Connect with us

ព័ត៌មានជាតិ

២ ថ្ងៃ នៃពិធីបុណ្យអុំទូក ខេត្តបាត់ដំបង ទទួលបានភ្ញៀវទេសចរ ជិត ២០ ម៉ឺននាក់ ​

បានផុស

នៅ

នៅ​ក្នុង​ពិធី​បុណ្យ​អុំទូក ប្រារព្ធ​ឡើង​រយៈពេល ២ ថ្ងៃ នា​ខេត្ត​បាត់ដំបង មាន​ចំនួន​ភ្ញៀវ​ទេសចរ​ដែល​មក​កម្សាន្ត​ក្នុង​ក្រុង​បាត់ដំបង​យ៉ាង​ច្រើន​កុះករ រហូត​ដល់​ជិត ២០ ម៉ឺន​នាក់ បន្ទាប់ពី​អាក់ខាន ២ ឆ្នាំ ដោយសារ​ជំងឺ​កូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរ​បញ្ជាក់​ថា កាលពី​ថ្ងៃ​ទី ៩ និង​ទី ១០ ខែ​តុលា ឆ្នាំ ២០២២ នេះ រដ្ឋបាល​ខេត្ត​បាត់ដំបង បាន​រៀបចំ​ប្រារព្ធ​ពិធីបុណ្យ​អុំទូក ដោយមាន​ទូក​ចូលរួម​ចំនួន ៣៥ គូ និង​កីឡាករ កីឡា​ការិនី ចូលរួម​ជាង ១.០០០ នាក់។

ក្រោយ​អាក់ខាន​រយៈពេល ២ ឆ្នាំ កន្លង​ផុត​ទៅ គេ​សង្កេត​ឃើញ​ថា មនុស្សម្នា មកពី​គ្រប់​ច្រកល្ហក ទាំង​ក្នុង​ខេត្ត និង​ក្រៅ​ខេត្ត បាន​ធ្វើ​ដំណើរ​​ចូលរួម​ទស្សនា និង​កម្សាន្ត​ក្នុង​ពិធី​នេះ ដោយសារតែ​ក្រៅពី​កម្មវិធី​បុណ្យអុំទូក រដ្ឋបាល​ខេត្ត រៀបចំ​ឲ្យ​មាន​ស្តង់​លក់ទំនិញ​គ្រប់​ប្រភេទ ព្រមទាំង​ក្រុម​តន្ត្រី​ខន​សឺត ប្រគំ​កំដរ​នៅ​សួន​នាគ​បាញ់​ទឹក​ផង​ដែរ។

យោង​តាម​របាយការណ៍​របស់​លោក អ៊ុច អ៊ុំភីនីស្សារ៉ា ប្រធាន​មន្ទីរ​ទេសចរ​ខេត្ត បាន​បញ្ជាក់​ថា ចំនួន​ភ្ញៀវ​ទេសចរ​ដែល​ចូល​មក​កម្សាន្ត​រយៈពេល ២ ថ្ងៃ សរុប​ចំនួន ១៨៩.១៦៧ នាក់។ ក្នុង​នោះ ភ្ញៀវ​ទេសចរ​ជាតិ​ ១៨៨.៩៥៧ នាក់ និង​ភ្ញៀវ​ទេសចរ​អន្តរជាតិ (​ទេសចរ​ផ្ទៃក្នុង​) មាន ២១០ នាក់ ដែល​ចំនួន​នេះ គឺជា​មោទនភាព​យ៉ាង​ក្រៃលែង​សម្រាប់​មុខមាត់​ខេត្ត​បាត់ដំបង នា​ពិធី​បុណ្យអុំទូក ឆ្នាំ ២០២២ នេះ៕

អត្ថបទ ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម