ព័ត៌មានជាតិ
សម្ដេចតេជោ ហ៊ុន សែន ប្រាប់ពលរដ្ឋត្រូវមើលឲ្យច្បាស់ អំពីសារជាតិក្បត់ជាតិរបស់ទណ្ឌិត សម រង្ស៊ី
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងប្រាប់ឲ្យប្រជាពលរដ្ឋ ត្រូវពិនិត្យមើលឲ្យច្បាស់នូវសារជាតិក្បត់ជាតិរបស់ទណ្ឌិត សម រង្ស៊ី អតីតមេបក្សប្រឆាំង ដែលខ្លួនមិនទាន់មានអំណាចផង បានចុះហត្ថលេខាប្រគល់ទឹកដីទៅឲ្យជនបរទេស។
សម្ដេចតេជោ ហ៊ុន សែន បានថ្លែងបន្ទាប់ពីប្តូរព័ត៌មានថ្ងៃខែឆ្នាំកំណើត ក្នុងបញ្ជីឈ្មោះបោះឆ្នោត នាព្រឹកថ្ងៃទី ២០ ខែតុលានេះថា សម្ដេចបានឃើញហើយ នូវសាលក្រមកាត់ទោសលោក សម រង្ស៉ី ដែលជាទណ្ឌិតរត់គេចខ្លួននៅក្រៅប្រទេស ឲ្យជាប់ពន្ធនាគារអស់មួយជីវិត និងដកសិទ្ធិធ្វើនយោបាយជាស្ថាពរ ក្នុងសំណុំរឿងចុះកិច្ចព្រមព្រៀងកាត់ទឹកដីឲ្យជនជាតិម៉ុងតាញ៉ា។
ក្នុងសំណុំរឿងនេះសម្ដេចតេជោ ហ៊ុន សែន បានលើកឡើងថា «តើអាចក្លាយជាមេដឹកនាំប្រទេសកម្ពុជាបែបណាទៅ បើខ្លួនមិនទាន់មានអំណាចផង ខ្លួនចុះហត្ថលេខាប្រគល់ទឹកដីទៅឲ្យជនបរទេសរហូតទៅដល់ ៤ខេត្ត ហើយធ្វើការបកស្រាយថា នេះដើម្បីអនុវត្តជនជាតិដើមភាគតិច ដែលគេចង់សំដៅថា គេធ្វើនេះគឺដើម្បីផ្ដល់នូវសិទ្ធិ សម្រាប់ជនជាតិដើមភាគតិច ដែលនៅរតនគិរី មណ្ឌលគិរី ស្ទឹងត្រែង ក្រចេះ និងព្រះវិហារ»។
សម្ដេចតេជោ ហ៊ុន សែន បានថ្លែងបន្តថា «ប៉ុន្តែខ្ញុំចង់សួរបញ្ជាក់ទៅអស់លោកថា អស់លោកបានមើលឃើញរូបភាព ដែលចុះហត្ថលេខានោះទេ ហេតុអ្វីបានជានៅក្រោយខ្នងទាំងពីរ ចុះហត្ថលេខាមានទង់ជាតិរហូតដល់ ៣ កណ្ដាលទង់ជាតិអាមេរិកកាំង មួយទៀត គឺទង់ជាតិកម្ពុជា ឯមួយទៀត គឺទង់ជាតិពួកដេហ្គា ពួកម៉ុងតាញ៉ា នៅប្រទេសវៀតណាម ប្រទេសកម្ពុជា ប្រជាជននៅខេត្តរតនគិរី មណ្ឌលគិរី ស្ទឹងត្រែង ក្រចេះ តើមានទង់ជាតិហើយឬនៅ? គឺអត់មានទង់ជាតិទេ ចឹងបើសិនជាគ្រាន់តែជាការផ្ដល់សិទ្ធិអំណាច ឲ្យប្រជាជនជនជាតិដើមភាគតិច វាអត់មានតម្រូវការដើម្បីឲ្យជនជាតិទាំងនោះ មានទង់ជាតិទេ ចឹងបកស្រាយថា ម៉េចនៅកន្លែងនេះ?»។
សម្ដេចតេជោ ហ៊ុន សែន លើកឡើងទៀតថា រូបភាពដែលបានបង្ហាញ អំពីការចុះហត្ថលេខារបស់លោក សម រង្ស៊ី ដែលជាទណ្ឌិតចុះហត្ថលេខានោះ គឺជាភស្ដុតាងបញ្ជាក់អំពីកាត់ទឹកដីឲ្យជនជាតិបរទេស ដោយមិនអាចប្រកែកបាន។ សម្ដេចតេជោ ហ៊ុន សែន បានថ្លែងទៀតថា «ខ្ញុំសូមបញ្ជាក់ជូនប្រជាពលរដ្ឋ សុំឲ្យមើលតាមកញ្ចក់ទូរទស្សន៍ទាំងអស់ ដែលកំពុងផ្សាយនៅខាងក្រោយខ្នង នៃការចុះហត្ថលេខាគឺមានទង់ជាតិ ៣ មែនទេ? ហើយនេះជាឯកសារដ៏សំខាន់បំផុត ដែលត្រូវតែមានចំណងផ្លូវច្បាប់ជៀសវាងមិនបាន»។
ជាមួយគ្នានេះ សម្ដេចតេជោ ហ៊ុន សែន បានប្រាប់ប្រជាពលរដ្ឋឲ្យមើលឲ្យច្បាស់ នូវចរិតត្បត់ជាតិរបស់លោក សម រង្ស៊ី ដែលជាទណ្ឌិតរូបនេះ។ សម្ដេចតេជោ ហ៊ុន សែន បានថ្លែងយ៉ាងដូច្នេះថា «ដូច្នេះបងប្អូនប្រជាពលរដ្ឋ ត្រូវមើលឃើញឲ្យច្បាស់អំពីចរិតសារជាតិក្បត់ជាតិ របស់ជនក្បត់ជាតិនេះ ដែលខ្ញុំចាត់ថា ជាអំពើក្បត់ ៣ជំនាន់មនុស្ស តាំងពីជីតា ឪពុក មកដល់កូន»៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង