ព័ត៌មានជាតិ
អភិបាលខេត្តកែប ឲ្យមន្ទីរចំណុះរដ្ឋបាលខេត្តត្រូវរៀបចំឲ្យមានទូកកាចាសមុទ្រ ដើម្បីចូលរួមការប្រកួតកីឡាប្រណាំងទូក
ឯកឧត្តម សោម ពិសិដ្ឋ អភិបាលខេត្តកែប បានបញ្ជាឲ្យមន្ទីរចំណុះរដ្ឋបាលខេត្តទាំងអស់ត្រូវរៀបចំឲ្យមានទូកកាចាសមុទ្រ ត្រូវត្រៀមដើម្បីចូលរួមការប្រកួតនៅក្នុងពិធីប្រណាំងទូកកាចាសមុទ្រនៅថ្ងៃទី៣១ ខែធ្នូ ឆ្នាំ២០២២ខាងមុខនេះ។
ការបញ្ជារបស់ឯកឧត្តម សោម ពិសិដ្ឋ អភិបាលខេត្តបានលើកឡើងកាលពីថ្ងៃទី២ ខែវិច្ឆិកា ឆ្នាំ២០២២នេះ ក្នុងឱកាសដែលលោកអញ្ជើញជាអធិបតីក្នុងពិធីបិទការប្រកួតកីឡាមហាជនជ្រើសរើសជើងឯកទូទាំងខេត្ត និងពានរង្វាន់ ឯកឧត្ដមបណ្ឌិត សោម ពិសិដ្ឋ អភិបាលខេត្តកែប ប្រចាំឆ្នាំ២០២២។ នាឱកាសនោះឯកឧត្តមអភិបាលខេត្តបានជម្រុញឲ្យមន្ទីរអប់រំ យុវជន និងកីឡាខេត្តកែប ត្រូវរៀបចំផែនការសកម្មភាពដោយដាក់បញ្ចូលកីឡាមហាជនឲ្យបានផុលផុសនាពេលខាងមុខនេះ។
ឯកឧត្តម សោម ពិសិដ្ឋ បានលើកឡើងថា កីឡាមហាជនមិនត្រឹមតែមានសម្រាប់ក្របខណ្ឌក្នុងខេត្តទេ ប៉ុន្តែក្របខណ្ឌក្រៅខេត្តក៏អាចដាក់ពាក្យចូលប្រកួតបានដែរដូចជា បាល់ទះ បាល់ទាត់ ប៉េតង់ បាល់ទះលើឆ្នេរខ្សាច់ ដើម្បីទាក់ទាញឲ្យចូលរួមលេងកីឡា ព្រោះកីឡានាំមកនូវសុខភាព សាមគ្គីភាព សហប្រតិបត្តិការ។ ជាមួយគ្នានោះដែរ ឯកឧត្តមអភិបាលខេត្ត បានធ្វើការអំពាវនាវដល់ប្អូនៗសិស្សានុសិស្សយុវជនទាំងអស់ត្រូវជៀសវាងឲ្យឆ្ងាយពីការប្រើប្រាស់គ្រឿងញៀន។សូមទៅចូលរួមចាក់វ៉ាក់សាំងការពារជំងឺកូវិដ១៩ទាំងដូសជម្រុញ ដូសបន្តបន្ទាប់ឲ្យបានគ្រប់ៗគ្នា និងត្រូវចូលរួមគោរពច្បាប់ចរាចរណ៍ផ្លូវគោកទាំងអស់គ្នា កុំឲ្យមានគ្រោះថ្នាក់ខ្លួនយើង គ្រួសារ និងសហគមន៍របស់យើង។
ឯកឧត្តម សោម ពិសិដ្ឋ អភិបាលខេត្តកែបបានបន្តអំពាវនាវដល់យុវជនទាំងអស់សូមចូលរួមហ្វឺកហាត់ចូលរួមលេងកីឡាតាមចំណង់ចំណូលចិត្តរបស់ខ្លួន តាមការបង្ហាត់បង្ហាញរបស់គ្រូបង្វឹកប្រកបដោយស្មារតីសាមគ្គីភាព មិត្តភាព ភារភាព សុខភាពមាំមួន ទេពកោសល្យខ្ពស់ដើម្បីអាចក្លាយទៅជាកីឡាករ កីឡាការិនី អាជីពនាថ្ងៃខាងមុខនេះ។
ឯកឧត្តម សោម ពិសិដ្ឋ អភិបាលខេត្តសូមឲ្យយុវជនទាំងអស់ត្រូវមានស្មារតីជួយយកអាសារគ្នាទៅវិញទៅមក មានសាមគ្គីភាព មានឥរិយាបថវិជ្ជមាន មានមនសិការសង្គម មានឆន្ទះមោះមុត ជួយជាតិមាតុភូមិ ការពារទឹកដី មានស្មារតីទទួលខុសត្រូវចំពោះជាតិ សាសនា ព្រះមហាក្សត្រ ជាពិសេសត្រូវកសាងភាពជឿជាក់លើខ្លួនឯង ខិតខំអភិវឌ្ឍន៍ឲ្យក្លាយទៅជាអ្នកដឹកនាំ គ្រប់គ្រង ជាពលរដ្ឋគំរូក្នុងស្មារតីខ្មែរតែមួយ អនាគតតែមួយ ហើយការពារឲ្យបាននូវសុខសន្តិភាព និងការអភិវឌ្ឍជាតិ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕
អត្តបទ៖ សឹង រ៉ាត់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត