ព័ត៌មានជាតិ

ប្រទេស ៦ កម្ពុជាទាមទារជោគជ័យវត្ថុបុរាណជាង ២០០ ត្រឡប់មកស្រុកកំណើតវិញ

បានផុស

៤ years មុន

នៅ

ថ្ងៃព្រហស្បតិ៍ ២២ កញ្ញា ២០២២

ដោយ

ជាច្រើនឆ្នាំនេះ កម្ពុជាបានខិតខំប្រឹងប្រែងប្រើប្រាស់យន្តការផ្សេងៗដើម្បីទាមទារវត្ថុបុរាណជាសម្បត្តិជាតិ ត្រឡប់មកប្រទេសកំណើតវិញ។

លោក ឡុង ប៉ុណ្ណាស៊ីរីវត្ថ រដ្ឋលេខាធិការ និងជាអ្នកនាំពាក្យក្រសួងវប្បធម៌និងវិចិត្រសិល្បៈបានបញ្ជាក់ក្នុងសន្និសីទនៅព្រឹកនេះថា ៥ ឆ្នាំនេះ កម្ពុជាបានទាមទារវត្ថុបុរាណចំនួន ២៥៨ រូប ដែលជួញដូរដោយខុសច្បាប់ត្រឡប់មកប្រទេសកំណើតវិញ ក្នុងពេលកម្ពុជាជួបវិបត្តិជម្លោះផ្ទៃក្នុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទាមទារវត្ថុបុរាណត្រឡប់មកវិញ កម្ពុជាបានប្រើប្រាស់យន្តការទីមួយគឺតាមរយៈការអំពាវនាវដល់អ្នកកាន់កាប់ដើម្បីស្ម័គ្រចិត្តប្រគល់ត្រឡប់មកកម្ពុជាវិញ។ ទីពីរគឺតាមកិច្ចព្រមព្រៀងគ្នានិងការចរចាគ្នា និងទី ៣ គឺការទាមទារដោយច្បាប់។

លោករដ្ឋលេខាធិការបានឲ្យដឹងបន្តថា វត្ថុបុរាណដែលកម្ពុជាទាមទារមកវិញក្នុងរយៈពេល ៥ ឆ្នាំ មានពីអាមេរិកបាន ៣៣ រូប ជប៉ុន ៧១ រូប អង់គ្លេស ១៦ រូប ហុងគ្រី ១១០ រូប និងពីថៃ ២៨ រូប។

ក្រៅពីការទាមទារពីក្រៅប្រទេស ក្រសួងក៏ទទួលបានវត្ថុបុរាណជាច្រើនពីពលរដ្ឋតាមមូលដ្ឋានដែលយកប្រគល់ឲ្យអាជ្ញាធរ។

បើតាមលោកឡុង ប៉ុណ្ណាស៊ីរីវត្ថ កម្ពុជាបានចុះកិច្ចព្រមព្រៀងជាមួយអាមេរិក ដើម្បីបន្តភាពជាដៃគូដើម្បីបញ្ឈប់ការជួញដូរសម្បត្តិវប្បធម៌ខ្មែរខុសច្បាប់ និងបញ្ជូនបេតិកភណ្ឌវប្បធម៌ត្រឡប់មកកម្ពុជាវិញ៕