ព័ត៌មានជាតិ
អាជ្ញាធរឃុំស្រែឬស្សី សហការជាមួយពលរដ្ឋជួសជុលផ្លូវមួយខ្សែ បន្ទាប់ពីរងគ្រោះដោយទឹកជំនន់
អាជ្ញាធរនិងប្រជាពលរដ្ឋនៅឃុំស្រែឬស្សី ស្រុកថាឡាបរិវ៉ាត់ ខេត្តស្ទឹងត្រែង បានប្រើប្រាស់គោយន្តប្រមាណជិត៣០គ្រឿងនាំគ្នាដឹកដីគ្រួសក្រហម និងថ្មចាក់់បំពេញផ្លូវខូចជិតមួយគីឡូម៉ែត្រតភ្ជាប់ពីផ្លូវជាតិលេខ៩ ចូលមកឃុំស្រែកឫស្សី ដើម្បីសម្រួលដល់ការធ្វើចរាចរណ៍។
លោក ឈូក ឌី មេឃុំនេះបានបញ្ជាក់ថា បន្ទាប់ពីជំនន់ទឹកភ្លៀងស្រកផុតទៅបន្សល់ទុកនៅភាពលំបាកការធ្វើដំណើរចេញចូលទៅមក មានភាពលំបាកអាជ្ញាធរឃុំសហការគ្នាជាមួយប្រជាពលរដ្ឋ និងគៀងគរធនធានពីសម្បុរសជននានាតាមការស្ម័គ្រចិត្តជួយគ្នាចាក់ដីលប់ក្រលុកជ្រៅៗ ដើម្បីបានធ្វើដំណើរជាបណ្តោះអាសន្ន។
លោកបន្តថា ផ្លួវនេះបានធ្វើការជួសជុល២លើកមកហើយ តែមិនធានានឹងជំនន់ទឹកភ្លៀវនេះទេ ព្រោះជារៀងរាល់ឆ្នាំបានលិចជាប្រចាំបង្កភាពលំបាកដល់ការធ្វើដំណើរដឹកទំនិញចេញចូល ហើយសិស្សសាលាមួយចំនួនទៅរៀនមិនទាន់ពេលវេលា។
លោក ឃិន ខាំ ប្រជាពលរដ្ឋនៅភូមិស្រែឬស្សី បានទទួលស្គាល់ថា នៅឆ្នាំ២០២២ផ្លូវនេះត្រូវជំនន់ទឹកភ្លៀវជនលិចចំនួន៣លើកបង្ក ឱ្យខូចខាតប្រវែងប្រមាណជាងមួយគីឡូម៉ែត្រ ផលដំណាំឈើហូបផ្លែមួយចំនួនងាប់គ្រៀមស្វិតស្រូវសន្ទូងមួយចំនួនក៏ត្រូវរលួយខូចដោយសារតែកត្តាធម្មជាតិ។
លោកបន្តថា បងប្អូនប្រជាពលរដ្ឋយើងបានស្រុះស្រួលគ្នា ខ្លះមានគោយន្ត ខ្លះចូលជាថវិកាទិញប្រេង ខ្លះជួយកម្លាំងធ្វើសកម្មភាពជួសជុលផ្លូវដើម្បីសម្រួលការធ្វើចរាចរណ៍ឡើងវិញក្នុងពេលទឹកស្រកទៅនេះ។
លោកថា ប្រជាពលរដ្ឋនៅឃុំស្រែឬស្សីទាំងអស់សំណូមពរទៅអាជ្ញាធរពាក់ព័ន្ធឱ្យជួយសាងសង់ផ្លូវនេះឱ្យខ្ពស់ផុតពីទឹកដើម្បីធ្វើចរាចរណ៍បានងាយស្រួល ព្រោះឃុំស្រែឬស្សីមានតែផ្លូវមួយនេះជាច្រកចេញចូលមកទីរួមស្រុក និងទៅកាន់ខេត្តស្ទឹងត្រែង។
សូមបញ្ជាក់ថា ផ្លួវមួយខ្សែនេះឯកឧត្ត ស្វាយ សំអ៊ាង អភិបាលខេត្ត បានឱ្យមន្ទីរអភិវឌ្ឍន៍ជនបទធ្វើការសិក្សាដើម្បីស្ថាបនាថ្មីជាផ្លូវកៅស៊ូនៅឆ្នាំ២០២៣ខាងមុខនេះជូនប្រជាពលរដ្ឋយើងដើម្បីចៀសផុតពីភាពលំបាកនេះ៕
អត្ថបទ៖ ងិនលីម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ