Connect with us

ព័ត៌មានជាតិ

អាល្លឺម៉ង់ សន្យាជួយអភិរក្សសម្បត្តិបេតិកភណ្ឌវប្បធម៌រូបី និងអរូបី នៅកម្ពុជា

បានផុស

នៅ

រដ្ឋាភិបាលអាល្លឺម៉ង់ បានសន្យាថា នឹងជួយអភិរក្សសម្បត្តិបេតិកភណ្ឌវប្បធម៌រូបី និងអរូបីនៅកម្ពុជា ឱ្យបានកាន់តែប្រសើរឡើងថែមទៀត។

ការសន្យានេះបានធ្វើឡើងកាលពីរសៀលថ្ងៃទី២៨ ខែកញ្ញា ឆ្នាំ២០២២ ក្នុងជំនួបពិភាក្សាការងាររវាងលោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ជាមួយលោក Stefan MESSERES
ឯកអគ្គរដ្ឋទូតអាល្លឺម៉ង់ ថ្មីប្រចាំព្រះរាជាណាចក្រកម្ពុជា នៅទីស្ដីការក្រសួង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបពិភាក្សាការងារនេះ លោកស្រីរដ្ឋមន្ត្រី ភឿង សកុណា បានថ្លែងអំណរគុណដល់ភាគីអាល្លឺម៉ង់ ដែលបានជួយបណ្ដុះបណ្ដាលធនធានមនុស្សលើវិស័យវប្បធម៌ ក៏ដូចជាការងារអភិរក្សប្រាសាទនៅតំបន់អង្គរ និងការងារផ្សេងៗទៀតដូចជាការផ្សព្វផ្សាយ ស្វែងយល់ដឹងពីរបបខ្មែរក្រហមនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ដែលធ្វើឱ្យកម្ពុជា និងអាល្លឺម៉ង់ពេញចិត្តលើសមិទ្ធផលនានាដែលបានរួមគ្នាធ្វើនាពេលកន្លងមក។

ពាក់ព័ន្ធនឹងសកម្មភាពនាពេលអនាគតលោក Stefan MESSERES អាល្លឺម៉ង់ បានសំដែងនូវការរីករាយបន្តគាំទ្រនិងជួយឧបត្ថម្ភដល់ក្រសួងវប្បធម៌និងវិចិត្រសិល្បៈ ទាំងការបណ្ដុះបណ្ដាលធនធានមនុស្ស ទាំងការងារអភិរក្សលើ​សម្បត្តិបេតិកភណ្ឌវប្បធម៌ អរូបី និងរូបីរួមទាំងកិច្ចការងារផ្សេងៗទៀតដែលភាគីអាឡឺម៉ង់មានលទ្ធភាពជួយដល់កម្ពុជា
លើវិស័យវប្បធម៌។

លោក Stefan MESSERES បានបញ្ជាក់ថា លោកនឹងរៀបចំឲ្យមានទស្សនកិច្ចនៃថ្នាក់ដឹកនាំជាន់ខ្ពស់របស់អាឡឺម៉ង់
ដែលទទួលបន្ទុកលើការងារវប្បធម៌ មកបំពេញទស្សនកិច្ចនៅកម្ពុជា ដើម្បីសិក្សាស្វែងយល់ និងជំរុញកិច្ចសហប្រតិបត្តិការលើវិស័យវប្បធម៌ឲ្យកាន់តែជិតស្និទ្ធបន្ថែមទៀត និងពិនិត្យលទ្ធភាពក្នុងការជួយឧបត្ថម្ភគាំទ្រលើការងារវប្បធម៌ រវាងកម្ពុជា-អាល្លឺម៉ង់ សំដៅជំរុញកិច្ចការងារនេះកាន់តែល្អប្រសើរ ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

អ្នក​រត់​ម៉ូតូឌុប​ទូទាំង​ខេត្ត​ប៉ៃលិន ទទួល​អំណោយ​របស់​សម្តច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន

ព័ត៌មានជាតិ៧ ម៉ោង មុន

កង​ទ័ព​បន្តដឹកជញ្ជូន​សម្ភារៈ និង​ផ្ទះ​ប្រជាពលរដ្ឋ​ស្ម័គ្រ​ផ្លាស់ប្ដូរ​លំនៅឋានតំបន់​អភិវឌ្ឍន៍​ថ្មី​រុន​តាឯក​

ព័ត៌មានជាតិ១០ ម៉ោង មុន

មេ​បញ្ជាការ​រង​យោធភូមិភាគ​៥ ស្នើ​ភាគី​ថៃ​ជួយ​ទប់ស្កាត់ កុំ​ឲ្យ​មាន​អ្នកនយោបាយ​ យក​ព្រំដែន​ធ្វើជា​បញ្ហា​នយោបាយ

ព័ត៌មានជាតិ១០ ម៉ោង មុន

រដ្ឋបាល​រាជធានី ​សម្រេច​បិទ​ធ្វើ​ចរាចរ​យានយន្ត​គ្រប់​ប្រភេទ លើ​កំណាត់​មហាវិថី​ព្រះ​នរោត្តម​និង​បរិវេណ​ជុំវិញ​វិមាន​៧​មករា នៅ​ថ្ងៃទី​២៨-២៩ ខែមករា

KPT+១២ ម៉ោង មុន

អតីតនិស្សិតវិចិត្រសិល្បៈ ជូនអំណោយគ្រូចូលនិវត្តន៍ និងសិស្សខ្វះខាតស្នាក់ក្នុងសាលា

Sokha Hotels

ព័ត៌មានពេញនិយម