ព័ត៌មានជាតិ
ទឹកទន្លេសេកុង បានឡើងដល់ចំណុចប្រកាសអាសន្នហើយ
នៅថ្ងៃរសៀលថ្ងៃទី ១ ខែតុលានេះ ស្រុកសៀមប៉ាង ដែលនៅជាប់ដងទន្លេសេកុង បានប្រកាសថាទឹកឡើងរហូតដល់ចំណុចប្រកាសអាសន្នហើយ ដែលមានកម្ពស់ទឹករហូតដល់ ១១ ម៉ែត្រ ៦០ ចំណុចប្រកាសអាសន្នត្រឹមតែ ១១ ម៉ែត្រ ៥០ ប៉ុណ្ណោះ។
លោក ផាន់ យុទ្ធ អភិបាលស្រុកសៀមប៉ាងបានឲ្យដឹងថា ទឹកទន្លេសេកុងនៅប៉ុន្មានថ្ងៃចុងក្រោយនេះ បានហក់ឡើងជាបន្តបន្ទាប់ ជាហេតុធ្វើឲ្យស្រុកសៀមប៉ាង ដែលនៅជាប់ទន្លេនេះ នៅព្រឹកថ្ងៃទី ១ តុលានេះ បានចាប់ផ្តើមជន់លិចជាបណ្ដើរៗ។ លោកអភិបាលស្រុកបានបន្តថា នៅរសៀលថ្ងៃទី ១ ខែតុលានេះ ទឹកទន្លេសេកុងបានឡើងដល់ចំណុចប្រកាសអាសន្នហើយ គឺដល់ ១១ ម៉ែត្រ ៦០ ដែលធ្វើឲ្យវាលទំនាប រួមទាំងផ្លូវលំ និងទីប្រជុំជន ក្នុងស្រុកសៀមប៉ាងមួយចំនួន បានជន់លិច។ដោយឡែកអាជ្ញាធរស្រុក កំពុងចុះពិនិត្យមើលស្ថានភាពទឹកជំនន់ តាមតំបន់មួយចំនួនដែលរួមផលប៉ះពាល់ ដើម្បីជម្លៀសប្រជាពលរដ្ឋទៅកាន់ទីទួលសុវត្ថិភាព។
យោងតាមរបាយការណ៍របស់លោកប្រធានមន្ទីរធនធានទឹក និងឧតុនិយមខេត្តស្ទឹងត្រែង លោកប៉ាង ប៉េង បានបញ្ជាក់ថា នៅថ្ងៃរសៀលទី ០១ ខែតុលា ឆ្នាំ ២០២២ នេះ បានបង្ហាញថា ទន្លេសេកុង ដល់ចំណុចប្រកាសអាសន្នហើយ ដែលមានកម្ពស់ទឹករហូត ១១ ម៉ែត្រ ៦០ ប្រកាសអាសន្នត្រឹមតែ ១១ម៉ែត្រ៥០។
សូមបញ្ជាក់ថា អាជ្ញាធរខេត្តក៏បានចេញសេចក្តីជូនដំណឹងដល់មន្ទីរស្ថាប័នពាក់ព័ន្ធទាំងអស់ ត្រៀមលក្ខណឲ្យរួចរាល់ ដើម្បីជួយសង្គ្រោះដល់ប្រជាពលរដ្ឋក្នុងករណីចំាបាច់ណាមួយ ដែលវានឹងកើតមានឡើងជាយថាហេតុ៕
អត្ថបទ៖ ងិនលីម
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore