ព័ត៌មានជាតិ
៥ឆ្នាំចុងក្រោយនេះ ក្រសួងព័ត៌មាន ចេញអាជ្ញាបណ្ណ និងបន្តអាជ្ញាបណ្ណ ដល់អង្គភាពសារព័ត៌មានចំនួន ២,១៥៤
ក្នុងរយៈពេល ៥ឆ្នាំចុងក្រោយនេះ ក្រសួងព័ត៌មាន បានចេញអាជ្ញាបណ្ណ និងលិខិតបន្តអាជ្ញាបណ្ណ សម្រាប់អង្គភាពសារព័ត៌មានគ្រប់ប្រភេទចំនួន ២,១៥៤អង្គភាព ហើយបានចេញនូវប័ណ្ណអ្នកសារព័ត៌មាន និងបន្តសុពលភាពប័ណ្ណអ្នកសារព័ត៌មានជាតិ-អន្តរជាតិ បានចំនួន ១០,០៣៣ប័ណ្ណ។
លោក មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន មានប្រសាសន៍ក្នុសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងព័ត៌មាន” នាព្រឹកថ្ងៃទី ១ ខែកញ្ញាថា ក្រសួងព័ត៌មាន តែងតែផ្ដល់តម្លៃ និងការទទួលស្គាល់អ្នកសារព័ត៌មានវិជ្ជាជីវៈ និងស្ថាប័នសារព័ត៌មានស្មើៗគ្នា គ្មានការប្រកាន់និន្នាការនយោបាយ ឬទស្សនៈផ្ទុយ ឬស្រប នោះទេ។
លើសពីនេះទៀត ក្រសួងព័ត៌មាន ក៏បានបង្កើតក្រុមមេធាវី ដោយសហការជាមួយក្រុមមេធាវីស្ម័គ្រចិត្តសម្ដេចតេជោ ក្នុងការផ្ដល់ជំនួយផ្នែកផ្លូវច្បាប់ជូនដល់អ្នកប្រកបវិជ្ជាជីវៈសារព័ត៌មាន ក៏ដូចជាអង្គភាពសារព័ត៌មាន នៅពេលដែលមានវិវាទផ្នែកវិជ្ជាជីវៈកើតឡើង ដោយពុំគិតថ្លៃផងដែរ។
លោក មាស សុភ័ណ្ឌ បានឲ្យដឹងបន្តថា ក្នុងរយៈពេល ៥ឆ្នាំចុងក្រោយនេះ ក្រសួងព័ត៌មាន បានចេញអាជ្ញាបណ្ណ និងលិខិតបន្តអាជ្ញាបណ្ណ សម្រាប់អង្គភាពសារព័ត៌មានគ្រប់ប្រភេទចំនួន ២,១៥៤អង្គភាព និងបានចេញនូវប័ណ្ណអ្នកសារព័ត៌មាន និងបន្តសុពលភាពប័ណ្ណអ្នកសារព័ត៌មានជាតិ-អន្តរជាតិ បានចំនួន ១០,០៣៣ប័ណ្ណ។
មន្ត្រីជាន់ខ្ពស់ក្រសួងព័ត៌មាន បានឲ្យដឹងទៀតថា ចំនួនអង្គភាពសារព័ត៌មាន ក៏ដូចជាអ្នកសារព័ត៌មានជាតិ និងបរទេស មានការកើនឡើងជារៀងរាល់ឆ្នាំ ដែលនេះបានបង្ហាញឲ្យឃើញអំពីលំហសេរីភាពសារព័ត៌មាននៅកម្ពុជា។ លោកថា ចំនួនអង្គភាពសារព័ត៌មានក្នុងឆ្នាំ ២០២២ បើប្រៀបធៀបទៅនឹងឆ្នាំ ២០១៨ គឺចំនួនអង្គភាពសារព័ត៌មាន មានការកើនឡើងចំនួន ៥៨៨អង្គភាព ស្មើនឹង ២៧.៣០ភាគរយ ដែលអង្គភាពសារព័ត៌មានអនឡាញ ឬតាមប្រព័ន្ធអ៊ីនធឺណេត មានការកើនឡើងច្រើនជាងគេ៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង