ព័ត៌មានជាតិ
សម្ដេចតេជោ ហ៊ុន សែន ឆ្លើយតបទៅបុគ្គលមួយចំនួន ដែលរិះគន់ការតែងតាំងលោក ឌិត ទីណា ជារដ្ឋមន្ត្រីក្រសួងកសិកម្ម
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឆ្លើយតបទៅកាន់បុគ្គលមួយចំនួន ដែលបានលើកមតិរិះគន់ពាក់ព័ន្ធនឹងការតែងតាំងលោក ឌិត ទីណា ជារដ្ឋមន្ត្រីក្រសួងកសិកម្ម ដែលមិនមែនជាអ្នកធ្លាប់ធ្វើការងារក្នុងវិស័យនេះពីមុនមក។
នៅក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យា សាស្ត្រសេដ្ឋកិច្ច (RULE) ជាង ៦ពាន់នាក់ នាព្រឹកថ្ងៃទី ១ ខែវិច្ឆិកា សម្ដេចតេជោ ហ៊ុន សែន បានឆ្លើយតបទៅកាន់បុគ្គលមួយចំនួន ដែលបានលើកឡើងថា មន្ត្រីក្រសួងកសិកម្មមានយ៉ាងច្រើន មិនព្រមយកមកធ្វើជារដ្ឋមន្ត្រីក្រសួងកសិកម្មទេ តែបែរជាយកវិស្វកររ៉ែ មកធ្វើជារដ្ឋមន្ត្រីកសិកម្មវិញ។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «អ្នកខ្លះ បានលើកជាមតិថា មន្ត្រីកសិកម្មមួយគគោក មិនយកទៅធ្វើរដ្ឋមន្ត្រីកសិកម្មទេ យកវិស្វកររ៉ែឯណា ទៅធ្វើរដ្ឋមន្ត្រីកសិកម្ម ជាការល្អហើយរដ្ឋមន្ត្រីកសិកម្ម គាត់បង្រៀនត្រឡប់ទៅវិញ អ្នកឯងចេះកសិកម្ម ចេះអស់នៅ? ស្អីខ្លះកសិកម្មនោះ? និយាយឲ្យវាច្បាស់ ថ្ងៃក្រោយប្រយ័ត្នក្មេងប្រដៅ»។
សម្ដេចតេជោ ហ៊ុន សែន បានថ្លែងទៀតថា វិស័យកសិកម្ម មិនមែនគ្រាន់តែធ្វើស្រែចម្ការតែមួយមុខទេ គឺមានកិច្ចការងារជាច្រើន។ ដូច្នេះថាតើ អ្នកដែលរិះគន់ អំពីការតែងតាំងរដ្ឋមន្ត្រីក្រសួងកសិកម្មនោះ ចេះកសិកម្មអស់ ឬនៅ? សម្ដេច តេជោ ហ៊ុន សែន បានថ្លែងបន្ថែថា «ចឹងចេញសម្ដីបែបនេះមក បង្ហាញឲ្យឃើញអំពីខ្វះការចេះដឹង អ្វីទៅដែលហៅថា ភាពដឹកនាំ អ្នកដឹកនាំ ខ្ញុំមានទៅស្អី ឥឡូវនេះ ចំណែកណាមួយក៏អត់ចេះដែរ ឲ្យខ្ញុំចេះឲ្យគ្រប់ ឲ្យចេះ? អត់ទេ»។
សូមជម្រាបថា កាលពីពេលថ្មីៗនេះ លោក ឌិត ទីណា អតីតរដ្ឋលេខាធិការក្រសួងរ៉ែ និងថាមពល ត្រូវបានព្រះមហា ក្សត្រ ចេញព្រះរាជក្រឹត្យតែងតាំងជារដ្ឋមន្ត្រីក្រសួងកសិកម្ម ជំនួសលោក វេង សាខុន ដែលត្រូវតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី៕
អត្ថបទ៖ ឃួន សុភ័ក្រ
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៨ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានអន្ដរជាតិ៥ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ