ព័ត៌មានជាតិ
ធនាគារជាតិ ប្តេជ្ញាការពារបរិស្ថាន និងការប្រែប្រួលអាកាសធាតុ ក្នុងវិស័យហិរញ្ញវត្ថុ
មន្ត្រីជាន់ខ្ពស់ធនាគារជាតិនៃកម្ពុជា បានលើកឡើងថា ធនាគារជាតិបានប្តេជ្ញាការពារបរិស្ថាន និងការប្រែប្រួលអាកាសធាតុក្នុងវិស័យហិរញ្ញវត្ថុតាមរយៈការដាក់ចេញនូវគោលការណ៍នានា។
ការប្តេជ្ញានេះ បានធ្វើឡើងកាលពីថ្ងៃទី០១ ខែកញ្ញា នៅក្នុងជំនួបពិភាក្សាការងាររវាងលោក ស៊ុ សន្និសិទ្ធ ទេសាភិបាលរង តំណាងដ៏ខ្ពង់ខ្ពស់លោក ជា ចាន់តូ ទេសាភិបាល ធនាគារជាតិនៃកម្ពុជា ជាមួយលោក Ken O’Flaherty ឯកអគ្គរាជទូតតំណាងសន្និសីទអង្គការសហប្រជាជាតិ ស្តីពីការប្រែប្រួលអាកាសធាតុលើកទី២៦ (COP26) ប្រចាំតំបន់អាស៊ីប៉ាស៊ីហ្វិកអមដោយគណៈប្រតិភូមកពីស្ថានទូតអង់គ្លេសប្រចាំនៅកម្ពុជា។
នៅក្នុងឱកាសនោះ លោក Ken O’Flaherty បានវាយតម្លៃខ្ពស់ចំពោះកិច្ចសហការរវាងស្ថានទូតអង់គ្លេស និងធនាគារជាតិនៃកម្ពុជាកន្លងមក និងមានបំណងបង្កើនកិច្ចសហប្រតិបត្តិការថែមទៀតលើការរួមចំណែកក្នុងកម្មវិធីកាត់បន្ថយការប្រើប្រាស់ថាមពលចេញពីកាបូន និងការពង្រឹងសមត្ថភាពរបស់មន្ត្រីជំនាញរបស់ធនាគារជាតិនៃកម្ពុជា ក្នុងការវាយតម្លៃផលប៉ះពាល់នៃការប្រែប្រួលអាកាសធាតុចំពោះវិស័យហិរញ្ញវត្ថុ។
លោក ទេសាភិបាលរង បានស្វាគមន៍ចំពោះការរឹតចំណងសហប្រតិបត្តិការរវាងស្ថានទូតអង់គ្លេស និងធនាគារជាតិនៃកម្ពុជាកន្លងមក និងបានលើកឡើងថា ធនាគារជាតិគាំទ្រក្នុងកិច្ចការពារបរិស្ថាន និងការប្រែប្រួលអាកាសធាតុរបស់ធនាគារជាតិនៃកម្ពុជា ក៏ដូចជាប្រព័ន្ធធនាគារនៅកម្ពុជា។
លោក ទេសាភិបាលរង បានមានប្រសាសន៍ថា ចាប់តាំងពីឆ្នាំ២០១៦មក ធនាគារជាតិនៃកម្ពុជាបានអនុម័តគោលការណ៍របស់វិស័យធនាគារសម្រាប់ការផ្តល់ឥណទានប្រកបដោយចីរភាព សង្គម និងបរិស្ថាន ដើម្បីឱ្យគ្រឹះស្ថានធនាគារនិងហិរញ្ញវត្ថុទាំងអស់ចូលរួមអនុវត្តឱ្យមានសង្គតិភាពនិងប្រសិទ្ធភាព។ លោក ទេសាភិបាលរង បានបន្តថា ក្រៅពីនេះ
ធនាគារជាតិនៃកម្ពុជាក៏បានចូលរួមក្នុងកិច្ចការពារបរិស្ថាន និងការប្រែប្រួលអាកាសធាតុក្នុងស្ថាប័នអន្តរជាតិ និងគំនិតផ្តួចផ្តើមជាច្រើនដូចជា បណ្តាញធនាគារកណ្តាល និងអាជ្ញាធរត្រួតពិនិត្យសម្រាប់ប្រព័ន្ធហិរញ្ញវត្ថុបៃតង (The Network of Central Banks and Supervisors for Greening the Financial System -NFGS) និងសមាជិកក្រុមការងារបរិយាបន្នហិរញ្ញវត្ថុបៃតង (Inclusive Green Finance Working Group-IGFWG) ជាដើម។
ជាមួយគ្នានេះធនាគារជាតិនៃកម្ពុជាក៏បានសហការជាមួយអង្គការជាច្រើនដូចជា UNESCAP, សម្ព័ន្ធសម្រាប់បរិយាបន្នហិរញ្ញវត្ថុ (AFI) ស្ថានទូតអង់គ្លេសសាជីវកម្មហិរញ្ញវត្ថុអន្តរជាតិ (IFC) ជាដើមក្នុងកិច្ចការពង្រឹងការចូលរួមផ្តល់ហិរញ្ញប្បទានប្រកបដោយចីរភាព និងការប្រែប្រួលអាកាសធាតុ។ លើសពីនេះ ធនាគារជាតិនៃកម្ពុជា ក៏បានវិនិយោគទុនបម្រុងអន្តរជាតិមួយផ្នែកលើសញ្ញាបណ្ណបៃតងផងដែរ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង