ព័ត៌មានជាតិ

ខារ៉ាអូខេ២កន្លែងក្នុងក្រុងបាត់ដំបងគ្មានអាជ្ញាបណ្ណទេសចរណ៍ បើកដំណើរការបំពានការណែនាំរបស់រាជរដ្ឋាភិបាល

បានផុស

៥ years មុន

នៅ

ថ្ងៃពុធ ៣០ ធ្នូ ២០២០

ដោយ

មន្ត្រីនៃមន្ទីរទេសចរណ៍ខេត្តបានឲ្យដឹងថា មានខារ៉ាអូខេចំនួន០២ទីតាំងដែលគ្មានអាជ្ញាបណ្ណទេសចរណ៍ និងលួចលាក់បើកបន្ទប់ខារ៉ាអូខេច្រៀងបំពាន នឹងសេចក្តីណែនាំរបស់រាជរដ្ឋាភិបាល ខណៈដែលទីតាំងខារ៉ាអូខេទាំង២ខាងលើនេះត្រូវបានមន្ទីរទេសចរណ៍ខេត្តបានស្នើសុំគោលការណ៍បិទទៅរដ្ឋបាលខេត្ត តាំងពីថ្ងៃទី១០ខែធ្នូឆ្នាំ២០២០កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខារ៉ាអូខេទាំង២ខាងលើដែលបានលួចលាក់បើកដំណើការខាងលើនេះ មានដូចជា ខារ៉ាអូខេ(អេសខេ)ជិតអតីតខារ៉ាអូខេហ្វាយស្តារ ស្ថិតក្នុងភូមិរំចេក៤ សង្កាត់ស្វាយប៉ោ និងខារ៉ាអូខេ(វីស៊ីង)ស្ថិតក្នុងសង្កាត់ទួលតាឯកក្រុងបាត់ដំបង។

មន្ត្រីដដែលថា ការរកឃើញកំហុសឆ្គងរបស់ម្ចាស់ខារ៉ាអូខេទាំងពីរខាងលើនេះ ខណៈដែលក្រុមការងារមន្ទីរទេសចរណ៍ខេត្តបាត់ដំបងបានសហការជាមួយគណៈបញ្ជាការឯកភាពខេត្ត និងក្រុងរួមមានស្នងការនគរបាលរដ្ឋបាលក្រុង អធិការក្រុងកងរាជអាវុធហត្ថក្រុង រដ្ឋបាលសង្កាត់ពាក់ព័ន្ធបានចុះត្រួតពិនិត្យតាមមណ្ឌលកម្សាន្តមនុស្សពេញវ័យភោជនីយដ្ឋានអាហារដ្ឋានទេសចរណ៍នាយប់ថ្ងៃទី២៩ ខែធ្នូ បានប្រទះឃើញខារ៉ាអូខេទាំង២កន្លែងកំពុងដំណើការបើកច្រៀង។ ក្រៅពីនេះមានសភាពស្ងប់ស្ងាត់ដោយសារប្រជាពលរដ្ឋនិងភ្ញៀវទេសចរមិនសូវចេញទៅក្រៅដោយនៅមានការព្រួយបារម្មណ៍ពីជំងឺកូវីដ១៩ដល់សហគមន៍។

លទ្ធផលនៃការចុះពិនិត្យបានសង្កេតឃើញថា អាជីវកម្មមួយចំនួនធំបានផ្អាកដំណើរការបណ្តោះអាសន្ននិងមួយចំនួនទៀតបានចូលរួមសហការនិងអនុវត្តតាមវិធានសុវត្ថិភាពទេសចរណ៍បានល្អ។ក្នុងនោះក្រុមការងារក៏បានរំលឹកបន្ថែមអោយម្ចាស់អាជីវកម្មទាំងអស់ពង្រឹងបន្ថែមនូវការអនុវត្តតាមការណែនាំរបស់ក្រសួងសុខាភិបាលនិងក្រសួងទេសចរណ៍អោយបានខ្ជាប់ខ្ជួនរហូតរហូតដល់មានការជូនដំណឹងសារជាថ្មី៕

អត្ថបទ ៖ សៅ សារិទ្ធ

Related Topics:ខេត្តបាត់ដំបង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា