំយៀកកុង ចូលកំឡុងឆ្នាំ១៩៧០ ជាងសាងសង់បានរត់រប៉ាត់រប៉ាយចោល ដោយបានបន្សល់ទុកនៅក្បាច់ក្បូរនៅទីនេះទាំងអស់។
លោកបានបន្តថា «កាលនោះ ចេតិយធ្វើមិនទាន់ហើយទេ គម្រោងរបស់គាត់ថា ត្រូវចាក់សាបក្នុងខឿននេះ តែមិនទាន់បានចាក់សាបផង ហើយស៊ីម៉ងត៍ ដែលបានទិញទុកចោលពេញហ្នឹង ដល់ពេលសង្គ្រាមមកដល់គាត់ក៏រត់ចោល ជាងក៏រត់ចោល ដោយបន្សល់ទុកនូវរបស់របរពេញហ្នឹង ហើយគម្រោងរបស់គាត់ គឺធ្វើផ្លូវចាក់ថ្មគ្រួស បន្តចាប់ពីផ្លូវលេខ១៣ រហូតដល់ចេតិយ៍តែម្ដង»។
ដោយឡែក ស្ត្រីចំណាស់ឈ្មោះ ព្រាប សាមឿន មានអាយុប្រមាណ៧០ឆ្នាំ ក៏បានរៀបរាប់ឱ្យដឹងផងដែរថា កាលដើមឡើយ នៅទីនេះគឺជាទីទួល។ ទីទួលនេះ ក៏មានព្រះសង្ឃគង់នៅផងដែរ ដោយមានកុដតូចៗ និងសាលាឆាន់សម្រាប់ឲ្យព្រះសង្ឃគង់ស្នាក់អាស្រ័យ រៀនធម៌អាថ៌ហើយនៅជុំវិញកន្លែងនេះ ក៏មានប្រជាពលរដ្ឋធ្វើស្រែចម្ការធម្មតា គឺស្រែជម្រៅ និងមានផ្លូវចូលស្រដៀង និងប្រាសាទអង្គរវត្តផងដែរ។
ក្រោយស្តាប់ការរៀបរាប់របស់ប្រជាពលរដ្ឋ ជាចាស់ទុំ នៅក្នុងតំបន់នេះ រដ្ឋបាលខេត្ត ជឿជាក់ថា ក្រោយរៀបចំអភិវឌ្ឍចេតិយប្រាសាទវត្តទួល នឹងប្រែមុខមាត់ថ្មី ទាក់ទាញភ្ញៀវទេសចរបន្ថែមទៀត និងជួយបង្កើតការងារដល់ពលរដ្ឋ ដែលរស់នៅតំបន់នេះផងដែរ៕
ដោយ:ភក្ដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង