ព័ត៌មានជាតិ

មហាសេដ្ឋីខ្មែរងារជាឧកញ៉ា ៤ រូប កំពុងកាន់តំណែងជាសមាជិកព្រឹទ្ធសភា

បានផុស

៤ years មុន

នៅ

ថ្ងៃអាទិត្យ ៩ តុលា ២០២២

ដោយ

រហូតមកដល់ឆ្នាំ២០២២នេះ បុគ្គលដែលទទួលបានងារជា «ឧកញ៉ា ឬអ្នកឧកញ៉ា» មានចំនួនលើសពី ១ ពាន់នាក់។ ក្នុងចំណោមឧកញ៉ាជាង ១ ពាន់នាក់នេះ មានឧកញ៉ា ឬអ្នកឧកញ៉ាមួយចំនួនកំពុងកាន់តំណែងនានានៅក្នុងជួរកិច្ចការរដ្ឋ ទាំងនៅព្រឹទ្ធសភា រដ្ឋសភា និងមុខតំណែងក្នុងជួររាជរដ្ឋាភិបាល។ ក្នុងនោះ ក៏មានអ្នកឧកញ៉ាមហាសេដ្ឋីលំដាប់ជួរមុខនៅកម្ពុជាចំនួន ៤រូប កំពុងតែកាន់តំណែងជាសមាជិកព្រឹទ្ធសភា។

តើអ្នកឧកញ៉ា ដែលកំពុងកាន់តំណែងជាសមាជិកព្រឹទ្ធសភាទាំង ៤រូបនេះ ជានរណា? កម្ពុជាថ្មី នឹងលើកបង្ហាញឲ្យស្គាល់ដូចតទៅ ៖

១/ លោក ម៉ុង ឫទ្ធី

លោក ម៉ុង ឫទ្ធី ជាសមាជិកព្រឹទ្ធសភាប្រចាំមណ្ឌលភូមិភាគទី៧ មកពីគណបក្សប្រជាជនកម្ពុជា។ លោកមានតួនាទីជាប្រធានគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា។ ក្រៅពីតំណែងនៅព្រឹទ្ធសភា លោក ម៉ុង ឫទ្ធី មានងារជា «អ្នកឧកញ៉ា» និងជាអគ្គនាយកក្រុមហ៊ុន ម៉ុង ឫទ្ធី គ្រុប ដែលជាក្រុមហ៊ុនកសិ-ឧស្សាហកម្មធំជាងគេបំផុតនៅក្នុងប្រទេសកម្ពុជា។

ក្រុមហ៊ុន ម៉ុង ឫទ្ធី គ្រុប មានក្រុមហ៊ុនបុត្រសម្ព័ន្ធជាច្រើន ដូចជា៖ ក្រុមហ៊ុន សំណង់ក្មេងវត្ត ក្រុមហ៊ុន វិនិយោគដំណាំដូងប្រេង ក្រុមហ៊ុនវិនិយោគចម្ការកៅស៊ូ កសិដ្ឋានចិញ្ចឹមសត្វជ្រូក រោងចក្រផលិតចំណីសត្វ ក្រុមហ៊ុនផ្គត់ផ្គង់ និងចែកចាយគ្រឿងចក្រឧស្សាហកម្ម ក្រុមហ៊ុន កែច្នៃផលិតផលផ្លែឈើ និងក្រុមហ៊ុនកំពង់ផែឧកញ៉ា ម៉ុង ជាដើម។

២/ លោក លី យ៉ុងផាត់

លោក លី យ៉ុងផាត់ គឺជាម្ចាស់ក្រុមហ៊ុន LYP គ្រុប ដែលជាក្រុមហ៊ុនឈានមុខគេក្នុងអាជីវកម្ម និងជាក្រុមហ៊ុនសេវាកម្មពាណិជ្ជកម្មឆ្លងដែនដំបូងគេនៅកម្ពុជា។ ការវិនិយោគសំខាន់ៗរបស់ក្រុមហ៊ុនលោក លី យ៉ុងផាត់ រួមមាន៖ កោះកុង រីសត ,សណ្ឋាគារភ្នំពេញ , សណ្ឋាគារ និងក្លឹបវាយកូនហ្គោល ហ្គាឌិនស៊ីធី ,សួនសត្វ សាហ្វារី ភ្នំពេញ ,ស្ថានីយ៍ទូរទស្សន៍ ភីអិនអិន ,ក្រុមហ៊ុន ស្ករស នៅខេត្តកំពង់ស្ពឺ ,ផ្សារទំនើប ម៉ាក្រូ ជាដើម។ លោក លី យ៉ុងផាត់ ក៏មានតំណែងជាសមាជិកព្រឹទ្ធសភាប្រចាំមណ្ឌលភូមិភាគទី៧ មកពីគណបក្សប្រជាជនកម្ពុជាផងដែរ។

៣/ លោក កុក អាន

លោក កុក អាន គឺជាស្ថាបនិកក្លឹបបាល់ទាត់ភ្នំពេញក្រោន ជាអគ្គនាយកក្រុមហ៊ុន អាន កូ និងជាម្ចាស់កាស៊ីណូ ហ្គោល ឌិនក្រោន។ លោក កុក អាន បានជាប់ជាសមាជិកព្រឹទ្ធសភាប្រចាំមណ្ឌលភូមិភាគទី៥ មកពីគណបក្សប្រជាជនកម្ពុជា ចាប់តាំងពីអាណត្តិទី២ រហូតដល់អាណត្តិទី៤នេះ។