ព័ត៌មានជាតិ

អាប់ដេតថ្មី! ម៉ូតូម៉ាស៊ីនចាប់ពី ៥០០ សេសេ អាចបើកបរលើផ្លូវល្បឿនលឿនបាន

បានផុស

៤ years មុន

នៅ

ថ្ងៃពុធ ២១ កញ្ញា ២០២២

ដោយ

រដ្ឋមន្រ្តីក្រសួងសាធារណការនិងដឹកជញ្ជូន ក្រោយប្រកាសពីការត្រៀមដាក់ឲ្យប្រើប្រាស់ផ្លូវល្បឿនលឿននៅដើមខែតុលា លោករដ្ឋមន្រ្តីក៏បញ្ជាក់ពីការឯកភាពជាមួយក្រុមហ៊ុន ដែលអនុញ្ញាតិឲ្យម៉ូតូដែលមានទំហំស៊ីឡាំងលើសពី ៥០០ សេសេអាចប្រើប្រាស់លើផ្លូវល្បឿនលឿនទីមួយនេះបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលចុះពិនិត្យផ្លូវល្បឿនលឿនភ្នំពេញព្រះសីហនុនៅព្រឹកនេះ លោករដ្ឋមន្រ្តី ស៊ុន ចាន់ថុល បានឲ្យដឹងថា ក្នុងកិច្ចព្រមព្រៀងមិនអនុញ្ញាតម៉ូតូជិះផ្លូវល្បឿនលឿនទេ។ ប៉ុន្តែដោយសារក្រសួងបានជជែកជាមួយក្រុមហ៊ុនសាងសង់ ក្នុងការអនុញ្ញាតិឲ្យម៉ូតូដែលមានទំហំស៊ីឡាំងចាប់ពី ៥០០ សេសេ ដើម្បីប្រើប្រាស់ផ្លូវល្បឿនលឿននេះ ជាការឆ្លើយតបក្រុមហ៊ុនបានឯកភាព។

យ៉ាងណាម៉ូតូដែលគ្រប់លក្ខខណ្ឌដែលតាមលោករដ្ឋមន្រ្តីមានជាង ១ ម៉ឺនគ្រឿងនៅប្រទេសកម្ពុជា ត្រូវបើកក្នុងល្បឿន ១០០ គីឡូម៉ែត្រក្នុងមួយម៉ោង ហើយមិនអនុញ្ញាតិឲ្យមានអ្នកជិះពីក្រោយនោះទេ ដោយសារបារម្ភពីសុវត្ថិភាព។

ជាមួយគ្នានេះ ម្ចាស់ដែលប្រើប្រាស់ម៉ូតូកម្លាំងម៉ាស៊ីនទំហំ ៥០០ សេសេ ត្រូវភ្ជាប់ស្តិកគ័រចេញដោយក្រសួងសាធារណការ ដើម្បីសម្គាល់ភិនភាគម៉ូតូដែលគ្រប់លក្ខខណ្ឌទើបគេអនុញ្ញាតិឲ្យប្រើប្រាស់លើផ្លូវល្បឿនលឿននេះ។

គម្រោងសាងសង់ផ្លូវល្បឿនលឿន-ភ្នំពេញព្រះសីហនុ បានបញ្ចប់មុនផែនការនៅឆ្នាំ ២០២៣។ ផ្លូវល្បឿនលឿនទីមួយនេះសម្រេចស្ទើរ ១០០ភាគរយ ហើយគ្រោងដាក់ឲ្យដំណើរការសាកល្បងនៅខែតុលា ឆ្នាំ២០២២នេះ៕