ប្រហោងពោះ! កាយដីដំបូកស្រែប្រទះឃើញគ្រាប់កាំភ្លើង AK.47​ ជាង ១ពាន់គ្រាប់

បន្ទាយមានជ័យ៖ គ្រាប់យុទ្ធភ័ណ្ឌមិនទាន់ផ្ទុះជាង ១ ពាន់គ្រាប់ ប្រជាពលរដ្ឋកាយដីដំបូកស្រែប្រ​ទះឃើញ ​បានយកមកប្រគល់ឲ្យនគរបាលប៉ុស្តិ៍រដ្ឋបាលយកទៅរក្សាទុកនៅថ្ងៃទី ៣១ ខែធ្នូ ឆ្នាំ ២០២០ ។

លោកវរសេនីយ៍ទោ ឈឿង គឹមឈុន អធិការនគរបាលស្រុកថ្មពួក បានឲ្យដឹងថា ប្រជាពលរដ្ឋ ឈ្មោះ ជុំ ជឿន ភេទប្រុស អាយុ ៥៩ ឆ្នាំ រស់នៅភូមិក្បាលក្របី ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បានជួលគ្រឿងចក្រយកមក កាយដំបូកស្រែ ចំងាយប្រមាណ ១,៥០០ ម៉ែត្រ ស្រាប់តែបានប្រទះឃើញគ្រាប់ AK,47 ចំនួន ១,៤០២ គ្រាប់ នៅមានគុណភាពដែលបានកប់នាសម័យសង្រ្គាម។

លោកអធិការបានបញ្ជាក់ថា ប្រជាពលរដ្ឋឈ្មោះជុំ ជឿន ក៏បានប្រគល់គ្រាប់ទាំងនោះជូនកម្លាំងនគរបាលប៉ុស្តិ៍រដ្ឋបាលឃុំបន្ទាយឆ្មារ ដើម្បីរក្សាទុកបញ្ចៀសការគ្រោះថ្នាក់ជាយថាហេតុ និងរងចាំប្រគល់ឲ្យអង្គភាពស៊ីម៉ាក់យកទៅកំទេចចោលផងដែរ ៕

អត្ថបទ៖ វ៉ាន់ ណាង

ចុចអាន៖ ឃាត់ខ្លួន​អ្នក​លក់៣នាក់​ និង​អ្នកប្រើប្រាស់​២នាក់ ដកហូត​ថ្នាំញៀន​ជិត​១​គីឡូ​

ចុចអាន៖ ជីតា ត ខ្សែភ្លើងដាក់អំពូលរ៉ឺម៉កកង់បីមិនប្រយ័ត្ន ចៅស្រីឆក់ស្លាប់ភ្លាមៗ